fbpx

Post Tagged with: "獵奇"

有片:獵奇!倒轉跑再倒轉播!原來好詭異!
by / on 28/10/2015 at 10:30 pm

有片:獵奇!倒轉跑再倒轉播!原來好詭異!

做乜個個都跑到腳跟唔掂地咁嘅?又做乜邊跑要邊後望呢?原來當人人都頭向後扭但人向前跑嗰陣,畫面係咁詭異嘅。點解嘅?點解嘅?答案係「This is what you get when you reverse the video of a backwards running competition.」哦,原來係一場向後跑比賽,不過將條片倒轉播咁解啫,舒服晒,我完全明白了。

Read more ›

獵奇廁所系列     鬧市奔放如廁你敢唔敢?
by / on 11/11/2013 at 7:37 am

獵奇廁所系列 鬧市奔放如廁你敢唔敢?

廁所日日去,最熟悉嘅除咗屋企就係公司/ 學校,有機會出去見識吓開吓眼界都唔錯。以下精選咗五款好有個性嘅廁所,包括玻璃地面深不見底嘅廁所格;一邊去一邊有靚女望實你嘅尿兜,之前介紹過嘅日本花園透明廁格,不過都唔及呢個爆,鬧市之中嘅透明廁所,不過係人哋睇你唔倒,你喺入面先睇倒人嘅特殊玻璃,比在係我應該屙唔出,你呢?

Read more ›
新片速報 黑仔揸綿羊 1分鐘炒5次
by / on 26/05/2013 at 4:37 pm

新片速報 黑仔揸綿羊 1分鐘炒5次

呢條由疑似大陸閉路電視錄到嘅影片,名為「Darwin Awards Winner – 2013 Dumbest Funny Motorcycle Scooter Accident」,影片裏面有一個揸綿羊駕機車嘅司機,佢先撞到私家車,私家車司機落車講咗幾句,佢想走,又撞到另一架私家車。再走,又撞到另一架機車,好喇,今次行遠啲,唉!又撞埋架大貨車度……你以為就咁完,最後一嘢真係好爆,我知,唔應該落井下石笑人哋,但睇到最尾一下,我真係忍唔住……對唔住。

Read more ›
新片速報 奇技開啤酒 爆樽大全集
by / on 25/05/2013 at 5:08 pm

新片速報 奇技開啤酒 爆樽大全集

有冇試過想開玻璃樽裝汽水、啤酒,但冇開瓶器?你會點做?有人會用牙咬,有人用火機,我就驚驚地,搵個枱邊啪落去。「How to Open a Beer – The Ultimate Compilation」呢條片入面班奇人呢?佢哋會一拳打爆個罐,或者用電單車轉動緊嘅後輪,再唔係用士巴拿、電鋸……不過講到最勁,都係用對眼開,堅唔堅呀?

Read more ›
舊聞Share 夏天快到 強國奇景回顧 防曬頭套再現沙灘
by / on 11/05/2013 at 4:33 pm

舊聞Share 夏天快到 強國奇景回顧 防曬頭套再現沙灘

打底,呢條係舊聞,上年夏天嘅事,但見到喬大喬靖夫喺fb share出嚟,一句:「做乜Q?」簡單道出大家疑惑之情,令人忍唔住要報導兼舖圖。夏天就快到喇,係時候回顧上年強國海灘出現嘅奇景。你去沙灘為咩?為曬太陽?為睇女?為游水?太普通喇!強國人再一次走得太前,去沙灘嘅目的係防曬!避開陽光三點式,只要海灘。可能佢哋真係好怕曬黑,所以就推出咗大量防曬頭套,有唔同色之餘仲有迷彩,易襯衫吖嘛!喂游水著衫o架咩?係呀,佢哋著晒緊身衣笠埋個頭套去沙灘,飛虎隊咁,好多嘰嘰戰鬥員好熱鬧呀!香港幾時學呀?文化共融吖嘛!

Read more ›
強國又有新嘢玩 迫員工爬街減壓
by / on 09/05/2013 at 11:58 am

強國又有新嘢玩 迫員工爬街減壓

一個星期前(2日)喺重慶,出現咗呢個奇景,令強國又揚威海外,被日本網站報導。呢班著晒制服嘅男女為咩無啦啦趴爬拉龍呢?原來佢哋係一間化妝品公司嘅員工,進行一個挑戰壓力課程喎。但似乎呢個唔係挑戰壓力,而係挑戰做人嘅尊嚴,如果我係佢哋啲員工,我一定啋佢都傻!有腰骨o架嘛我哋!除非,人工好高啦。

Read more ›

周日開眼界 緬甸主題樂園 米奇/Batman/多啦A夢同場!?
by / on 05/05/2013 at 3:03 pm

周日開眼界 緬甸主題樂園 米奇/Batman/多啦A夢同場!?

