Post Tagged with: "玩具"

【相集】日本微型玩具攝影師新作 釘書釘變哥斯拉高樓大廈
by / on 12/11/2017 at 10:59 am

【相集】日本微型玩具攝影師新作 釘書釘變哥斯拉高樓大廈

平時文具舖嘅釘書釘可以點應用喺模型方面?日本嘅田中達也就諗到用嚟做成高樓大廈,襯喺哥斯拉旁邊即刻勁有氣勢!呢位微型攝影師擅長將日常物品配合玩具拍攝,靚得嚟仲好有創意,喺網上超高人氣,而且每日都有新作品,噚日幫Pocky紀念11.11影嗰張都超靚,入嚟有回帶。鍾意攝影嘅朋友記住follow埋佢嘅Twitter嘞。

Read more ›

【有片】日本貓奴買遙控玩具 衰喵零反應完全無視
by / on 10/11/2017 at 7:06 am

【有片】日本貓奴買遙控玩具 衰喵零反應完全無視

作為貓奴,有咩傷心得過買返嚟嘅玩具主子唔玩?睇完呢段片你會明。有日本貓奴買咗呢個可以遙控,識自動旋轉嘅羽毛玩具,一心諗住隻喵會好開心,點知隻喵唔玩不特止,仲瞓喺旁邊擰轉面,於是主人遙控搞佢,但係就算條羽毛撞到隻喵塊臉,佢都係完全零反應,好囂張!段片喺IG好多人睇,之後有日本網民放埋上Twitter分享,各位諗住買呢款玩具嘅主人要三思嘞。

Read more ›
【新片速報】】日本奇妙「嘔吐」玩具 嘔Gel狀物Twitter熱傳
by / on 18/10/2017 at 7:25 am

【新片速報】】日本奇妙「嘔吐」玩具 嘔Gel狀物Twitter熱傳

日本100円店經常發掘到奇妙產品,最近有日本網民放咗呢個玩具上Twitter,圓形球狀嘅公仔,重點係識「嘔吐」!大力撳佢就會嘔咗攤粉紅色嘅物體出嚟,之後又可以吸返埋去,究竟我睇咗啲咩?不過相信佢有好強嘅減壓作用。

Read more ›
老鬼大測試 日本網民貼懷舊玩具Twitter熱傳
by / on 12/09/2017 at 7:25 am

老鬼大測試 日本網民貼懷舊玩具Twitter熱傳

又係測試年齡嘅時候嘞!有日本網民放咗呢件玩具上Twitter,叫玩過嘅老鬼一齊RT(轉發),好快轉發數字已經超過4萬人,有人留言話自己間玩具店仲賣緊呢款玩具,有人話呢款玩具已經推出超過30年,仲有其他網民貼咗啲懷舊玩具出嚟,入嚟有得睇。利申,我真係無玩過呀。

Read more ›
【有片】日本喵星人身大膽細 俾玩具嚇親露可憐樣
by / on 07/09/2017 at 7:06 am

【有片】日本喵星人身大膽細 俾玩具嚇親露可憐樣

喵星人嘅行為好難估計,好似呢隻住喺日本嘅暹羅貓,大大隻,點估到佢會俾隻藍色嘅小玩具嚇親?主人影咗兩張連環圖放上Twitter,吸引好多人RT,最重要係佢右邊嘅表情,超可憐,好似俾人恰咗好耐咁。BTW,佢嘅主人成日整蠱佢,又要佢托柑,又要佢頂自己嘅毛,生活好苦,可能因為積積埋埋所以露出咁嘅樣,入嚟有回帶。

Read more ›
外拍唔容易 日本攝影師瞓身落水影Doll
by / on 21/08/2017 at 9:28 am

外拍唔容易 日本攝影師瞓身落水影Doll

幫玩具影外拍係好玩嘅,影到靚相更加開心啦。呢位日本攝影師就成日又瞓身又落水,加上大量器材,影到啲超靚嘅相。

Read more ›

【有片】日本玩具迷坐新幹線 重現《Star Wars》高速空戰
by / on 08/07/2017 at 3:03 pm

【有片】日本玩具迷坐新幹線 重現《Star Wars》高速空戰

坐車好悶?可以玩吓玩具。呢位日本網民佢就帶咗《星球大戰》嘅X-Wing同Tie Fighter上新幹線,之後放佢哋喺窗前,配合高速有動感嘅景像,就變成好似電影入面嘅追逐場面,好有速度感!

