Post Tagged with: "玩具"

玩具咁樣玩 日網民改裝雕像Figma熱血到爆
by / on 16/06/2016 at 9:48 pm

玩具咁樣玩 日網民改裝雕像Figma熱血到爆

本身呢隻古希臘雕像Venus de Milo嘅Figma,有番對手都已經好奇妙,但經過呢位日本網民一玩,隻手變成咁,成隻Figma即時變得更出眾,改圖變成《Gantz》嘅星人更加無違和,不過唔係喺意大利喎?

Read more ›

《貓咪收集》推出杯邊玩具 黑喵杯邊照玩毛球
by / on 16/06/2016 at 7:15 am

《貓咪收集》推出杯邊玩具 黑喵杯邊照玩毛球

手機遊戲《貓咪收集(ねこあつめ)》入面啲喵超可愛,唔係貓奴都會鍾意佢哋。最近佢哋終於向杯緣子進發,推出一式六件嘅貓咪杯邊玩具。6款貓6個造型,我最鍾意都係黑喵嗰款,吊住喺杯邊仲要玩毛球,襯晒佢哋貪玩唔怕死嘅性格呀!預計9月頭發售,貓奴點都要儲齊一套!

Read more ›
【難捉摸】平價玩具取悅喵星人 300円睇足30分鐘
by / on 15/06/2016 at 7:16 am

【難捉摸】平價玩具取悅喵星人 300円睇足30分鐘

貓奴都知喵星人對玩具嘅喜好,貴嘅嘢未必可以討佢哋歡心,佢哋鍾意嘅往往係個紙皮箱,或者好似今次咁,平平哋300円就可以取悅佢,仲吸引超多人喺twitter轉發。日本有位貓奴買咗呢個滴滴裝飾品,只需要300円,但屋企隻喵星人足足坐咗喺前面觀賞咗30分鐘都唔走,仲想伸手抓佢,各位貓奴,下次見到記住要買返個!

Read more ›
唔係啩?福龍無錢買禮物畀老婆?
by / on 03/05/2016 at 10:30 am

唔係啩?福龍無錢買禮物畀老婆?

呢條理論上唔係一條News,而係一個示愛宣言,唔肉麻,感覺仲好溫馨兼好搞笑添。話說福龍嫂牛一,福龍居然作畫一張,掟上面書留言曰:「今天4月30日是我老婆生日!因為我用晒啲錢買玩具所以冇錢買禮物給她!祝老婆生日快樂!邱福龍上」,哈哈,查實堂堂一個福龍,又點會無錢買生日禮物吖?本網站在此恭祝邱福龍嫂生日快樂,青春常駐,恭喜!恭喜!

Read more ›
【真嘅一樣】神級《星戰》玩具攝影 唔睇making of唔信係玩具
by / on 18/04/2016 at 7:14 am

【真嘅一樣】神級《星戰》玩具攝影 唔睇making of唔信係玩具

攝影師Vesa Lehtimäki係超級《Stat Wars》fans,之前法國嘅《Stat Wars》展覽都有展出佢嘅作品。佢嘅強項係用星戰玩具拍攝出好似電影嘅效果,單睇相片,你直情會懷疑入面嘅千歲鷹係1:1嘅實物,直至睇到Making of先會恍然大悟,就連企喺飛船隔嚟嘅人,其實都只係一個玩具公仔,用嚟襯托兼製造假像,好勁。無論係咪星戰迷,都真心推介你入嚟睇。

Read more ›
【相集】玩具人仔攝影大法 最難解決景深問題
by / on 05/04/2016 at 7:13 am

【相集】玩具人仔攝影大法 最難解決景深問題

如果你屋企儲埋儲埋好多細細隻嘅人型公仔,不妨學吓Little World呢個Facebook專頁嘅版主咁,將啲人仔放入現實世界影啲得意相。佢嘅作品全部都好靚,好似走咗入大人國一樣,佢自爆用嘅係Nikon D800相機,要影呢啲相最難係處理景深問題,因為物件太細,要前清後清嘅話,佢會用疊相(Stacking)呢個技巧,入嚟有佢嘅相集可以慢慢欣賞,放假有時間可以試玩吓。

Read more ›

【神級】玩具攝影師拍攝過程曝光 特效靠煙靠麵粉
by / on 23/03/2016 at 7:13 am

【神級】玩具攝影師拍攝過程曝光 特效靠煙靠麵粉

鍾意影玩具嘅,應該會好鍾意呢位來自墨西哥嘅攝影師Felix Hernandez Rodriguez,佢拍攝出嚟嘅玩具加埋後期效果勁正。佢仲大方分享埋自己嘅製作過程,原來遍地雪景全靠麵粉造成;一陣陣輕煙就係靠食煙吹啲煙出嚟,而且佢好鍾意用「疊焦」(Focus Stacking)呢種拍攝技巧,再加埋PS技巧,就可以做到前清後清嘅效果,唔算複雜,不過就好考想像力同執行力,各位玩具迷下次可以自己試吓呀!

Read more ›
有片:當真‧喵星人遇著玩具假貓!嚇到彈起!
by / on 01/03/2016 at 9:30 am

有片:當真‧喵星人遇著玩具假貓!嚇到彈起!