香港嘅小朋友,其實真係好幸福,有鴨仔睇(踩),又有正版迪士尼樂園去玩……呢度係緬甸仰光大金寺Shwedagon Pagoda前嘅一個主題樂園「Happy World」,近排就有日本傳媒去過,入場費200kyat,即係港幣大約$1.5!係$1.5!裏面集合擬似米奇老鼠、蝙蝠俠、多啦A夢、天使得得B等美日卡通人物,簡直係迪士尼加環球影城再乘多啦A夢博物館咁,而且仲有過山車、碰碰車、桌球室、遊戲機等設施……    

Read more ›
獵奇新片 手插水銀 唔濕手凍冰冰
by / on 05/05/2013 at 12:26 pm

獵奇新片 手插水銀 唔濕手凍冰冰

大家冇乜機會,有機會都未必會試,因為我哋成日聽見有人中水銀毒,好似話要截肢o架喎!呢兜40 Kilo水銀,望埋去就係液體金屬,即係試想像吓將傳統探熱針入面啲水銀儲滿一兜就係咁喇……呢位勇者佢就用隻手去玩水銀,發現原來係唔會濕手,睇就過癮,如果隻手有傷口……

Read more ›
影片回顧 日本摩打腳 《Dance Dance Revolution》跳舞機神人
by / on 04/05/2013 at 8:33 pm

影片回顧 日本摩打腳 《Dance Dance Revolution》跳舞機神人

其實呢個名叫Takaske嘅日本神人,早於上年已經放片上YouTube,而最新一條就係今年3月,本來見到唔算新都冇諗住寫,但係,反覆睇過幾次,真係覺得唔share唔得,希望未睇過嘅人開吓眼界。佢用一雙強而有力嘅手臂撐住背後嘅扶手借力,下半身左右飄移,一雙赤腳就猶如行雲流水裝上摩打一樣遊走於8個箭咀間,嗚!踏踏踏踏踏踏踏踏踏踏踏踏,你睇佢啲Combo!

Read more ›
獵奇產品 流動西瓜冰箱 型盡大小沙灘
by / on 24/04/2013 at 3:59 pm

獵奇產品 流動西瓜冰箱 型盡大小沙灘

呢幾日,終於感覺到夏天嚟喇!咁夏天梗係要食冰凍嘅西瓜啦,加上日本人好興去沙灘玩扑西瓜,隨身有一個冰凍西瓜真係必要o架。呢個由日本廠商JoyBond推出嘅流動冰箱,特登整成圓球體,可以用汽車充電,而且有兩個轆,等你去到邊都可以扑西瓜,拖住佢去沙灘都咪話唔型。不過價錢唔平,賣19,950円,冰凍之餘仲可以保暖。

Read more ›
新片速報 Durex內衣褲有反應 iPhone傳情 遙距互摸
by / on 23/04/2013 at 11:30 pm

新片速報 Durex內衣褲有反應 iPhone傳情 遙距互摸

如果住得好遠,即係例如你住喺天水圍,但你女友就住喺將軍澳,咁月圓之夜大家情緒高漲,奈何夜欄人靜,屋企冇自己一間房搭的士又唔夠錢,點算好?呢系列由杜雷絲設計嘅Durex Fundawear內衣就幫到你喇。只要你裝個app,佢嘅內衣同內褲可以接收遠方iPhone傳送觸感去你嘅貼身衣物度,而且仲可以觸碰唔同部位,嗚呀!加埋視像話,真嘅一樣,sex得好cyber!呢系列內衣仲未推出,不過話時話,到時冇人買杜雷絲嘅主打產品咁點算?開緊會點算?搭緊車點算?我諗起都好開心!

Read more ›

新片速報 日傳媒測試 過濾樽可樂變透明 味道似糖水
by / on 21/04/2013 at 2:23 pm

新片速報 日傳媒測試 過濾樽可樂變透明 味道似糖水

先前報導過有個OKO水樽,話可以將黑色可樂過濾到變透明,咁我就好好奇,過濾透明就好神奇,咁味道呢?有日本傳媒就上網買咗個水樽測試,真係得喎,不過開頭效果好啲,去到尾段就有少少啡色,味道方面,佢哋話已經冇晒氣喇,但係就好似糖水咁,幾好飲喎。

Read more ›
日本英語教科書 獵奇對話得啖笑
by / on 19/04/2013 at 7:52 pm

日本英語教科書 獵奇對話得啖笑

部份日本人英文唔好,其實係因為教育問題,上到初中先接觸英文,咁啱啱開始學就梗係簡單對答……不過你睇吓呢啲英文教科書,佢哋啲英文文法冇話錯,但係對答嘅內容始終怪怪哋,同埋,學呢啲對話,到底喺咩情況下可以用得著呢?

Read more ›
獵奇影片 神奇過濾水樽 可樂走色變透明
by / on 18/04/2013 at 5:30 pm

獵奇影片 神奇過濾水樽 可樂走色變透明

雖然呢條片係年頭嘅,但我真係未睇過咁神奇嘅嘢。話說呢個由「ÖKO」推出嘅水樽,附設有一個三層過濾器,咁佢就梗係講到曉飛,話第二層係用NASA太空站都用嘅物料做……個過濾器仲勁到可以將可樂啲色過濾晒,令佢變透明,唔信?入嚟睇片。而呢個咁神奇嘅水樽一啲都唔算貴,550ml日本賣2,980円,650ml都係3,280円。

Read more ›
日本潮興扮龜波影相 高中女生打到飛起
by / on 27/03/2013 at 10:35 pm

日本潮興扮龜波影相 高中女生打到飛起

日本女高中生,影相V字手係例牌動作,不過近日喺日本就仲興起一種搞嘢拍攝手法,名為「發勁」。之前喺日本討論區2ch就出現一堆女高中生嘅相片,影嘅時候被打一方就跳起彎腰交戲,而另一邊嘅學生妹就做出拳、轟地、爆氣等動作,咁影出嚟就好似其中一人震飛其他女生咁,勁有漫畫感覺,同「應肚即飛」有異曲同工之妙。而最新呢,就係食住3月30日《龍珠Z 神與神》喺日本上映個勢,個個喺度扮出龜波,我睇相都感覺到佢哋嘅度大嗌:「Ka!Me!Ha!Me!Ha!」呢句嘢,呢排真係聽好多……而2ch班網友似乎就被嚇親,有人留言話:「o依家啲女高中生好恐怖……」

Read more ›