fbpx

Tag: 獅子

日本超正「動物去廁所」扭蛋 尿兜變坐廁獅子便秘

日本超正「動物去廁所」扭蛋 尿兜變坐廁獅子便秘

動物去廁所扭蛋系列好多人都有儲,今次繼續同著名插畫家佐藤邦雄合作,細心睇會發現個廁所由尿兜變成坐廁!動物方面有4種分別係河馬、變色龍、獅子同兔仔。每個間隔仲有個廁紙架,超細緻。個人最想要係獅子大哥,你睇佢個便秘樣幾兇狠?另外河馬應該會坐爆廁所?預計下年3月推出,記住留意返!

Read more ›

【連環圖】兇殘獅子另一面    親子圖超有愛Twitter熱傳

【連環圖】兇殘獅子另一面 親子圖超有愛Twitter熱傳

獅子雖然係好兇殘嘅動物,但係對住自己嘅子女就好有愛。最近有日本網民分享咗幾張相,睇見大獅子用口擔住隻小獅子嘅後頸位置,而隻小獅子就放鬆晒好hea好可愛,臨尾嗰張隻大獅子仲好似擔錯咗位置‥‥‥

Read more ›
日本網民「乾衣機」慘案 獅子長毛頭變爆炸頭

日本網民「乾衣機」慘案 獅子長毛頭變爆炸頭

有用過乾衣機就知好易出事,例如啲衫會縮到好細,又或者好似呢隻公仔咁。有日本網民放咗隻獅子毛公仔入乾衣機,點知一條條金色頭髮,竟然鬈埋一齊變咗爆炸裝,雖然無奈但又超可愛!

Read more ›
日本動物園獅子「淑女的微笑」 笑到心都寒埋

日本動物園獅子「淑女的微笑」 笑到心都寒埋

真係笑到個心都寒埋呀。日本有網民去咗動物園影獅子,唔知係咪訓練有素,隻獅子居然向佢展示出淑女的微笑!頭側側笑晒口,好恐怖呀!事發地點喺豊橋総合動植物公園,去開附近可以探吓呢隻「友善」嘅小動物。入嚟睇埋另一張相,仲恐怖。

Read more ›
【圖集】超可愛變裝喵星人 cosplay獅子零違和

【圖集】超可愛變裝喵星人 cosplay獅子零違和

今次呢隻喵星人都算揚威海外嘞,內地有網民養咗3隻可愛喵星人,好似其他貓奴一樣,佢都經常幫屋企啲喵變裝,最近呢輯獅子裝就喺網上熱傳,仲吸引到日本網民放上Twitter。日本網民都大讚可愛,仲貼咗好多得意圖回應。睇返呢隻喵嘅微博,原來佢嘅轉裝密度好高,每個造型都好可愛,入嚟有回帶。

Read more ›
日本喵星人搶鏡成功      挑戰獅子豹哥Twitter熱傳

日本喵星人搶鏡成功 挑戰獅子豹哥Twitter熱傳

喵星人最叻搶鏡,好似呢隻日本喵星人就揀啱時間,喺電視播緊獅子、豹嘅時候企喺電視機前面,個樣仲蠢蠢哋。好彩係電視咋,如果係現實真係命仔都無埋。地球好危險,你哋都係返返去自己星球啦。

Read more ›

【新片速報】日本動物園獅子「放工後」  hea玩傳球好和平

【新片速報】日本動物園獅子「放工後」 hea玩傳球好和平

我哋收咗工會去食吓飯打吓牌,咁動物園入面嘅獅子收咗工有咩玩?有閉路電視影到佢哋不為人知嘅一面,原來佢哋夜晚會玩傳波,而且姿勢勁hea,你推過嚟我又推返過去,前腳掂唔到咩?用後腳伸兩伸囉。玩時仲反晒肚零戒備心,好好笑,難怪段片喺Twitter火速熱傳。睇嚟呢間動物園應該好食好住,連獅子都養馴埋。

Read more ›
日本網民亂發Twitter被捕 訛稱熊本地震有獅子走失

日本網民亂發Twitter被捕 訛稱熊本地震有獅子走失

  喺網上世界亂發訊息被捕?日本呢位20歲嘅網民佐藤一輝最近正式被起訴,佢涉嫌喺熊本地震時喺Twitter發放假訊息,話附近動物園嘅獅子逃走咗,之後好多人信以為真喺網上瘋傳。今次係日本首宗因為「災害時期造謠妨礙業務」而起訴網民嘅個案。疑犯就話自己只係因為貪玩而咁做。網民一面倒唔撐佢,但就問其實佢妨礙咗邊個業務?其實當日佢發放訊息後,附近水前寺嘅動植物園同警局收到過百個電話,喺災難發生時仲要應付呢啲謠言,的確唔啱。

