fbpx

Tag: 王小虎

《王風雷傳奇》邪神著王帝的新衣? 毒龍鑽鑽手肘再出摧心錐係乜玩法?

《王風雷傳奇》邪神著王帝的新衣? 毒龍鑽鑽手肘再出摧心錐係乜玩法?

拎今期第11期《王風雷傳奇》上手,只有不斷搖頭嘆息加O嘴,故事睇唔明就預咗架嘞,但有啲位真係連畫面表達同正常邏輯都未達標,我接受唔到。先講龍虎三皇圍攻火雲邪神嗰段,小虎用寶劍刺入邪神雞心,旁白寫「邪神有易筋經加上天蠶寶衣護身,寶劍只能入肉數分」,而畫面呢,係畫到邪神赤裸上身嘅,件天蠶寶衣去咗邊?定只不過係王帝的新衣?睇唔明。三揪一打大佬,啲招數可唔可以合理啲呢,王小虎出電光毒龍鑽,頂吖,居然唔係鑽邪神,而係鑽石黑龍手肘,旁白話此舉能「令推心錐的殺傷力倍數上升」,大佬呀,痴線嘅咩,絕招嚟架,莫講話之後出推心錐,被毒龍鑽鑽完,條手臂仲有得剩?Anyway,fortunately,仲有一期就大結局了,兼提提大家將會喺1月22日出版,下周唔使撲書。

Read more ›

Kaiju One懷舊風搪膠公仔 華英雄+王風雷+金羅漢+王小虎登場

Kaiju One懷舊風搪膠公仔 華英雄+王風雷+金羅漢+王小虎登場

Kaiju One年尾有好多搞作喎,原來唔只王小龍,另有附黑髪頭部同赤劍等部件嘅天煞孤星華英雄、透明藍紅二色身體嘅冰火五重天王風雷、終極金鐘罩版本金羅漢、附手臂同寶劍嘅紅背心版王小虎都輪流登場,各$580。我四隻都想要,點算?有無人送畀我?

Read more ›
牛佬《龍虎門外傳慈雲山七鷹》第四期 王小虎陀槍打劫銀行

牛佬《龍虎門外傳慈雲山七鷹》第四期 王小虎陀槍打劫銀行

撐足咁多期《龍虎門外傳慈雲山七鷹》,故事套路就大概都估到個八九不離十,最令我驚喜嘅反而係每期封面。嚟緊周六出版嘅第四期封面,我又覺得好正斗喇,以白色做主調色已經少見,以大疊飛來飛去嘅銀紙殘影作點綴,點題番今期書名〈三皇打劫銀行〉,最過癮就梗係王小虎陀場槍喇。喺舊著《龍虎門》裡面,如果無記錯的話,小虎甚少用兵器,頂盡見過佢揸寶劍無兩嘢,揸槍真係未見過。好期待小虎揸住槍指喝銀行職員嗌:「咪郁!打劫!攞晒啲錢出嚟!」呢個畫面應該幾搞笑。

Read more ›
網圖分享:戇男的奈良美智風王小虎

網圖分享:戇男的奈良美智風王小虎

哈哈,見到戇男呢幅搞笑作品,再睇埋佢嘅留言:「我成日發埋啲一幅畫賣幾千萬嘅夢……」我即刻唧一聲對住個Mon笑咗出嚟。Wow,百分百奈良美智Feel呀喂,畫緊邊個呀?之唔係龍虎三皇之一嘅王小虎囉;Tribute呀喂,Tribute啲乜呀?王小虎最令人印象深刻係乜呀,「I killed a little bird」呀,梗係初出場時係威係勢用虎鶴雙形拳第92式「鐵掃把腳」踢鷹喇。哈哈哈哈哈,好正,笑死我了。

Read more ›
網圖分享:右貓的龍虎三皇I字平衡

網圖分享:右貓的龍虎三皇I字平衡

呢排Twitter唔知點解興起I字平衡,由初初Post真人相,到有網友用模型或Figure擺Pose代替之,到家陣輪到大量畫作洗版。插畫家右貓都跟跟風,畫咗幅龍虎三皇贈興,但見王小虎出一招朝天腳,跌晒膊咁都不知幾可愛,後面嘅石黑龍同王小龍就做緊熱身。佢仲好好心機地摷番《新著龍虎門前傳火雲邪神》第10期封面出嚟,封面裡面嘅勇哥都係做緊I字平衡,應該係出緊霸腿一式「一將功成萬古枯」。

Read more ›
支持!許景琛《龍虎門Z》第二期開訂!

