fbpx

Tag: 玩法

日本大熱影貓新玩法 變晒人類嘴巴超搞笑

日本大熱影貓新玩法 變晒人類嘴巴超搞笑

呢個真係好好笑,之前都有唔少換臉APP或者影相Filter,最近日本Twitter熱傳有呢個,喺B612影相app入面可以搵到,啲貓個嘴變晒人形嘴,效果勁搞笑,好多日本貓奴跟住玩,仲放咗好多相同片出嚟,入嚟有回帶。

Read more ›

日本《動物之森》玩家邪惡玩法    布甸狗屁屁挖化石

日本《動物之森》玩家邪惡玩法    布甸狗屁屁挖化石

有無發現《動物之森/ 動物森友會》入面發現化石時個米字好熟口面?有日本玩家就諗到新玩法,舖咗布甸狗個背面喺地下,然後加個米字,再挖洞,好邪惡呀!

Read more ›
【回帶】日本投球「爆氣」玩法 搞笑藝人開球法Twitter熱傳

【回帶】日本投球「爆氣」玩法 搞笑藝人開球法Twitter熱傳

唔係新圖,不過呢兩日喺日本Twitter又熱傳返。開球嘅方法有好多種,唔少球手都會用防跣手嘅粉包拋拋吓,令雙手乾爽啲,不過日本搞笑藝人日村勇紀就用多咗,當佢投球時,整個人都俾白色粉末包圍,好似動畫入面爆氣嘅效果,好正!

Read more ›
日本網民自創摺紙新玩法 雕空變骨架Twitter大熱

日本網民自創摺紙新玩法 雕空變骨架Twitter大熱

摺紙鶴大家都試過,不過日本呢位神人就發明咗進階玩法,仲成為Twitter大熱話題。先摺好一隻紙鶴,再將張紙攤返開,然後根據摺痕雕空中間位置,然後再摺一次,紙鶴就變成骨架形狀,超正!好多網民都跟住整,不過睇落容易,整落都幾難,尤其是稍一不慎界斷咗一截‥‥‥入嚟有片睇。另外唔少網民將呢個玩法應用到其他款式嘅摺紙度,又玫瑰又戰機,入嚟有回帶。

Read more ›
【新片速報】日本貓奴打機新玩法 狂掃喵星人

【新片速報】日本貓奴打機新玩法 狂掃喵星人

作為一個貓奴,打機嘅時候最常遇到就係隻喵喺電視前行嚟行去阻住晒。想和睦共處?除非俾佢玩埋一份啦。日本有機迷就用隻貓嘅身體當鍵盤玩音樂game,一邊玩一邊掃,隻喵似乎好享受喎,伸長晒4隻腳仔勁嘆!入嚟有片睇。

Read more ›
【新片速報】超可愛日本刺猬仔 自創轉轉輪玩法Twitter熱傳

【新片速報】超可愛日本刺猬仔 自創轉轉輪玩法Twitter熱傳

呢款轉轉輪好多倉鼠同刺猬仔都鐘意玩,不外乎都係跳上去跑跑跑。不過日本呢隻刺猬仔就有自己嘅獨特玩法嘞!睇片見到佢主力「搖」住玩,即係好似坐搖搖椅咁半圓形來回搖動,仲越搖越急促,勁搞笑。段片放上Twitter後好受歡迎,有人擔心係個轉轉輪卡住咗,不過最緊要刺猬仔玩得開心,主人又睇得開心。

Read more ›

【有片】日本地盤新玩法 自創驚人旋轉機動遊戲

【有片】日本地盤新玩法 自創驚人旋轉機動遊戲

係幾好玩,但真係好危險。日本最近2ch討論區熱烈討論呢段片,片中有個日本金髮少年喺地盤諗到個新遊戲,就係攬住碌木,再用起重機吊上高空旋轉,睇落玩法好似機動遊戲,不過無安全帶無規律,驚嚇程度大好多,睇佢玩得好開心,順完時針又逆時針,之後又上又落,不過應該玩到想嘔。網民嘅反應就一半一半,有人話睇落好好玩超開心,有人就話好危險唔好亂試。BTW,現場一地都係爛木,一個跣手跌落地真係幾危險嘅。

Read more ›
【相集】結婚相另類玩法 情侶變迷你人仔

【相集】結婚相另類玩法 情侶變迷你人仔

影結婚相仲有咩玩法?泰國攝影師Ekkachai Saelow就諗到將男女主角變成小人國嘅人仔,利用後期Photoshop加工整成好特別嘅相。間中仲有佢嘅私伙玩具出場,即係可以大條道理買「道具」,正。除咗結婚相之外,似乎好多情侶都鍾意搵佢影吓生活照,屋企擺滿玩具嘅,可以諗吓自己出動私伙影返輯,不過當然,首先你要有‥‥‥

Read more ›
網上熱爆冰水片   C朗/Bill Gate已找數   留名等睇王維基/林祖舜

網上熱爆冰水片 C朗/Bill Gate已找數 留名等睇王維基/林祖舜

美國網絡熱爆嘅淋冰水活動ALS Ice Bucket Challenge呢幾日正式殺到香港,仲改咗個本地名「冰淋城下」,紅得起除咗因為做善事,仲因為各大明星、網絡紅人爭住玩。香港方面暫時已經有容祖兒、大埔Lulu、司徒夾帶、蔡一智、蘇施黃、俞琤、陳淑莊等等找咗數,拍晒一桶冰水照頭淋嘅短片完成挑戰。嚟緊仲有王維基、林祖舜、夏千福、盛智文、Wyman、張家輝、陳奕迅、鄭伊健等被挑機,作為網民梗係食住花生等睇找數。外國方面,最有心機都係Bill Gate,搭晒棚畫晒圖先玩水,不過都唔夠Iron Man咁夠人氣,仲有靚仔球星C朗,可惜條片超低清,入嚟有回帶慢慢重溫,最重要係睇埋成件事嘅背後理念,大家玩還玩,記住撐埋背後理念。

Read more ›
雜誌相扮實物    日本Twitter影相新熱潮

雜誌相扮實物 日本Twitter影相新熱潮

最近日本Twitter有種影相新玩法,就係將雜誌入面見倒嘅得意嘢剪落嚟再放上手扮實物影相,由於物品通常極細小,影出嚟嘅效果好得意。呢股熱潮最先由「瀧波ユカリ」帶起,佢好鐘意剪低啲名牌手袋拎上手影相再放上Twitter自我滿足,之後好多人就有樣學樣,茶壼、樽裝飲品、囡囡,乜都擺得上手影,上Twitter搜尋「#撮リックアート 」就會見倒大把,睇完我都想手握高達去Starbucks影返兩張靚相舖上網。

Read more ›