Post Tagged with: "珍珠奶茶"

日本珍珠奶茶進化版 變「珍珠麵包」好奇特
by / on 18/07/2019 at 7:51 am

日本珍珠奶茶進化版 變「珍珠麵包」好奇特

珍珠奶茶喺日本越嚟越紅,而且仲有好多另類產品推出,之前有人用佢嚟煲飯,又有拉麵舖推出珍奶沾麵,最近見到有呢款珍珠麵包!由喺日本新宿嘅台灣料理店「阿財の屋台」出品,將珍奶嘅一粒粒珍珠夾入麵包入面,好奇特!不過網民嘅反應就好壞參半,去開新宿可以試吓。另外香港都有分店嘅台式麵包加飲品店「Share le Pain」其實都有珍珠麵包食,不過用嘅係歐式軟包,有興趣可以試吓。

Read more ›

日本改良版「珍珠奶茶」 珍珠變納豆超創意
by / on 11/07/2019 at 7:06 am

日本改良版「珍珠奶茶」 珍珠變納豆超創意

唔講唔知,7月9日原來係日本嘅納豆之日,人氣搞笑動畫《秘密結社鷹之爪》嘅Twitter專頁「吉田@鷹の爪団(本物)」最近就分享咗佢嘅新創作。由於近月珍珠奶茶喺日本好紅,佢諗到將佢改良成日本納豆版,一粒粒嘅珍珠變晒做納豆,奶茶就變成味噌汁,中間仲有豆腐飄浮,當然要有粗飲管用嚟啜納豆,想唔想試先?我就麻麻哋嘞。

Read more ›
日本拉麵店推出「珍奶沾麵」    媒體實試味道唔錯
by / on 07/07/2019 at 12:21 pm

日本拉麵店推出「珍奶沾麵」 媒體實試味道唔錯

近幾個月「珍珠奶茶」喺日本越嚟越高人氣,之前有網民教大家用珍奶嚟煲飯,最近拉麵店「麵屋武蔵五輪洞」更加推出「珍奶沾麵」!位於東京嘅田町車站附近,沾麵個汁係珍奶加鰹魚湯,仲有一粒粒嘅珍珠,唔少日本媒體去咗試,仲話味道唔錯!套餐1000円,仲有幾塊雞肉,另外有一碗杏仁牛奶可以食時添加,好特別!

Read more ›
日本都有「珍珠奶茶」專家    圖文睇盡12間日本分店
by / on 10/08/2018 at 7:11 am

日本都有「珍珠奶茶」專家 圖文睇盡12間日本分店

珍珠奶茶真係會令人上癮嘅!世界各地越開越多珍珠奶茶店,日本都唔例外。最近呢位日本網民就分咗佢試勻12間日本分店嘅感想,圖文並茂,喺Twitter好多人討論同埋分享,當中有我哋熟悉嘅貢茶、一芳、春水堂等等,睇完好想飲返杯添!

Read more ›
【有片】台灣珍珠奶茶店長爆紅     網民:「好飽喝不下了!」
by / on 16/05/2016 at 7:12 am

【有片】台灣珍珠奶茶店長爆紅 網民:「好飽喝不下了!」

繼豆花妹之後,台灣又有新出品,都係同食有關。呢款「燈泡珍珠奶茶」之前都見過,但最近爆紅因為兩個著得好性感嘅店長「牛奶兒」同「黛比兒」,唔止台灣,連日本同內地媒體都有報導。有台灣網友就留言話:「飽了,喝­不下了!!有種想吐奶的感覺。」佢哋啱啱喺Facebook開咗個叫「珍奶姊妹花」嘅專頁,個名好有想像空間,嚟緊佢哋仲會搞見面會,差啲唔記得講重點,間舖喺台北士林,去開台灣行街,口渴都好正常吖。

Read more ›
【可愛】日本女生自創「熊貓珍珠奶茶」 食譜日英並照跟住學
by / on 31/01/2016 at 1:25 pm

【可愛】日本女生自創「熊貓珍珠奶茶」 食譜日英並照跟住學

珍珠奶茶飲得多,熊貓珍珠都係第一次見,由日本女仔Yuki創作嘅熊貓珍珠,唔止日本網有介紹,仲反攻埋去台灣,連台灣人都讚可愛,睇見佢用支粗飲管吸隻熊貓仔出嚟,真係好得意。呢位叫Yuki嘅女仔有自己嘅blog「Yukitchen」,專門教大家整得意食物,包括鬆弛熊丸子串燒、Domo君蛋糕等,全部有晒日文同英文嘅食譜可以跟住整。至於點解身在日本嘅佢會識珍珠奶茶呢?原來佢之前去美國旅行,發現好多當地華人鍾意飲,所以就慢慢鑽研。除咗整嘢食,佢仲係兼職模特兒,鍾意嘅記住Like埋佢FB。

Read more ›