fbpx

Tag: 瑞士

【有片】瑞士超正「過山車」體驗 衝落山超真實

【有片】瑞士超正「過山車」體驗 衝落山超真實

有無人好鍾意玩過山車?日本有網民分享咗呢段片,地點喺瑞士,呢款過山車建築喺山上,睇片見到衝落山嗰吓超有真實感,仲好驚吓!好想試玩呀。不過最後睇到啲人,似乎落咗快鏡喎?

Read more ›

【有無咁貴?】瑪利奧大叔手錶開價14萬 全球限量85隻

【有無咁貴?】瑪利奧大叔手錶開價14萬 全球限量85隻

今年係Super Mario嘅30週年,做得fans預咗要駛錢,不過點諗到要駛成10幾萬港紙?瑞士名錶品牌Romain Jerome最近宣佈推出Super Mario bors. 30週年限定版手錶,用咗46毫米直徑嘅鈦金黑錶盤,錶面有8bit風格嘅瑪利奧大叔,仲有一堆草、一嚿雲同一粒蘑菇,全球限量85隻,不過開價要$18,950美金,即係港紙超過14萬,夠買架日本車!其實今次都唔係JR第一次出限量版遊戲主題嘅錶,之前都出過《Space Invaders》同《Pac-Man》,都係開價萬萬聲(美金),入嚟有回帶。

Read more ›
【激似里安納度】瑞士21歲男生網上爆紅    IG狂吸17萬粉絲

【激似里安納度】瑞士21歲男生網上爆紅 IG狂吸17萬粉絲

點睇都係里安納度迪卡比奧(Leonardo DiCaprio)本人,無理由似成咁嘅。日本網民最近喺討論區開咗個帖,題目係:「呢個同里安納度一模一樣嘅男仔最近爆紅,點睇都似係佢本人」。來自瑞士嘅Konrad Annerud只得21歲,正職係夜店調酒師,因為放上網啲相太似里安納度而爆紅,而家佢嘅IG已經有接近17萬個粉絲,老實,真係似得好緊要,除咗額頭之外,佢話喺街上經常有人認錯搵佢合照。BTW,網站入面第1張相點睇都似係里安納度本人喎?係咪?我都好亂。不過有網民就好清醒,佢話:「感覺上兩個都好似我呀!」

Read more ›
瑞士萬用刀餐具版    刀叉匙三合一

瑞士萬用刀餐具版 刀叉匙三合一

瑞士萬用刀大家屋企點都有把看門口,網上見倒呢把改良版有啲唔同,只有刀、叉、匙三樣工具,一睇就知唔係用嚟求生而係用嚟享樂。呢款名為Hobo Eat Kit嘅改良版萬用刀餐具,聰明嘅應該會諗,我用叉叉緊嘢食時,會唔會唔小心比收喺後面嘅刀界到爆血?以防萬一,設計上呢三樣餐具其實可以分拆開嚟用,咁就萬無一失喇。網上有得買,開價美金$27.95。

Read more ›
全球首架流動Starbucks火車   坐車品味人生

全球首架流動Starbucks火車 坐車品味人生

習慣每朝早飲杯Starbucks?港鐵巴士通通不准飲食,想有架Starbucks專車每朝接送你返工返學簡直妙想天開。不過瑞士就唔同,最近當地嘅Starbucks同火車公司SBB合作,設計咗全球首架流動Starbucks火車,由機場去St Gallen,上咗呢架車,個人都即刻品味提升,途中可以任點咖啡,品味人生。可惜終點站係公司學校,感覺即時dry晒。除非送咖啡嚟嘅有傅嘉莉咁索啦,不過我又唔係吳唱K。

Read more ›
重製《ET外星人》海報    山頂捕足自拍真實版

重製《ET外星人》海報 山頂捕足自拍真實版

《ET外星人》張海報堪稱電影中嘅經典,月亮前嘅一架單車剪影令人印象深刻。估唔倒瑞士攝影師Philipp Schmidli居然有膽量挑戰,用同樣構思重新拍攝一張致敬作,效果超靚,睇到我眼定定。佢先喺山上搭建一個斜台,再請嚟三位單車手踩過斜版跳起扮ET入面嘅o靚仔Elliot,最難係要校啱月亮升降時間同時跳起,為咗更像真,車頭仲裝埋個籐籃學到足,好細心。配備方面,用Canon 1D X DSLR加2x Teleconverter,鏡頭方面就用800mm f/5.6L IS,不過香港地,要搵到位置試仲難過上太空。

Read more ›

豆潤屋實用設計      床架書櫃衣櫃六合一

豆潤屋實用設計 床架書櫃衣櫃六合一

香港地吋金呎土,呢個Living Cube將書架、衣櫃、床架、鞋櫃、電視櫃合而為一,床下面仲有個好大面積嘅儲物櫃,啱晒香港豆潤咁細嘅屋企用。瑞士設計師Till Könneker見自己個studio細細哋,於是設計咗呢個四四方方嘅Living Cube,將所有嘢集合埋一齊,慳位之餘仲好實用!美中不足係張床無圍欄有啲危險,一個唔覺意轉身轉大咗分分鐘成個人撻落床,我唯有求神拜佛希望Till Könneker唔好咁爛瞓。

Read more ›
新片速報    改裝單車時速263km破紀錄

新片速報 改裝單車時速263km破紀錄

一架單車可以行到263km/h,真係好勁,有片睇,難怪可以破倒世界紀錄。事發地點喺法國,由法國人Francois Gissy揸嘅呢架「單車」,有瑞士公司Exotic Thermo Engineering幫手改裝,利用過氧化氫推進,單車上仲裝有GPS偵測車速,同片中嘅房車速度比真係快過火箭,不過無裝安全帶,睇落好牙煙。

Read more ›