Post Tagged with: "班馬"

超可愛立體「貓屁屁」電話殼 仲有馬騮/豬/班馬
by / on 16/04/2017 at 11:36 am

超可愛立體「貓屁屁」電話殼 仲有馬騮/豬/班馬

人類真係好變態,鍾意睇喵星人嘅屁屁。最近呢款立體貓屁屁電話殼喺網上好多人討論,作為貓奴,見到應該零抗拒力。有5款毛色,連花巧啲嘅彩虹尾都有。除咗喵星人,仲有狗狗、熊貓、馬騮、班馬、豬,全部都係用個pet pet對住你。唔鍾意電話殼仲可以揀鎖匙扣,一樣款式嘅。價錢方面,電話殼每個HK$281,鎖匙扣HK$200,Etsy有得買,用嚟送俾貓奴最啱。

Read more ›

【溫柔】長頸鹿幫班馬仔遮風擋雨 超治癒圖片Twitter熱傳
by / on 23/07/2016 at 12:31 pm

【溫柔】長頸鹿幫班馬仔遮風擋雨 超治癒圖片Twitter熱傳

在世間遮風擋雨有一種愛,呢張相最近喺Twitter熱傳。話說當時個天突然落起大雨,有隻班馬BB全身濕晒,長頸鹿見到就行近佢,再用自己個身幫佢擋雨,好溫柔!張相喺2ch好多人討論,大家都話好治癒,有人仲以為佢哋係兩母子,睇真啲先發現原來係班馬。

Read more ›
驢+班馬   意大利只此一隻
by / on 18/11/2013 at 7:11 am

驢+班馬 意大利只此一隻

打定底,唔係新嘢不過啱啱見到。自從《低俗喜劇》之後,講起驢仔大家就諗起衰嘢,其實驢仔本身好可愛,估唔倒溝埋班馬紋之後仲可愛!呢隻班馬加驢仔嘅稀有品種喺意大利佛羅倫斯出世,仲有個得意名叫Ippo,之所以有班馬紋,全因為佢媽咪係驢仔,爹哋係班馬,我都係第一次知班馬可以同驢仔混種,認真大鄉里。基本上佢個樣都係似驢仔多啲,不過四隻腳就係班馬紋,十足著咗班馬紋leggings咁,好潮。可惜因為基因問題,佢唔可以繁殖下一代,不過佢好威威,全意大利得一隻驢班馬,一定吸引大把人去探佢。

Read more ›
獵奇新片   東京動物園   員工cosplay班馬災難演習
by / on 04/02/2013 at 7:58 am

獵奇新片 東京動物園 員工cosplay班馬災難演習

呢隻班馬,一睇就知係人扮,不過佢唔係為興趣cosplay,而係工作需要。話說日本經常地震,位於東京嘅Tama Zoo為演習地震後動物逃亡應變措施,搵咗其中一個員工扮班馬,入面有片睇,雖然出動晒獵槍、全體員工,但隻班馬真係好挑皮,撞跌工作人員之後又扮死,堅好笑。我懷疑佢平日工作壓力大,成日比啲班馬恰,所以扮起上嚟over晒,發晒脾氣,肯定有私心。

Read more ›