fbpx

Tag: 瑞典

【相集】超高質街頭作品     瑞典藝術家專玩8bit夠幽默

【相集】超高質街頭作品     瑞典藝術家專玩8bit夠幽默

瑞典藝術家Johan Karlgren嘅作品好高質,除咗經常用8bit風格之外,每個設計都好有心思,配合返現場場景,仲好有幽默感,入嚟有得睇,超高質,鍾意嘅記住follow埋佢IG。

Read more ›

【圖集】瑞典暗黑卡通人物作品集 超恐怖核突IG熱傳

【圖集】瑞典暗黑卡通人物作品集 超恐怖核突IG熱傳

好正!瑞典藝術家Dennis Carlsson本身係一個紋身師傅,而佢業餘嘅興趣好黑暗,就係畫卡通人物嘅邪惡版!佢嘅作品恐怖程度爆晒燈,包括比卡超、龍貓、好敏感嘅Winnie The Pooh、海棉寶寶、米奇老鼠等等,核突程度係要打馬賽克嘅級數,入嚟有無碼版。

Read more ›
日本扭蛋情人節新款 心心圖案「瑞典長條喵」超靚

日本扭蛋情人節新款 心心圖案「瑞典長條喵」超靚

好鍾意呢隻瑞典設計師Lisa LARSON嘅長條貓,今個月海洋堂再幫佢推出新扭蛋Mikey Lots cats Collection,今次一式六款,個人認為最靚係隻心心喵,啱晒情人節!另外橙啡色間條嗰隻喵都好特別,有興趣嘅記住留意返。

Read more ›
瑞典街頭出現迷你「老鼠舖」 賣芝士/堅果老鼠專用

瑞典街頭出現迷你「老鼠舖」 賣芝士/堅果老鼠專用

估唔到喺瑞典做老鼠可以咁幸福!最近呢幾間「老鼠舖」喺網上好紅,有不知名人士喺瑞典Malmö街頭開咗幾間超迷你店舖,主要做老鼠仔生意,有芝士同堅果賣,仲有老鼠仔幫襯。唔單止店舖做得超細緻,旁邊仲有海報介紹老鼠展覽同唔同類型嘅活動,好似一個小社區咁,真嘅一樣!有興趣可以follow埋anonymouse_mmx呢個IG帳戶繼續追蹤!

Read more ›
【超治癒】可愛松鼠仔玩瑜伽 為咗食可以擘到幾盡?

【超治癒】可愛松鼠仔玩瑜伽 為咗食可以擘到幾盡?

今日最開心係睇到呢輯相,好治癒!輯相由48歲嘅瑞典攝影師Geert Weggen拍攝,相中嘅松鼠由於想騰出對手食嘢,所以就撐開兩隻腳踩住旁邊嘅兩條植物,由於姿勢好似做緊瑜伽,網民都大讚松鼠仔超可愛,連日本網民都瘋狂RT。原來為咗食嘢,松鼠仔對腳可以擘得咁盡架!

Read more ›
新片速報      懷舊街機突入瑞典機場      入錢打機做善事

新片速報 懷舊街機突入瑞典機場 入錢打機做善事

做善事幾時都咁得人鍾意,好似最近瑞典機場出現咗呢3部街機,有《食鬼》、《太空侵略者》同埋《Galaga》,吸引好多人喺等上機或者等攞行李前走去露兩手。要玩就要先入錢,數目隨你話事,因為每次入嘅錢都會直接捐比紅十字會,有得玩又有得做善事,啱晒臨飛前袋住一大堆銀仔嘅旅客,難怪反應勁好,好快已經儲咗好多錢。

Read more ›

新片速報     整蠱名畫「專家」     IKEA平價畫有人開價二千萬!

新片速報 整蠱名畫「專家」 IKEA平價畫有人開價二千萬!

利申,我對名畫一竅不通,只係認得「蒙娜麗莎的微笑」。咁平時IKEA宜家傢俬都會有啲平價畫賣,而其實名畫家同IKEA畫家嘅作品有幾大分別?外國嘅LifefHunter就做咗個測試,將一幅IKEA嘅畫放喺畫廊入面,職員仲呃啲嚟參觀嘅人話幅畫出自瑞典名家IKE Andrews手筆,叫大家鑑賞吓估吓價。有人超認真分析畫家心情,有人居然話想以250萬歐羅(超過港幣2千萬)買走幅畫!最正都係1:22嗰位留鬚嘅專家,吹到好誇張,當職員最尾話佢知幅畫來自IKEA時,佢嗰樣好尷尬‥‥‥

Read more ›
新片速報 瑞典超美景 透明湖面溜冰溜狗

新片速報 瑞典超美景 透明湖面溜冰溜狗

靚得好恐怖,而且一路睇呢條片,我一路驚個冰面裂開……呢條話喺瑞典一個湖上面拍嘅片,睇到冰面晶瑩剔透,甚至睇到湖入面游緊水嘅魚,喺上面溜冰之餘仲順便放埋狗,隻狗又順便拖埋佢行。據知冰面約有10cm厚,其實係咪都幾牙煙?同埋隻狗啲腳會唔會凍傷?