支持!許景琛《龍虎門Z》第二期開訂!

許景琛《龍虎門Z》第二期就快出版,普通版分正邪兩個封面版本,「正」以石黑龍、光頭星加毒眼龍擔綱,「邪」以老祖宗、老天尊同老邪神掛帥,兩者合併可以成為一個大封面,各售$68。特別版當然唔少得,分A同B款,A款包一書、1張閃卡、8張普通卡,售$118;B款包一書1、金版3D打印Q版王小虎、Postcard,售$380。家陣正式開訂,花多唔使眼亂,慢慢揀總有一個版本啱你心水,當然,全部買晒就最Goodest喇,呢句我幫許景琛講嘅。

Read more ›

Kaiju One x《龍虎門》懷舊風搪膠公仔 王小虎+羅剎雙妖+王海蛟登場

Kaiju One x《龍虎門》懷舊風搪膠公仔 王小虎+羅剎雙妖+王海蛟登場

原來係一次過出四隻,Kaiju One推出嘅《龍虎門》懷舊風搪膠公仔,最新有一彈有三皇之一嘅王小虎,羅剎雙妖同王海蛟,各售$580。想問嘅係,點解王海蛟唔設計到半身紅半身藍?話晒都練到冰風七重天頂峰喎,話晒都叫邪拳魔王喎,Anyway,四隻我都想入手。

Read more ›
網圖分享:Bobby Wong畫王小虎戰王風雷

網圖分享:Bobby Wong畫王小虎戰王風雷

As一個港漫Fans,好難唔追朋友仔Bobby Wong面書的,事關佢經常「手痕塗鴉」,畫嘅多數係港漫經典角色──龍虎三皇、白仇、王風雷、步驚雲、武神等等固然難唔到佢,連較冷門嘅《醉拳》王靈都有涉獵。最新一幅王小虎戰王風雷畫作,就更加係「極花心機的一張畫板,斷斷續續畫了十幾天才完成」,絕對達專業級水準,厲害。

Read more ›
1053期《新著龍虎門》銀光版 王小虎揸電單車出場

1053期《新著龍虎門》銀光版 王小虎揸電單車出場

下期第1053期《新著龍虎門》,睇怕要買兩本了,因為除普通版外,仲有一個銀光特別版,將選取張萬有當年投稿嘅一幅「200分王小虎騎電單車殺出重圍圖」做封面。鄺志德剛剛喺面書登咗封面打稿,Wow,啲線條好密,王小虎又畫得幾英喎,頭髮填得好靚,仲有久違了的Nike眉,古早味出晒嚟,I like it。另,因書展同動漫節延期,鄺志德話原本準備好嘅精品唔知點處理好喎,幅王風雷畫板咁正,如果送畀我就好咯。

Read more ›
網圖分享:奉袁家寶諭 龍虎群英Big 4提你戴口罩

網圖分享:奉袁家寶諭 龍虎群英Big 4提你戴口罩

唉,今日香港又唔知新增幾多個本地個案,武漢肺炎究竟幾時完呀?好煩呀。呻煩都無用,惟有奉袁家寶諭,繼續注意個人衛生,記得戴口罩。啱架,龍虎三皇And王風雷武功幾高強都唔係大晒,最怕係唔知自己中咗招又傳染畀人。咁大家記得乖乖戴口罩、勤洗手同多休息,少去啲多人嘅地方喇。

