fbpx

Tag: 王澤

王澤 x Ms B’s Cakery推出《老夫子》蛋糕

王澤 x Ms B’s Cakery推出《老夫子》蛋糕

以《老夫子》之名推出過嘅精品,多到數唔晒,但聯乘蛋糕品牌呢,印象中真係唔多覺。王澤聯乘Ms B’s Cakery推出《老夫子》系列蛋糕,有「Butterflies」、「Pop Rock」同「Hot Pot」三款,三款都五顏六色花呢碌,望到開心,見到想食。各6吋售$1200、8吋售$1800。係唔平架,但鬼叫佢靚咩,相機先食好應份。

Read more ›

王澤為慈善出力 獻《老夫子》滑板供拍賣

王澤為慈善出力 獻《老夫子》滑板供拍賣

嚟緊8月28日,有個「東華三院150周年:滑板藝術網上展覽暨慈善拍賣」,王澤出手獻《老夫子》滑板,一組三件,拼埋一齊係一幅大畫。相比睇慣睇熟嘅黑白《老夫子》漫畫,滑板構圖與用色皆大膽,有剪影有大頭有側面,大紅大黃大藍大紫大黑又撞埋一齊,又估佢唔到咁正斗喎。

Read more ›
動漫電車之旅 老夫子化身叮叮乘客

動漫電車之旅 老夫子化身叮叮乘客

擒日報導過話坐叮叮有機會撞到甘小文筆下嘅哨牙珍,原來唔只,連王澤筆下嘅老夫子都有機會同你坐同一班車。呢個由「香港動漫畫聯會」同「香港設計中心」聯手打造嘅「dd推介──漫漫遊」活動,焦點係銅鑼灣兩個動漫電車站同兩架動漫號電車,大家有緣遇到老夫子的話,記得打卡呀。

Read more ›
王澤書展搞簽名會 買《老夫子》產品滿$160送海報

王澤書展搞簽名會 買《老夫子》產品滿$160送海報

我諗無人未睇過《老夫子》,今年書展,作者王澤會出席搞簽名會,大家可以攞定書搵佢影相。另,有嘢送,買任何《老夫子》相關產品滿$160,即送《老夫子2019書展》海報,到時記得捧場。

Read more ›
王澤出席《老夫子漫畫•形色萬千展》 簽名影相係時候

王澤出席《老夫子漫畫•形色萬千展》 簽名影相係時候

正呀喂,下周六有個《老夫子漫畫•形色萬千展》,唔使諗爆頭搵節目喇。屆時除咗有老夫子、大番薯、秦先生、老趙同陳小姐陪你一個晏晝,王澤都會出席開幕儀式,搵佢影相簽名係時候啦喂。

Read more ›
王澤書展搞簽名會 有售30冊《老夫子大全集》

王澤書展搞簽名會 有售30冊《老夫子大全集》

2018書展,《老夫子》作者王澤會親臨灣仔會議展覽中心搞簽名會,屆時攤位會出售成套30冊嘅《老夫子大全集》,想搵王澤簽名影相,記得Mark低7月21日,嗰日咪約人喇。

Read more ›

今期必買 《香港電影金像獎特刊》+《我們都是這樣看港漫長大的》

今期必買 《香港電影金像獎特刊》+《我們都是這樣看港漫長大的》

再次恭喜阮大勇奪第36屆香港金像獎專業精神獎,咁恭喜完,係咪應該做番啲實際嘢支持佢?Fine,除咗喺佢嫩人家留言恭喜外,我哋不如捧吓場買番本附送《阮大勇最愛五十電影海報集》嘅《香港電影金像獎特刊》喇,呢本好嘢絕對值得珍藏。另外,唔知大家會唔會一撐由范永聰博士編著嘅《我們都是這樣看港漫長大的》?我孤陋寡聞唔識范永聰,但我Like個書名,好有共鳴呀衰鬼!內容由港漫60年代講到千禧年,人物涉及王司馬、王澤、講到黃玉郎、漢民、馬榮成、邱福龍、狄克、牛佬、甘小文、鄭問等等,每本$88,鍾意文字書嘅港漫迷應該啱睇,兩本書「至Goal Club」有售。