Read more ›
電動wakeboard唔再駁水喉 極速46km/h

電動wakeboard唔再駁水喉 極速46km/h

  記得之前駁支大水喉, 可以喺水面周圍飛嘅wakeboard嘛! 不過板尾有條嘢, 感覺始終冇咁FREEDOM! 瑞典有間公司諗咗樣新嘅噴水式wakeboard, 佢嘅動能主要嚟自內置電池, 為咗加強佢嘅機動性, 所以塊板大部份材質, 都係用咗炭纖製造, 只有29kg, 而最高時速可以做到46km/h。

Read more ›
執汽水罐換麥記    20個罐換1個芝士漢堡

執汽水罐換麥記 20個罐換1個芝士漢堡

喺香港地執罐汽水罐嘅通常係老人家,瑞典斯德哥爾摩嘅麥當勞就唔同,鼓勵年青人執多啲汽水罐嚟換麥記食物。事緣每到夏天,附近嘅戶外公園同埋音樂祭都會製造大量垃圾,於是當地麥記就諗到呢個計劃,20個汽水罐就可以換一個芝士漢堡,40個罐就可以換巨無霸,戶外廣告牌仲變埋汽水罐收集箱,夠環保,好過送半價板燒雞腿包優惠券喎。 

Read more ›
主人與貓  PS加工結合  驚人相似度

主人與貓 PS加工結合 驚人相似度

瑞典攝影師Sebastian Magnani之前拍過狗狗扮主人著衫輯相,見反應唔錯,最近就推出另一輯叫Undercats嘅貓貓相集,今次主角由狗變貓,不過玩法一樣,,先邀請主人同貓貓一齊到影樓影相,之後透過後期加工,將主人同貓貓結合,當你見倒主人同貓嘅相似度時,會明白原來日對夜對,個樣真係會有啲似。

Read more ›

有片    攝影師自拍連體相  赤膊上陣好性感

有片 攝影師自拍連體相 赤膊上陣好性感

呢輯相好詭異,攝影師自己做主角,再執相再自己變成雙頭連體嬰,好有表演慾。呢位嚟自瑞典嘅攝影師Samuel Pattersson,不失為一個型男,但就有古怪諗頭,名為「djuret」即係The Animal咁解嘅相集,暫時有14張相,全部赤膊上陣好性感。佢仲拍埋片示範自己點樣執相,點解你執瘦咗自己肚腩嘅,好貪靚喎!

Read more ›
神級紋身師    似足黑白掃描畫

神級紋身師 似足黑白掃描畫

紋身我好少介紹,不過今次呢位師傅嘅手功真係靚到嚇死人,忍唔住要分享吓。嚟自瑞典,名為Niki Norberg,大部份作品都係黑白色,效果有啲似掃描畫,像真度極高,拍得住好出名嘅Jun Cha,有好多幅都睇到我眼定定。唔係鼓勵你紋身,不過入嚟當藝術品睇吓都值,痛吓又唔痛嘅。

Read more ›
自製個人Figure求職    終極宣傳大法

自製個人Figure求職 終極宣傳大法

今時今日要搵份好工唔易,想突出自己的確要諗諗計。瑞典攝影師Jens Lennartsson就諗到製作400隻自己嘜頭嘅figure作為求職信,再寄去比各大公司嘅Art Director宣傳自己,隻figure叫GIJens,明向G.I.Joe致敬。透過隻figure,除咗比人見識倒佢嘅靚仔樣之外,佢話仲可以比人見倒佢只係一個拎好少裝備嘅攝影師,而且好少會photoshop,講求原汁原味。不過咁整法肯定好重皮,佢仲拍埋短片,正一未見官先打八十大板,而且一次過見成400份工,大貪咗啲喎。

Read more ›
超能力BB圖集   跳水舞劍高空攀爬

超能力BB圖集 跳水舞劍高空攀爬

呢個BB同超人無分別,識得係浴缸凌空翻騰、擒高上六呎食物架、揮舞西洋劍切生果‥‥‥嚇死一眾家長。輯相由瑞典攝影師Emi Nystrom操刀,主角就係佢嘅可愛囡囡。不過我估計呢位攝影師仲係一個出色改圖專家,因為BB囡嘅能力已經超乎常人,可惜我唔識睇瑞典文字,睇極都唔知佢究竟邊張有改圖邊張無,算啦,認真就輸了,睇完開心吓算嘞。

Read more ›