Read more ›
【連環圖】日本浣熊仔收玩具 攬到實超可愛Twitter熱傳
by / on 27/06/2017 at 7:09 am

【連環圖】日本浣熊仔收玩具 攬到實超可愛Twitter熱傳

自從睇完電影《銀河守護隊》之後就對浣熊呢種動物產生咗好感,日本有網民屋企就養咗隻浣熊嘞,最近為咗氹佢開心仲買咗個浣熊玩具公仔俾佢。估唔到浣熊見到隻公仔之後勁鐘意,仲即時攬到實一實,個樣好冧好真,超可愛!張連環圖喺Twitter好多人分享,大家都讚佢可愛,唔知佢係咪誤會咗呢個係佢嘅仔仔呢?

Read more ›
【多圖】神級玩具化妝師 重畫頭雕極像真
by / on 23/06/2017 at 2:18 pm

【多圖】神級玩具化妝師 重畫頭雕極像真

鍾意玩玩具該都有經驗,買返嚟嘅角色同真人相差大截,不過嚟自菲律賓,現居美國嘅呢位玩具化妝師Noel Cruz就可以化腐朽為神奇,呢幾年嚟經佢改造嘅玩具不計其數,重新畫過嘅頭雕極像真,由神奇女俠Gal Gadot到Emma Watson到佛地魔到Angelina Jolie,全部都勁靚,真人一樣!入嚟有得慢慢欣賞。

Read more ›
日本攝影高手玩砂 超有氣勢玩具圖集
by / on 20/06/2017 at 1:20 pm

日本攝影高手玩砂 超有氣勢玩具圖集

從來覺得拎玩具出戶外影效果係好正嘅,當然都要有一定技術啦。呢位日本高手就成日都拎玩具去戶外影,最新一輯佢就玩砂,塵土飛揚嘅效果好有氣勢,不過影完有排清潔……

Read more ›
【新片速報】日本鸚鵡仔有新玩具 教對方講嘢超可愛
by / on 05/06/2017 at 7:05 am

【新片速報】日本鸚鵡仔有新玩具 教對方講嘢超可愛

人類有玩具,呢隻鸚鵡仔都有喎。佢嘅主人買咗隻雀仔玩具俾佢,呢隻玩具仲識錄音跟人講嘢。鸚鵡仔起初玩得好開心,仲昂晒頸不停講「KON呢支娃」,不過無幾耐佢似乎想同玩具有進一步嘅交流,點知掂吓掂吓,隻玩具雀竟然俾佢推咗落地!喂,你殺咗你個朋友仔呀!

Read more ›

【新片速報】日本網民試彩條玩具 轉轉吓變肥皂泡
by / on 29/05/2017 at 7:52 am

【新片速報】日本網民試彩條玩具 轉轉吓變肥皂泡

嘩好靚呀!有時玩具唔一定要好高科技嘅,好玩就得嘞。日本有網民最近買咗呢支奇妙棒棒,表面睇係一條條顏色彩帶,不過只要轉幾轉就會變成肥皂泡,靚之餘似乎仲好好玩!

Read more ›
【係愛呀】超可愛壁虎爸IG大熱    攬實玩具囝囝好滿足
by / on 21/05/2017 at 5:19 pm

【係愛呀】超可愛壁虎爸IG大熱 攬實玩具囝囝好滿足

呢隻壁虎會唔會太得意?最近佢喺Instagram好紅,經常笑笑口嘅佢,似乎好鍾意主人買俾佢嘅小玩具迷你壁虎。望住隻玩具嘅時候,佢雙眼會笑到瞇埋,有時仲會擘大口,不過口入面無乜牙好似呀伯。佢有時仲會攬住隻公仔瞓,超可愛,真係唔忍心同佢講:「其實佢唔係你個仔嚟架!」入嚟有多啲圖睇。

Read more ›
【圖集】超強玩具攝影師挑戰「實時」 蟻俠疾走有難度
by / on 01/05/2017 at 4:28 pm

【圖集】超強玩具攝影師挑戰「實時」 蟻俠疾走有難度

  呢位玩具攝影師Mitchel Wu之前都介紹過,主打實時(Real Time)攝影,除咗影胡迪之外,其實佢都影好多Marvel角色,而且IG更新得好密。最近就有蟻俠、蜘蛛俠、美國隊長,連星戰同哥斯拉佢都啱,好明顯佢買好多玩具,入嚟有得慢慢睇。

Read more ›
中國KFC推出「皮卡丘」套餐      比卡超玩具識叫識著燈
by / on 27/04/2017 at 7:54 am

中國KFC推出「皮卡丘」套餐 比卡超玩具識叫識著燈

其實見到皮卡丘個名都係唔慣,最近中國KFC同比卡超合作,推出咗呢個「Pika Pika!春游去」嘅活動,買「皮卡丘套餐」送限量玩具,比卡超識著燈識叫識郁,後面隻瞓緊覺嘅比卡超仲幾可愛添。好多網民買完放咗上網分享,睇片聽到比卡超不停叫Pika Pika,我就幻想好多隻比卡超一齊喺中國KFC入面叫,再加埋嘈吵嘅人聲,應該好震憾!

Read more ›