Post Tagged with: "狗仔"

【新片速報】狗仔剪指甲擺尾 貓仔誤會係玩具狂玩
by / on 24/06/2019 at 7:53 am

【新片速報】狗仔剪指甲擺尾 貓仔誤會係玩具狂玩

喵星人出名貪玩,特別係貓仔,最近日本Twitter熱傳呢段片好好笑。主人幫隻狗仔剪指甲,可能太開心,隻狗仔條尾不斷擺,而企喺下面隻貓仔就以為同佢玩緊,不斷用手拍打條隻狗仔條尾,超搞笑!入嚟有片睇。

Read more ›

【有片】日本2個月大雪橇仔學跑步 超可愛影片Twitter熱傳
by / on 17/05/2019 at 7:00 am

【有片】日本2個月大雪橇仔學跑步 超可愛影片Twitter熱傳

出世無耐嘅狗仔真係超可愛,日本最近熱傳呢段片,有幾隻出世2個月嘅雪橇狗仔一齊出街散步,睇片見佢哋似乎啱啱學跑,跑得唔係太穩,扽扽吓超可愛!樓主話佢哋2個月大已經重10kg,睇嚟將會好快變大隻嘞!入嚟有片睇,超治癒。

Read more ›
【有片】日本狗仔超似「熊」 經常被誤會Twitter熱傳
by / on 16/01/2019 at 7:40 am

【有片】日本狗仔超似「熊」 經常被誤會Twitter熱傳

係熊定係狗?呢位日本主人經常都俾鄰居問佢呢個問題,令佢好無奈。咁又難怪嘅,隻狗個樣真係超似一隻迷你熊,特別係瞓著咗嘅時候,咦,點解個枕頭係熊大嚟嘅?入嚟仲有片睇,超可愛!

Read more ›
有片:狗仔身陷瀝青等死 有心人救番大團圓結局
by / on 17/12/2017 at 5:17 pm

有片:狗仔身陷瀝青等死 有心人救番大團圓結局

三隻初生小狗唔知因為乜原因,走咗入瀝青路,未完全凝固嘅瀝青變成致命陷阱,將佢哋半身漿住,動彈不得等死,只能發出悽厲慘叫聲。好彩,有人發現佢哋,但要救佢哋都好花難度,要成塊瀝青剷起送返機構,再經過無數次毛髮清洗,三隻小狗先回復本來面貌。最美滿嘅係,連狗媽媽最後都搵番,大團圓結局。細心留意,成條片有三兩個Shot係特別感人嘅,女醫護人員無懼瀝青嘅污糟邋遢,親吻小狗以示安慰,我覺得佢哋頭頂有光環,好靚。

Read more ›
有片:狗仔都有汽車安全帶 坐後排好安全
by / on 25/11/2017 at 8:00 am

有片:狗仔都有汽車安全帶 坐後排好安全

呢條汽車用安全帶叫Rocketeer Pack,係專For寵物狗仔用嘅,已經通過撞擊測試,最盡25磅重汪星人適用。使用方法好簡單,將安全帶緊緊綁喺後排座位之上,汪星人有背靠,就唔會左右吊吊揈。Touchwood真係炒車的話,狗仔唔會因為猛烈撞擊拋出車外,狗奴們可以諗諗。

Read more ›
【連環圖】阿部寛都賣萌      可愛狗仔捐褲浪Twitter熱傳
by / on 07/02/2017 at 7:20 am

【連環圖】阿部寛都賣萌 可愛狗仔捐褲浪Twitter熱傳

阿部寛又高大又有男人味,好難同個「萌」字連上關係喎。不過噚日有網民就cap咗電視節目嘅圖上Twitter,將阿部寛極萌嘅一面顯露出嚟。當時阿部寛抱住一隻出世唔夠一個月嘅老虎狗仔,大大隻嘅阿部寛表現得好緊張,之後隻狗仔仲捐入佢嘅褲浪,阿部寛即刻捉返佢出嚟,仲忍唔住好開心咁笑咗出嚟。幾張連環圖喺Twitter好多人分享,講真真係幾可愛嘅,我指隻狗仔同阿部寛。

Read more ›

狗仔都勾唔爛 日本神奇絲襪廣告吸引
by / on 04/10/2016 at 7:12 am

狗仔都勾唔爛 日本神奇絲襪廣告吸引

日本似乎係個出產絲襪嘅好地方,聽聞好多女用家都會專程去日本掃貨。如果去開,下次可以買埋呢款最近喺Twitter熱傳嘅自由自在絲襪。睇相都知佢哋強調勾極都唔會穿窿,你睇隻狗仔幾曳!1對賣1274円,計落又唔算太貴,大前題係佢真係要勾極唔爛。

Read more ›
真心型!狗仔耳塞左耳入右耳出!
by / on 22/02/2016 at 4:45 pm

真心型!狗仔耳塞左耳入右耳出!

