fbpx

Tag: 玻璃

日本必去景點「日立駅」 漂浮於海上嘅玻璃車站

日本必去景點「日立駅」 漂浮於海上嘅玻璃車站

好多人都期待緊可以再去日本旅行,其中呢個「日立駅」會唔會成為你想去嘅其中一個景點?啱啱有日本攝影師しふぉん影咗日出時份嘅風景,粉紫色嘅天空超靚!講返少少背景,呢個車站位於茨城縣,由日本著名建築師「妹島和世」設計,用咗大量玻璃帷幕設計,可以飽覽海天一色嘅靚景,設計仲榮獲「布魯內爾獎車站部門」嘅最高獎項,被日本人譽為「漂浮於海上嘅玻璃車站」,有機會一定要去吓!留意返,每張座椅仲係花瓣形狀,超靚!

Read more ›

日本網民分享    膠造「玻璃」杯超像真

日本網民分享 膠造「玻璃」杯超像真

點睇都似係玻璃,如果唔係睇見人手壓扁都唔信。日本有網民訂咗呢隻「玻璃杯」,用嘅其實係膠,不過睇落就極似真玻璃,連折射面都做得超似,唔拎上手好難分真假。

Read more ›
日本超靚Pokemon「レジアイス」 彩色玻璃風Twitter熱傳

日本超靚Pokemon「レジアイス」 彩色玻璃風Twitter熱傳

係Pokemon入面冰屬性嘅「レジアイス」呀!有日本網民用彩色玻璃風嘅樹脂重製咗佢,半透明藍嘅冰極效果,放喺陽光底下反射好靚!好想要一隻。

Read more ›
大阪地震「環球影城」售票處玻璃爆裂      暫時照常營業

大阪地震「環球影城」售票處玻璃爆裂 暫時照常營業

大阪發生6.1級地震,情況都幾嚴重,希望唔好再有餘震。好多遊客到大阪必去嘅「環球影城」,有網民影到售票處塊大玻璃因為地震而碎裂咗,好彩事發時售票處未開,如果唔係無論喺入面嘅職員或者買票嘅遊客都好危險。據網民講,而家嘅環球影城暫時仍然照常營業,不過喺當地或準備去玩嘅都要格外小心。

Read more ›
【新片速報】零私隱喵星人玻璃吊床 Kickstarter集資貓奴要買

【新片速報】零私隱喵星人玻璃吊床 Kickstarter集資貓奴要買

一般嘅吊床對呢隻喵星人嚟講實在太普通嘞,要瞓,就要瞓呢個玻璃罩咁有型嘅貓屋!外國有個奴性好重貓奴,用咗個玻璃碗改裝咗張貓吊床,瞓喺上面嘅喵星人好寫意,個樣仲好招積,但佢唔知道,自己嘅一舉一動連埋身上嘅肉球其實都透晒出嚟,乜都俾人睇晒,完全無私隱。最恐怖嘅地方係呢個玻璃罩吊床喺Kickstarter集緊資,港幣$300有得買,仲有9日,有興趣嘅快啲上去撳嘞!

Read more ›
【太迫了】日本JR池袋站車廂玻璃現裂縫 晨早搶修延誤30分鐘

【太迫了】日本JR池袋站車廂玻璃現裂縫 晨早搶修延誤30分鐘

日本嘅JR或者電車繁忙時間擠迫程度真係核爆級,職員會夾硬推你入去,人貼人不特止,好多時仲會雙腳堅離地,好恐怖。咁朝朝迫成咁,車廂塊玻璃窗點頂?早兩日朝早8點幾,JR埼京線嘅池袋站終於頂唔順,其中一架車嘅玻璃窗出現裂縫,工作人員即時出現搶救,貼晒牛皮膠紙頂住。最後班車延誤咗接近30分鐘。有2ch網民回帶睇返之前嘅塞人入車廂影片,有人就話點解唔增加班次或者將車廂嘅座位拆除。不過大家都認同晨早嘅電車就好似「現代版奴隷船」,係啦,我哋啲打工仔幾時先可以脫離奴隷生涯呀?

