玉皇朝出App 內容大路欠更新

真係唔講唔知,玉皇朝一向連面書都無架嘛,點估到佢失驚無神會整個「玉皇集團」App?Download落嚟望望,嗯,老實,都幾一般吓,點解?太大路囉。子項目有「玉郎集團簡介」、「黃玉郎先生介紹」、「集團架構」、「漫畫出版」、「海外市場及國際版權」、「未來發展」、「聯絡我們」同「漫畫之衍生業務」。後者再細分「商品」、「動漫」、「多媒體遊戲」同「電影」,都係舊料居多,叫做有公仔睇吓咁囉。無即時更新都係缺點,話集團每周出版四周刊《新著龍虎門》、《春秋戰雄》、《東方真龍》同《如來神當》潮珍版喎,《東方真龍》完咗N年,《神掌》又唔收錄埋入去,有少少偷懶噃。

Read more ›