Tag: 獎盃

明天開始PS更新「獎盃制」 玩家等級將大升

明天開始PS更新「獎盃制」 玩家等級將大升

如果你係大約12級嘅等級,聽日開始更新完之後,就可能大幅升到約200級!不過唔駛驚又唔駛太開心,因為只係個「獎盃制」改動咗,由依家「獎盃」等級範圍「1-100」擴增到「1-999」。而且之後遊戲嘅「獎盃」等級計算制度都會唔同,玩家會更快通過早期等級,而「白金獎盃」喺等級進度上將佔更大比重,更具價值。鍾意衝白金嘅玩家要留意番喇。

Read more ›

真係咁著數? 官方宣佈PSN獎盃變獎金可買Game

真係咁著數? 官方宣佈PSN獎盃變獎金可買Game

係真嘅,不過又唔算話係好著數。打機打到攞白金獎盃當然係成就,如果可以變錢咁就更加有動力啦!不過個數字……官方公佈每100個銀獎盃就可以得100分,而25個金獎盃就可以有250分,10個白金獎盃就有1,000分,不過1,000分先可以換到$10美元喺PSN消費。如果以美國排頭嘅玩家Roughdaw4嚟講,佢有15,551個銀獎盃、6,903金獎盃、1,359白金獎盃,咁即係佢可以換到$1,583美元嚟買遊戲,當然,呢個係一個極端例子嚟。而且呢個計劃暫時只係喺美國推出,喂,計吓自己打咁耐機儲咗幾錢先啦!

Read more ›

日攞15.5個獎盃 外國玩家突入PSN Level 100

你PSN Level幾?我自首先,Level 7,個位數。而呢位外國玩家Hakoom,就喺Twitter講話自己啱啱到咗Level 100,有圖有真相。確實全球有幾多玩家到咗Level 100就唔知,有非官方網站就列出咗40幾人。Hakoom仲post咗佢100 Level嘅成績出嚟,用咗超過1,900日,即5年以上,玩過1016隻遊戲,攞咗30853個獎盃,平均每日都攞15.5隻!最後仲有少少佢俾嘅資料,就係白金奬盃有180分,金獎盃有90分,銀有30分,銅有15分,而要去到100 Level,係需要880,000分!

Read more ›

情人節噩夢「男女朋友襟章」魔鬼現身!

女讀者,如果你有個好鐘意打機儲白金獎盃嘅男朋友,啱晒嘞,今年情人節你可以買呢套「男朋友襟章」訓練佢。襟章總共12個,每個都係一個任務,例如見完家長可以獎一個襟章;交換鎖匙?頒獎啦!其他襟章仲有共用櫃筒放內褲、共同放屁、嘔吐時幫忙掃背等等。男讀者,係咪好驚?快啲盡可能冚住呢單消息唔比女朋友知,又或者,買埋呢套「女朋友襟章」,一式六個,有「接受打機」、「一齊食快餐店」、「胸部push up」、「月事情緒管理」等等,哈哈,真係好絕!

Read more ›