有片 紐西蘭狗司機真駕駛 識入波控軚!

之前香港有個傻爸爸將自己個BB駕駛真車嘅短片放上YouTube,比人鬧爆之餘仲惹埋官非,咁如果主角由BB變做狗仔呢?好彩,今次駕駛啫係受訓過嘅狗仔,唔係講笑,有片睇倒,真係識入波識控制軚盤,睇到我口都擘大埋。呢3個狗司機由紐西蘭一個愛護動物機構SPCA負責培訓,用咗幾個星期,教曉狗仔駕駛技能,目的?佢哋想話比多啲人類知,狗係好聰明嘅動物,希望更多人收養被遺棄嘅狗仔。好感人,亦都好刺激,12月10日仲會有直播繼續追踪呢3隻狗仔考牌實錄,認真獵奇!

Read more ›