Read more ›

【新片速報】美國1000呎高空玻璃滑梯 親身試離地70樓恐怖感

【新片速報】美國1000呎高空玻璃滑梯 親身試離地70樓恐怖感

去開美國洛杉磯又唔畏高嘅朋友可以試吓。之前一直興建中,位於美國洛札磯U.S. Bank Tower 70樓嘅玻璃滑梯最近終於開放俾公眾試玩嘞。呢條滑梯興建喺大廈外牆,全玻璃,玩嘅人可以感受到離地1000呎嘅恐怖感,不過條梯都幾短,只係由70樓滑到去69樓。外國媒體AP嘅記者親身去咗玩仲拍埋片,兩邊有玻璃間隔其實唔算好驚。反而個價錢就令人驚驚哋,入去呢個天幕參觀要俾美金$25,再玩埋呢個滑梯就加多$8美金,加多少少錢其實都夠去環球影城玩返轉。

Read more ›
有片:施展真實版原力 雙手一推旁人仆開九呎遠

有片:施展真實版原力 雙手一推旁人仆開九呎遠

一個人講,你唔信,一個人仆街,你都唔信,到十個人講,你開始動搖,到幾十個人喺你面前仆街,你會唔會開始相信呢個世界真係有原力?呢個Prank其實好易搞,最緊要做媒人數夠多,求其搵個人雙手一推,扮施展原力,之後身邊做媒嘅全部仆開九呎遠,露出痛苦同難以置信嘅表情,咁就足以嚇到旁觀者劈大個口得個窿。商場夠人多,啱玩,戲院都夠人多,都啱玩,最厲害係喺商場門口扮原力碎玻璃呢下,有人真係嚇到走夾唔抖,有人喊驚,有人搵地方匿埋,Funny!

Read more ›
【搵命搏】中國玩命玻璃吊橋    高180米全球最長

【搵命搏】中國玩命玻璃吊橋 高180米全球最長

呢條喺中國湖南平江石牛寨國家地質公園嘅玻璃橋啱啱啟用,唔止內地,外國同日本媒體都有廣泛報導,官方仲搵咗兩個囡囡扮驚過橋 (可能真係好驚),我哋就睇見都腳震。呢座玻璃橋高180米,全長300米,用咗24毫米厚嘅雙層玻璃,聲稱比一般玻璃強硬25倍,呢條橋之前係木造嘅,最近唔知邊個咁大膽,決定將佢改埋做玻璃,企上去,仲要知道中國製,真係仲恐怖過坐過山車,有無人敢試?

Read more ›
[相集] 喵星人瞓玻璃    肉枕原型畢露

[相集] 喵星人瞓玻璃 肉枕原型畢露

星期一心情跌到落谷底,好需要治愈系嘅喵星人開解吓。貓嘅肉枕得意好多人都知,咁點先可以最徹底咁觀察佢哋嘅肉枕?就係喺玻璃底度裝佢哋嘞!原來網上好多人都有呢個癖好,仲有大量相片分享,好得意!不過話時話,睇嘅時候我覺得自己有少少變態,好似裝人裙底咁‥‥‥

Read more ›
計算激光折射方向,好高難度架。

免費手機新Game:智慧盡在激光中

依家已經好少遊戲可以玩到我頭痕,如果你同我一樣都自問係有腦之人,強烈推介你下載「Lazors」,信我,高挑戰性,真係少啲腦汁都唔掂。

Read more ›

原作崩壞!《玻璃假面》新作動畫4月開播

原作崩壞!《玻璃假面》新作動畫4月開播

當年嘅少女,o依家都唔只變中女,應該過埋更年期。到底有幾多讀者睇過呢本《ガラスの仮面》?我諗睇過都可能只係之後改篇嘅動畫或韓劇……呢套1976年開始連載嘅《玻璃假面(ガラスの仮面)》,原作漫畫家係美內鈴惠,多年之後,啱啱宣佈會喺4月播放最新動畫,而且變成惡搞路線……正式宣佈原作崩壞。

Read more ›
落地開花系列  玻璃動物雕塑超像真!

落地開花系列 玻璃動物雕塑超像真!

「落地開花,富貴榮華。」細過新年打爛玻璃,長輩一定會咁講,攞個意頭嘛。所以年初一介紹呢個波蘭藝術家Marta Klonowska作品前,我都要講返句。佢嘅一系列動物雕塑,全部用玻璃碎片造成,有貓、狗、白兔等,我可以用栩栩如生,真嘅一樣嚟形容,尤其下面呢隻貓。不過我好好奇,佢整嗰時有無界損手呢?

Read more ›