Read more ›
《老夫子》作者王家禧離世 一路好走

《老夫子》作者王家禧離世 一路好走

上個禮拜先睇完動漫基地個《想入非非老夫子漫畫作品展》,估唔到老夫子哈媒體公司董事長邱秀堂今日喺面書發文,公佈王家禧死訊。心情有啲Sad,想當年老媽逢公仔書必掉,話色情暴力教壞細路,獨《老夫子》可以名正言順登堂入屋,翻睇又翻睇,揭到本書又殘又爛都唔捨得掉。俱往矣,老王澤今已作古,一個時代的終結。RIP,一路好走。

Read more ›
網圖分享:港漫人2017新年賀圖

網圖分享:港漫人2017新年賀圖

  睇港漫人新年賀圖啦喂!2016年有何不快不安不忿不足不甘心不情不願,唔該統統抹晒佢,踏入新一年,大家醒神呀。展望2017年,大家機繼續打劇繼續煲公仔書繼續開開心心睇,本網站祝大家新年進步,身體健康。

Read more ›
網圖分享:2016港漫人的聖誕賀圖

網圖分享:2016港漫人的聖誕賀圖

一年容易又聖誕,2016年話咁快又得番幾日,普世歡騰嘅日子,大家好應該過得得開開心心,之前有乜不快,唔該統統抹晒佢。港漫人出聖誕賀圖,排名不分先後──王澤、Eric Chow、何志文、杜比、Chan Ming、Cuson、孫威軍、馬遜、鄧本邦、廖光祖、Jim Lai、是但哥、黃國興、門小雷、林祥焜、丹青、黃水斌、邱福龍、崔成安、Tommy Lin──請慢慢欣賞,本網站仝人亦祝大家聖誕快樂,新年進步。

Read more ›
動漫基地又有展覽!老夫子出場!

動漫基地又有展覽!老夫子出場!

灣仔動漫基地又有展覽睇,今次輪到家喻戶曉嘅老夫子出場,展覽名為《想入非非──老夫子漫畫作品展》,會展出從未曝光過嘅60年代封面手稿、漫畫原稿同立體展品,仲有互動遊戲玩,夾啱時間周六捧場的話,仲有免費戲睇添,會場精選70年代至2000年代嘅真人同動畫版《老夫子》電影,有排你睇。記得細個嗰陣,老竇老母唔畀睇公仔書,話暴力色情黑社會唔啱小朋友睇喎,《老夫子》係唯一可以入屋嘅連環圖,我對老夫子都有好深厚感情,所以呢個展覽唔撐唔得,你呢?

Read more ›

網圖分享:送羊迎猴 港漫人出新年賀圖

網圖分享:送羊迎猴 港漫人出新年賀圖

開心嘅時間過得特別快,但仲未係時候講Bye Bye,有心拜年唔怕遲,今Day雖然係年初五,但話晒仲係新正頭,吉利說話唔怕繼續講,港漫人的新年賀圖亦唔怕睇多次,今日論到何志文、邱福龍、戇男、王澤、上官小強、丹青、李志清、Coin同Uneko Hey Mak同大家拜年。本網站順祝各位新春大吉、心想事成、橫財就手,恭喜恭喜。

Read more ›
網圖分享:港漫人出圖賀新年 2016年最緊要開心

網圖分享:港漫人出圖賀新年 2016年最緊要開心

今日係1月1日,新一年,但願2015年所有不快隨風而去,上官小強、邱福龍、丹青、黃國興、廖光祖、王澤、葉明發、Felix Ip同米奇等港漫人紛紛出賀圖慶新年,希望大家2016年過得開開心心,本網站順祝各位身體健康,笑口常開,睇畫啦老友!

Read more ›
《4 x 10漫畫展》 留言送迷你漫畫卡

《4 x 10漫畫展》 留言送迷你漫畫卡

先解釋《4 x 10漫畫展》名字,「4」同「10」都有特別意思,「10」代表王澤、李惠珍、杜琛、歐陽應霽、小克、楊學德、大泥、黃照達、貓室同Tina Ko十個本土漫畫家,「4」代表每位漫畫家會展出四幅作品,陣容異常鼎盛。是次展覽有主旨,希望透過漫畫同小小一行字,令港人反思自己的消費同生活模式,若果你有時間親臨展場,請喺展板留言,每次留言即可換領迷你漫卡一張,有得睇有得拎,聽日有好節目喇!

Read more ›
港漫人齊賀2014年,睇畫!

港漫人齊賀2014年,睇畫!

  2013年眨吓眼過去,老土問句:「各有機網讀者,新一年有乜新年願望呀?」各港漫人好有心,紛紛作畫齊賀2014年,希望新一年大家都願望成真喇。

Read more ›