當真‧喵星人遇著玩具假貓,原來畫面係可以咁滑稽嘅。首先要知,隻玩具假貓一身雪白毛,雙眼烱烱有神,動作仲要非常神似添。真‧喵星人遇著佢難免會疑惑,但衰在有好奇心超重,互睥啦,又索又聞啦,摸摸掂掂喇,兜去身後以為人哋睇自己唔到喇……動作又幾搞笑有幾搞笑,最過癮係又要驚又要撩人,玩具假貓一個機械動作,嚇到其中一隻真‧喵星人彈起,有趣!

Read more ›
【會爆炸的】日本男人玩中國製玩具 飛彈碎片擊傷眼球
by / on 27/02/2016 at 12:47 pm

【會爆炸的】日本男人玩中國製玩具 飛彈碎片擊傷眼球

中國製嘅電器會爆炸,中國製嘅玩具都會爆裂!最近日本沖繩就有位33歲嘅男人,因為玩呢個懷舊玩具「光るびゅんびゅんマスター」而導致眼角膜受傷,眼球破裂。呢個玩具玩法好簡單,左右拉動條繩,中間嘅圓形膠盤就會高速旋轉,不過由於今次個圓盤有裂痕,轉嘅時候圓盤碎片以時速130km飛彈擊中眼球,而家玩具已經停售。有網民就突破盲點,問點解33歲嘅男人仲玩呢個玩具,其實佢係示範比屋企嘅小朋友睇,好彩唔係直接比個小朋友玩,否則後果真係不堪設想。

Read more ›
【有片】奇妙雪條玩具 一舐識嗌識著燈
by / on 19/02/2016 at 4:00 pm

【有片】奇妙雪條玩具 一舐識嗌識著燈

一舐識嗌又識著嘅嘢好多,不過呢個就凍嘅,同埋要買嘅。日本Takara Tomy嚟緊6月就會出呢款「ペロリントーン」,即係如果整咗雪條之後,只要使用者舐一舐佢,支雪條就會識得著燈同嗌,全4款,而且啲叫聲仲全部唔同!官方搵咗一女一男嚟拍試玩片,之前活動都有Model試過,不過,如果官方條片搵番代言人嚟拍,我諗效果會更佳。

Read more ›
有片:神級釣魚高手!用玩具魚杆有魚上釣!
by / on 26/01/2016 at 8:30 pm

有片:神級釣魚高手!用玩具魚杆有魚上釣!

都說高手在民間,呢句話一啲都無錯,無諗過用玩具魚杆都可以釣到魚,仲要係喺海邊釣,仲要釣到嘅係大魚,仲要係小朋友釣到大魚。片中所見,小朋友又放線又收線,支魚杆又向左扯又向右揈,有魚上釣亦未見特別興奮,有可能相信佢係釣魚高手,已經唔只一次得手,叻!

Read more ›

【被封嘴】迷你figure揭政治真相   藝術家用玩具講社會議題
by / on 18/01/2016 at 7:12 am

【被封嘴】迷你figure揭政治真相 藝術家用玩具講社會議題

被封嘴、戳破真相‥‥‥以前離我哋好遠嘅事而家都近在眼前,瑞典藝術家Camilla Hällgren利用迷你figure砌成一個個複雜嘅社會問題,包括乜嘢係平等、權力關係、社會角色,好有深度亦唔易明,你可以將佢當成玩具攝影欣賞,亦可以睇埋佢每段caption慢慢咀嚼。

Read more ›
新片速報 日本搞笑藝人玩經典玩具 體操王子完美落地
by / on 26/12/2015 at 1:42 pm

新片速報 日本搞笑藝人玩經典玩具 體操王子完美落地

睇完呢條片,諗起細個好多又簡單又好玩嘅玩具。日本搞笑藝人フルーツポンチ放咗條片上Twitter,影住自己玩經典嘅日本體操王子玩具,打咗幾個筋斗之後居然可以完美落地!幾個大男人開心到又叫又攬,唔記得晒聖誕節都要開工嘅殘酷現實嘞。

Read more ›
【有片】IKEA路姆西後有新作 4歲兒童畫作變玩具量產
by / on 31/10/2015 at 3:52 pm

【有片】IKEA路姆西後有新作 4歲兒童畫作變玩具量產

自從路姆西之後,大家都留意倒IKEA有公仔賣。最近IKEA又有新活動,今次挑選咗10位小朋友畫嘅公仔,將佢哋量產成真實公仔喺店內發售,每賣出一隻就會捐出1蚊美金比UNICEF幫助小朋友。睇返10個作品,全部都好有創意,雖然未必睇得出係咩動物,但就好符合小朋友嘅創作精神,其中一隻仲有啲似《寄生獸》嘅米奇。而最細嘅設計師只有4歲,亞洲代表有台灣同埋馬來西亞,行開IKEA記住支持吓。

Read more ›
黑武士/白兵層層叠 《Star Wars》迷你玩具一盒7件
by / on 16/08/2015 at 12:36 pm

黑武士/白兵層層叠 《Star Wars》迷你玩具一盒7件

噚晚有無睇明珠台重播《星戰》?雖然白兵同黑武士都未出場,但已經令星戰迷好興奮。我呢,就好想買埋呢套層層叠玩具「Star Wars Mania」返屋企玩。好似之前啲叠叠貓咁,不過今次主角換咗星戰角色,一盒7隻,最多都係白兵。總共有黑、白兩個款,前者有黑武士加6隻白兵陪襯。至於白色嗰款就有C3PO、R2D2同埋5隻白兵,要砌得有氣勢,起碼都要買兩盒先夠。每隻高40mm,慳位唔阻碇,一盒1980円,今個月推出。

Read more ›