Post Tagged with: "瑪利奧"

情人節超正朱古力      孖寶兄弟「磗塊倒模器」
by / on 31/01/2019 at 7:06 am

情人節超正朱古力 孖寶兄弟「磗塊倒模器」

情人節就到,日本人好興自製朱古力,作為Mario大叔嘅fans,應該好想要呢嚿朱古力磗塊!利用朱古力倒模器製成遊戲入面嘅磗塊,有普通磗、問號磗、蘑菇磗、星星磗同金幣磗,仲跟多6個透明嘅Mario大叔棒,賣2763円。另外仲有其他產品例如糖果倒模器、金魚攪拌棒等等,入嚟有得睇。

Read more ›

瑪利奧「食人花」帽 自信大叔戴得好有型
by / on 09/12/2017 at 9:05 am

瑪利奧「食人花」帽 自信大叔戴得好有型

冬天天氣凍,戴返頂冷帽都好合理吖。Think Geek最近就有呢款食人花帽 (Piranha Plant Beanie),一睇就知係超級瑪利奧入面好煩嗰朵食人花。不過我最欣賞其實係示範嗰位model,自信嘅表情令頂帽睇落好引!賣美金$19.99,啱晒參加聖誕party用嚟做禮物。

Read more ›
瑪利奧玩性感     Forever 21聯乘男/女/童裝勁多款
by / on 01/10/2017 at 3:07 pm

瑪利奧玩性感 Forever 21聯乘男/女/童裝勁多款

MINI超級任天堂美版同歐版都出咗,咁值得紀念,任天堂都公佈同Forever 21合作推出聯乘產品。今次種類都幾多,女裝、男裝以至童裝都有,有齊孖寶兄弟、孖寶賽車同薩爾達傳說。最難著應該係鬼妹好興但香港比較少女仔敢挑戰嘅背心泳衣一件頭,多少少肥肉都著唔到,好少見瑪利奧咁性感。另外小妹妹示範嗰件公主粉紅色外套都幾靚,啱晒成日想做公主嘅小朋友。入嚟仲有多啲男裝,慢慢睇慢慢揀。

Read more ›
日本郵局「瑪利奧紀念郵票」 今日發售好想買!
by / on 28/06/2017 at 7:16 am

日本郵局「瑪利奧紀念郵票」 今日發售好想買!

日本郵局成日出特別版郵票,Mario之前2006年都出過8bit版郵票,最近又有新款,今次唔玩懷舊玩彩色,主題係Super Mario Bros.,今日開始喺日本發售。一套彩色郵票,每個82円,一套賣820円,有齊大叔、公主同Luigi,瑪利奧大叔企喺郵筒旁邊扮寄信嗰張仲好可愛添!今日仲會有主題郵票紀念郵戳,即係有埋日期嘅郵局印仔,好有紀念價值。發行數量2000萬枚,好想買!

Read more ›
【有片】瑪利奧酒吧靚裝修   店員勁似瑪利奧大叔
by / on 02/04/2017 at 11:41 am

【有片】瑪利奧酒吧靚裝修 店員勁似瑪利奧大叔

美國華盛頓最近開咗呢間Pop-Up Bar,以日本文化做靈感,一邊係櫻花盛開嘅佈置,另一邊係Mario瑪利奧大叔,仲裝飾得好認真。呢間瑪利奧主題酒吧天花板全部都係問號同磗頭,水管入面支食人花仲會彈出彈入,現場亦有瑪利奧特飲,不過最正都係店員會cosplay埋,其中一個大叔仲好似瑪利奧,不過點解佢去咗櫻花主題嗰邊?

Read more ›
【五星級的家】瑪利奧喵竇有頂磗有水管 仲有屈機子彈
by / on 07/02/2016 at 5:49 pm

【五星級的家】瑪利奧喵竇有頂磗有水管 仲有屈機子彈

今日係大掃除嘅日子,屋企嘅喵唔止無幫手,應該仲會搞破壞。新年換新屋,人梗係無可能啦,不過喵星人可能得,外國就有人整咗呢套喵星人層架獎勵主子,用瑪利奧做靈感,有磗有水管仲有好屈機嘅子彈,睇班喵星人似乎玩得好開心,條水管仲可以鑽入去。呢位貓奴之前仲整過巨人炸彈球慰勞主子,做佢嘅喵都幾幸福。

Read more ›

瑪利奧大叔扮潮童 任天堂Moschino合作出T恤/手袋
by / on 08/12/2015 at 7:17 am

瑪利奧大叔扮潮童 任天堂Moschino合作出T恤/手袋

由Jeremy Scott操刀嘅時裝品牌Moschino一向鐘意玩嘢,之前出過McDonald’s系列,又玩過海棉寶寶,最近趁Super Mario Bros嘅30週年,決定同任天堂合作,殺入遊戲界。佢哋合作設計咗呢個「Super Moschino」系列,有Tee、衞衣、背囊、手袋、皮帶、銀包、高踭鞋等產品,講真嗰幾件tee設計麻麻,用靚女著都補救唔到,反而用星星、金幣、蘑菇設計嘅幾款monogram手袋就幾得意,可惜今次嘅合作似乎只得女士啱買,一班由細打Mario打到大嘅男玩家今次可以慳返。

Read more ›
【新片速報】日本大叔街頭跳《Dance Evolution》 超有愛瑪利奧都跟
by / on 07/11/2015 at 7:25 pm

【新片速報】日本大叔街頭跳《Dance Evolution》 超有愛瑪利奧都跟

大叔好嘢!呢個喺日本街頭玩跳舞game《Dance Evolution》嘅大叔好有愛,呢隻跳舞game當年風靡一時,估計大叔當年都係粉絲。睇片見佢唔理途人目光,沉醉喺自己嘅音樂世界,而且跳得好準,大動作都跟到足,仲感染埋坐喺後面嘅瑪利奧都跟住佢舉手跳,音樂嘅感染力真係大呀!