Read more ›
【圖集】暖男邀請動物影selfie 最後目標係「獅子」

【圖集】暖男邀請動物影selfie 最後目標係「獅子」

一般人影selfie(自拍)都係影吓自己,最多影埋身邊嘅朋友。不過呢位29歲嘅愛爾蘭攝影師Allan Dixon就有啲唔同,因為佢嘅自拍對像係唔同品種嘅動物。每當佢去到唔同地方,就會邀請班動物一齊selfie,仲結集出咗個系列叫「real-life Dr. Dolittle」,有啲動物我都噏唔出名,只係知道佢哋全部都好可愛,而Allan話嚟緊最想同佢selfie嘅係獅子,不過佢都好驚嗰張相將會係佢最後一張selfie…..

Read more ›
【有片】獅子原來好可愛 見番養育者狂攬狂錫

【有片】獅子原來好可愛 見番養育者狂攬狂錫

天生嘅野性到底馴唔馴服到呢?真係好難講,不過睇呢條片,就知獅子原來可以同人類做好朋友,至少呢一刻係。呢隻「Kiara」係呢個專喺惡劣生活環境中拯救獅子、老虎、豹出嚟嘅墨西哥組織其中一隻獅子女,片段中佢就見番養育佢嘅呢位「養父」Adolfo,似唔似你屋企隻貓……唔係喎,好似似狗狗多啲喎。

Read more ›
【連環圖】非洲獅子落難     比水牛圍爬樹避難好失威

【連環圖】非洲獅子落難 比水牛圍爬樹避難好失威

估唔到平日貴為萬獸之王嘅獅子都有走佬嘅一日,呢幾張連環圖好珍貴,喺肯亞嘅馬賽馬克拍攝,63歲嘅退伍軍人Charles Comyn影倒平日蝦蝦霸霸嘅獅子,居然比一班水牛圍攻,最後走投無路要爬上樹避風頭,但班水牛無放過佢,繼續喺樹下等,隻獅子頂唔住越跣越低,最後千鈞一髮間,獅子使出最後一招 ─ 走為上著。堂堂大佬,都有落難一日。BTW,睇見獅子爬樹,我覺得其實佢都幾得意,仲有啲似貓添。 

Read more ›

動物世界秩序瓦解       獅子唔食狗/ 老虎猩猩攬埋一嚿

動物世界秩序瓦解 獅子唔食狗/ 老虎猩猩攬埋一嚿

原來,大自然好多唔同種類嘅動物居然可以和平共處,網上搜羅咗大量珍貴圖片,貓同狐狸可以玩到反肚、公雞會呵護狗仔、猩猩會攬住隻老虎仔、獅子同狗都可以互相照顧,好溫馨。所以幾時都話,弱肉強食呢方面人類最叻。

Read more ›
【有片】絕無CG 南非動物專家 野生獅子踢足球

【有片】絕無CG 南非動物專家 野生獅子踢足球

呢位Kevin Richardson係喺南非做動物行為研究嘅專家,出名同班野生獅子好Friend,又攬又錫都係等閒事。早半個月佢就出咗一條片,名為「A world’s first: Kevin Richardson playing football with wild lions 」,兩分幾鐘見到佢同班獅子踢波,係一班!唔係一隻……唔知如果佢唔小心一腳省埋獅子王度會點呢?

Read more ›
新片速報 玩到發惡 遙控車又影肯亞獅子仔

新片速報 玩到發惡 遙控車又影肯亞獅子仔

之前都有條係紐西蘭攝影師Chris McLennan將部Nikon D800E相機set入遙控車Car-L入面,再喺非洲影獅子。今次就係Chris Bray,佢用嘅係GoPro,裝咗喺遙控車上面影肯亞嘅獅子仔。獅子仔好好奇咁行埋去,用兩隻手仔去玩吓,之後又發吓惡兇吓部機咁,冇乜特別,放假睇吓幾可愛咁囉,洗滌吓心靈囉……

Read more ›
新片速報   近鏡影獅子  四驅車配Nikon機

新片速報 近鏡影獅子 四驅車配Nikon機

呢條片好犀利,放上YouTube一星期左右已經有超過300萬點擊,影片睇倒紐西蘭攝影師Chris McLennan將部Nikon D800E相機set入遙控車Car-L入面,然後用架車引班非洲獅子埋身影佢哋嘅近鏡相。原來獅子嘅好奇心好重,而且佔有慾都好強,因為其中一隻獅子一嘢咬走咗部四驅車,好彩雖然架車唔郁得,但係部相機完好無缺,於是就見倒呢批好靚嘅獅子近鏡相。Chris仲喺影片教路要先將鏡頭focus喺一米左右嘅位置,再配細光圈。雖然我哋無機會影獅子,都可以用嚟影吓屋企隻百厭貓嘅。

Read more ›