使唔使咁招積?呢個由日本品牌Koncent推出嘅狗仔耳塞係好搶收視嘅,左耳入右耳出,一耳露頭一耳藏尾。覺得環境好嘈咩?搭車想靜靜哋恰吓咩?想表態唔聽啲都唔想聽嘅說話咩?塞隻狗仔入耳搞掂。帶出街肯肯定人人都睥住你,我都好想買嚟玩吓,紅黃藍灰白五色選擇,每個1296日圓,抵玩。

Read more ›
騎呢玩具扭蛋    狗仔射尿
by / on 04/03/2014 at 7:03 am

騎呢玩具扭蛋 狗仔射尿

日本玩具商奇譚クラブ嘅玩具一向有創意夠古怪,啱啱公佈嘅呢套狗仔玩具扭蛋,賣點居然係狗仔射尿嘅趣怪動作!總共有8款狗狗再加一個隱藏款,6月底發售,開價200円。雖然平時好鐘意狗,但係對於射尿動作我唔係太接受倒,你點睇?

Read more ›
萌爆狗狗   潛水吹泡泡出年曆
by / on 12/01/2014 at 2:29 pm

萌爆狗狗 潛水吹泡泡出年曆

有個識影相嘅阿爸真係好重要o架!好似今個星期介紹嘅呢隻得意松鼠狗仔Flint the Pomeranian ,老豆係攝影師Robin Yu,經常幫佢影靚相拍靚片,一時潛水一時吹泡泡,仲學人搽脣膏賣萌。佢social好叻,有Facebook、Flickr同埋個人網頁,威過我同你。最近仲出埋2014年年曆搵銀,狗奴係時候出動喇。

Read more ›
狗仔扮熱狗   德國啤酒節cosplay賽跑
by / on 17/10/2013 at 7:47 am

狗仔扮熱狗 德國啤酒節cosplay賽跑

話咁快又到德國啤酒節,香港呢邊10月25日開始有得飲,原產地德國嗰個就月底開始,每年都吸引超過6百萬人去狂歡。除咗人有得玩餐飽,狗仔都有份參與,唔係飲酒,而係打扮成一條熱狗賽跑,呢個比賽已經舉行咗幾年,狗仔可以揀黃芥末或者茄汁款式嘅熱狗裝扮,主人開心,狗仔就‥‥‥比賽吸引倒過百隻狗仔落場跑,咁跑贏咗有無啤酒飲o架?

Read more ›

狗仔如廁訓練器    自動供應零食獎勵
by / on 25/08/2013 at 7:18 am

狗仔如廁訓練器 自動供應零食獎勵

細細過老師已經教我哋做功課唔可以假手於人,其實教狗仔都係一樣,所以我對呢款狗仔便便訓練器有啲保留。話說正方形嘅尿墊下有感應器,當狗狗喺上面如廁後,旁邊嘅食物器就會跌一嚿零食出嚟,用嚟獎勵佢,久而久之,狗仔就會習慣喺上面如廁,咁我又有疑問喇,如果第時如廁後無零食佢會唔會亂屙發洩㗎?其實,而家好多人類成日喺香港嘅大街大巷亂屙,旺區或者地鐵站裝會唔會考慮裝返個呢…….

Read more ›
有片   狗仔做老臨推骨牌    YouTube破二百萬點擊
by / on 30/07/2013 at 9:30 am

有片 狗仔做老臨推骨牌 YouTube破二百萬點擊

外國人好鍾意設計骨牌再拍埋片放上網,不過今次推骨牌嘅主角係一班狗仔臨記,影片由一隻曳狗咬波開始,越玩越大陣仗,最後搞到好難收科。可能機關實在太完美,班狗仔又太得意,影片唔夠一個月已經有二百萬點擊,最開心應該係贊助拍片嘅狗糧品牌Beneful,全程都見倒佢嘅食物,今次廣告費認真抵比。

Read more ›
狗仔變流動WiFi熱點    登記人數激增
by / on 07/06/2013 at 7:04 am

狗仔變流動WiFi熱點 登記人數激增

香港人多數手機有無限上網,好少用流動WiFi服務,不過最近泰國電訊Dtac就力推流動WiFi,hotspot接收點唔係電話亭,而係一隻隻好可愛嘅狗仔。呢班穿著職員嘅狗職員出現係泰國街頭巷尾,只要靠近佢就可以免費取得WiFi服務。呢個宣傳手法好成功,超過50萬人影相放上網分享,仲多咗一萬人登記Dtac嘅服務。愛狗之人一致激賞,不過我好好奇狗狗有無人工收,有無最低工資,大熱天時,點都要請佢食返杯雪糕補數喎。

Read more ›
有片   Bandai 電子狗    桃紅新色氹女友
by / on 18/03/2013 at 7:46 am

有片 Bandai 電子狗 桃紅新色氹女友

早前Bandai推出名為TechPet嘅iPhone狗仔,玩法似他媽哥池,不過iPhone屏幕會變為狗仔臉部表情。估計呢隻狗仔應該賣得唔錯,因為Bandai今年會推出粉紅新色。狗仔識搖頭擺尾,要餵食、陪佢玩,當真寵物咁養,而且識聽簡單語音指令,開價港幣$450左右,買嚟氹小朋友或者你屋企個女朋友bb都唔錯,但大前提你要有部後備iPhone電話,如果唔係咪無得同時玩WhatsApp或者Candy Crush?

Read more ›