Read more ›
網圖分享:Alex Lee的古早味龍虎群英

網圖分享:Alex Lee的古早味龍虎群英

數一數,希望無數錯,老妖、阿柴、白仇、石鐵、石黑龍、王小虎、大水牛、王小龍、王風雷、金牛……好厲害的無相神功!面書朋友仔Alex Lee呢幅龍虎群英圖,有最Iconic嘅Nike眉、大眼睛、起角衫花加嚿嚿肌肉,非常之古早味濃,I really like it。我貪心啲,如果有埋上色版,就更加好了。

Read more ›

有片:《龍虎門》王小虎vs《Street Fighter》Fei Long 出聚龍一擊照輸

有片:《龍虎門》王小虎vs《Street Fighter》Fei Long 出聚龍一擊照輸

呢條打機片過癮呀喂,Wong Tiger對戰《Street Fighter》Fei Long呀喂。誰是Wong Tiger?照名字硬譯都估到喇,咪係《龍虎門》三皇之首王小虎囉。打晒三Round,我留意到Wong Tiger出過黑龍偷心、天龍鎖、滾地龍、蟠龍雙飛等降龍十八腿招式,仲出過疑似最強一招聚龍一擊添。But unfortunately,我的王小虎,不,Wong Tiger最後係輸咗嘅。

Read more ›
印度尼西亞Coser愛《龍虎門》 王小龍最英……

印度尼西亞Coser愛《龍虎門》 王小龍最英……

又係無聊瀏覽面書,無意中Click入「Legasi Manhua Malaysia @ Komik Hong Kong Fans」。此馬來西亞Cosplay組織,剛剛Post咗一輯Cos《龍虎門》角色嘅相片。睇得出呢班印度尼西亞Coser好認真,王小虎Cos得都OK喇、石黑龍就唔知點咁、王小龍有英氣我Buy、王小鷹一般過一般無乜驚喜、王風雷頭髮無豎起有啲失色、火雲邪神有面具就掂唔評論,至於玉兒……

Read more ›
網圖分享:Cuson的龍虎三皇四格漫畫

網圖分享:Cuson的龍虎三皇四格漫畫

有無畫過呢?唔Sure,但印象中真係好似無,剛剛瀏覽Cuson面書,終於睇到佢畫嘅龍虎三皇四格漫畫。Q版畫風,面相好萌,古仔講王小虎同火雲邪神隻揪,正邪兩方陣營各自打氣,如此肉緊係因為……落咗重注,一場生死鬥變成賭博工具。著實正呀喂,值得掌聲鼓勵兼畀Like。

Read more ›
《新著龍虎門》驚讀者無記性? 飛妖叛咗九百幾期教先識驚?

《新著龍虎門》驚讀者無記性? 飛妖叛咗九百幾期教先識驚?

今期第975期《新著龍虎門》,我係有少少睇到火滾嘅。火滾之處有二,一,第四頁半至六頁半內容全屬「上期回顧」性質,譜過啲新旁白說明,將上期劇情重新演繹一次,使唔使呀?其實上期已經有類似情況出現,當讀者咁無記性乎?二,龍虎群英無端端參與四大教主之戰,本身已經唔多合理,OK,Fine,就當石黑龍急於報父仇搵鐵五郎算帳,拖累埋王小虎、天嬌同飛妖參戰,叫做勉強講得通,但飛妖都唔使搏晒老命保住火雲邪神條命仔嘛,依家陣局勢發展,我完全睇唔出有何「唇亡齒寒」嘅道理在,唔夠打最多咪閃囉;仲有,飛妖唔係晨早改邪歸正嘅咩?救完邪神之後又做乜笠晒水跪低成隻狗咁?叛教都已經叛咗九百幾期喇,到依家先識驚?邪神執行家法嗰陣仲唔敢還拖,堂堂羅剎雙妖之一,又玄冰掌又好輕功,使唔使驚到打冷震?諗極唔明係乜玩法。

Read more ›