Read more ›
新片速報 瑪利奧大叔學超音鼠 360度疾走卡關
by / on 07/08/2015 at 7:09 am

新片速報 瑪利奧大叔學超音鼠 360度疾走卡關

老鬼機迷睇呢條片應該幾有共鳴,YouTuber Dorkly好鍾意惡搞《孖寶兄弟》,最近又有新片,主角照舊都係Mario大叔,玩嘅係好似平常嘅《孖寶兄弟》咁,不過就加咗超音鼠元素,例如最經典嘅超音鼠360度疾走圓圈路線,Mario大叔都有照玩,不過就卡晒關,但係啲回憶就湧晒出嚟。

Read more ›
情人節任天堂出手   瑪利奧大叔咭免費下載
by / on 12/02/2015 at 7:03 am

情人節任天堂出手 瑪利奧大叔咭免費下載

如果你咁好彩有另一半,情人節可以用吓瑪利奧大叔呢張情人節咭。上到去任天堂嘅官網站,會見倒6張不同款式嘅e咭,每張都用喺佢哋最主要嘅角色,再配標語。例如瑪利奧大叔嗰句slogan就係「You’re My Power UP!」,夠晒應景又附合情人節氣氛。其他幾款咭嘅主要角色仲有薩爾達、Donkey Kong、孖寶公主等,唔駛錢算係咁。

Read more ›
香港LEGO神人   自砌老夫子/ 瑪利奧/超級英雄
by / on 26/08/2014 at 7:10 am

香港LEGO神人 自砌老夫子/ 瑪利奧/超級英雄

LEGO大神經常介紹,今次有啲唔同,因為佢係嚟自香港,威到外國網都介紹嘅leyasu Tse,唔好笑我孤陋寡聞,我真係啱啱先識佢,即刻like咗。佢嘅facebook有大量LEGO作品靚相睇,包括一班Marvel超級英雄、新世紀福音戰士、之前好hit嘅IKEA路姆西、女版老夫子同埋cosplay瑪利奧大叔嘅性感靚女等等,香港人未like嘅記住去支持吓土炮創作。

Read more ›

漲爆動漫角色    哥斯拉/悟空食得太飽
by / on 02/06/2014 at 10:58 am

漲爆動漫角色 哥斯拉/悟空食得太飽

連放三日假,又麥當勞又肯德基又Pizza,食得多自然有機會漲爆,唔好話普通人,英雄人物或者動漫角色都一樣會。想警惕自己,可以睇吓喺Instagram好紅嘅設計師Alex Solis嘅作品,由兩個月前開始,佢不停設計漲爆角色,題材好廣泛,由悟空、哥斯拉、Batman、瑪利奧以至LEOG同反串嘅白雪公主都有,效果好正。而且每張圖都見倒主角成手都係食物,係咪好似攤喺梳化上facebook嘅你呢?

Read more ›
新片速報   現實版瑪利奧   恐龍仔出超必
by / on 16/05/2014 at 12:33 pm

新片速報 現實版瑪利奧 恐龍仔出超必

現實總是殘酷的。呢條真實版瑪利奧fan made短片好正,短短兩日已經有60幾萬人睇過。今次主角係平時好得意嘅恐龍仔Yoshi,打機時撞爛隻蛋有Yoshi騎好過癮,點知今次Yoshi發惡殺人唔眨眼,眼見自己嘅同伴死晒,瑪利奧決定出絕招,點知‥‥‥我唔劇透,入嚟自己慢慢睇結局,好過癮。

Read more ›
遊戲主角變高中生   拉長版薩爾達似阿福
by / on 28/04/2014 at 7:10 am

遊戲主角變高中生 拉長版薩爾達似阿福

瑪利奧、薩爾達、星之卡比、超音鼠呢堆遊戲人物陪住我哋成長,有無諗過佢哋變咗高中生會係點嘅樣?外國網站嘗試加少少想像力,強迫以上人物變青年,仲幫佢哋加埋現況簡報。樣貌方面,薩爾達個樣拉長咗有啲鬼祟,仲有啲似《叮噹》嘅牙刷仔阿福(即係骨川小夫呀);瑪利奧長期有執鬚,初中已經現老態,不過唔緊要,佢褲袋入面長期有金幣,女朋友一定多過得支炮嘅Megaman。

Read more ›
有片   全家總動員cosplay瑪利奧   公主超索
by / on 30/03/2014 at 4:57 pm

有片 全家總動員cosplay瑪利奧 公主超索

好溫馨!呢家人總動員一齊cosplay瑪利奧家族出席Anime Matsuri 2014,朋友仲幫佢哋拍埋片放上YouTube,有埋化妝過程,好認真。每個造型都相當唔錯,雖然有兩個Mario同埋兩個Luigi,無計啦,孖寶兄弟得兩個,但係Twinzik就係大家族。不過最搶眼都係公主,網友大讚呢位公主超索,入嚟仲有幾張靚相,呢個公主搶得過。

Read more ›