fbpx

Tag: 牛佬

牛佬+倫裕國變身人形紙牌 左右門神坐鎮古惑仔冰室

牛佬+倫裕國變身人形紙牌 左右門神坐鎮古惑仔冰室

喂,由今日開始,牛佬同倫裕國會長駐「有情歲月古惑仔漫畫主題冰室」呀,開心嘛?不過唔該留意番,人形紙牌而已,左右門神般戙企餐聽門口,大家經過老尖就去打番個卡喇。話時話,牛佬3月頭交代過話遲啲會推出番《古惑仔》復刻珍藏版(十九),到家陣都仲係無影,幾時找數先?我等得好辛苦呀喂。

Read more ›

牛佬+倫裕國撐檯腳 古惑仔冰室見Fans

牛佬+倫裕國撐檯腳 古惑仔冰室見Fans

奉牛佬諭,如果聽晚(3月24日)有空又或者咁啱得咁蹺行開老尖,不妨上「有情歲月古惑仔漫畫主題冰室」食個美味Dinner,事關7:00pm咁上下時間,佢會同倫裕國會上去撐檯腳,順便同Fans們見吓面影吓相吹吓水。約定你喇,報告完畢。

Read more ›
牛佬駐場古惑仔漫畫主題冰室 歡迎吹水飲杯嘢

牛佬駐場古惑仔漫畫主題冰室 歡迎吹水飲杯嘢

「友情歲月古惑仔漫畫主題冰室」已經開張咗成個禮拜,去朝聖未呀?有心唔怕遲,更好消息係,牛佬剛剛喺面書開Post,話今晚(3月5日)同聽晚(3月6日)大概7:00pm咁上下,會駐場「飲吓嘢」同大家打個招呼,有興趣可以上去搵佢吹吓水影吓水,攞埋舊書搵佢簽名都仲得,得咗。

Read more ›
多謝牛佬!延續《古惑仔》復刻珍藏版!

多謝牛佬!延續《古惑仔》復刻珍藏版!

好咯,咁先係路吖嘛,想當日話唔出就唔出,我都不知幾Hurt,依家一天都光晒了。多謝牛佬,佢剛剛喺面書出Post,話「延續未完的故事!洪興史上最轟烈的一役」,打算出番《古惑仔》復刻珍藏版(十九),即〈洪興八壯士篇〉第10期,兼隨書附送禮物,叫大家密切留意出版日期同銷售方式。Happy!不過我好貪心的,希望牛佬可以出到第2335期大結局為止。

Read more ›
捧牛佬場打卡 古惑仔漫畫主題冰室周六開張

捧牛佬場打卡 古惑仔漫畫主題冰室周六開張

嗱嗱嗱,牛佬Fans有必要呢個禮拜六出老尖行一趟嘞,事關古惑仔漫畫主題冰室正式開張,希望到時牛佬同倫裕國會在場喇,可以搵佢哋影番張相就Happy咯。唔知啲裝修點呢?會唔會貼到四面牆都係《古惑仔》彩稿Or原稿呢?唔知有無精品賣呢?唔知啲菜式名重唔重古惑味呢?真心Mode極期待。

Read more ›
HKMB x《古惑仔》口罩 有陳浩南+太子+山雞+立花正仁+大飛五款

HKMB x《古惑仔》口罩 有陳浩南+太子+山雞+立花正仁+大飛五款

繼同玉皇朝聯乘後,HKMB再同牛佬合作推出《古惑仔》口罩,每盒$68。30片獨立包裝,內有陳浩南、太子、山雞、立花正仁同大飛五個款式。牛佬已經退出港漫界,口罩會唔會係最後的《古惑仔》精品?點都好,唔係貴,都會買番盒珍藏吓嘅。至於真正戴出街咯喎,嗯……都係要認真諗清楚先。

Read more ›

幫牛佬《古惑仔》主題冰室諗餸名 細細粒一口牛+陳浩南乳燜豬手有無得諗?

幫牛佬《古惑仔》主題冰室諗餸名 細細粒一口牛+陳浩南乳燜豬手有無得諗?

大約喺上年12月中,網上已經流傳牛佬會開《古惑仔》主題餐廳,仲有網民影埋相掟上網添。一路未知消息堅定流,到今日終於Sure咗嘞,牛佬確係開冰室,並喺面書開Post公開徵詢Fans意見,叫大家發揮創意,就住《古惑仔》漫畫內容同人物諗餸名喎。咁就Easy喇,來,我先,嗯,細細粒一口牛、立花正杏仁露、陳浩南乳燜豬手、洪興東英炒飯即係鴛鴦炒飯,得唔得先?

Read more ›
牛佬99.999999%退休 一個時代的終結

牛佬99.999999%退休 一個時代的終結

一個時代的終結,完結《龍虎門外傳慈雲山七鷹》後,牛佬正式宣佈退下來了,佢喺書末咁寫:「牛佬、倫裕國同埋陳科琳嘅鐵三角陣容,終於完結嘞!日後大家係咪依然拍住上,抑或各自尋找方向,要睇緣份嘞!緣來就聚,倘若東鳥西飛,南麟北走,咁就誠心盼望,多年以後,各自頂峰相見啦。」雖然佢有話如果他日接到Order都會開工,但自資出版實體港漫就肯肯定無可能的了,換句話說即係99.999999%退休了。點解退?我咁諗喇,銷量固然係問題,健康亮起紅燈先係真正導火線,出入ICU喎,你估唔驚呀?就係如此這般牛佬由有心有力,到有心無力,發展到依家嘅無心無力,心力交瘁咪無力回天囉。嗱,有圖有真相,八期書有多無少,牛佬我真係撐足你架,多謝你咁多年嚟帶畀我咁多歡樂,多謝晒……死喇,講講吓我有啲眼濕濕添……

Read more ›
好Sad!牛佬《古惑仔》復刻珍藏版暫停出版!

好Sad!牛佬《古惑仔》復刻珍藏版暫停出版!

吓?唔怪得上個禮拜書報攤唔見有《古惑仔》復刻珍藏版喇,剛剛瀏覽面書專頁「古惑仔合訂本」先知原來停刊,個Post咁講:「暫停啓事︰因人手不足,《古惑仔》復刻珍藏本19洪興八壯士暫停出版,直至另行通知,特此致歉!」唉,連珍藏版都唔出,看來牛佬真係打算退出港漫界了。好Sad,故事仲講緊擂台戰太子打地中海,未打完架,家陣出到第九期話斬就斬,咁好無癮喎。牛佬,我期期都買足架,拜托出晒〈洪興八壯士篇〉先腰斬得唔得呀?

Read more ›
牛佬《龍虎門外傳慈雲山七鷹》小Bug 三鷹嗌錯「老大」

牛佬《龍虎門外傳慈雲山七鷹》小Bug 三鷹嗌錯「老大」

繼續開心地撐牛佬《龍虎門外傳慈雲山七鷹》,不過今期有個小Bug,有幾格睇到我一頭霧水。話說龍虎三皇打完劫押餓鷹返竇口,撞到無影鷹同瘋鷹捉棋,期間三隻鷹互相稱呼大家為「老大」,呢個位應該出錯了,因為早兩期已經交代過七鷹排名,老大係大鷹王、餓鷹排第七、無影鷹係老六,瘋鷹係老四。另,我覺得七鷹裡面,最搶眼嘅係瘋鷹,早兩期唔夠人打已經自己打到自己腫口腫面,今期更加因為受三皇挑撥離間,出盡全力打餓鷹。瘋鷹的確係「瘋」,連自己友都打,癲癲哋嘅,人物性格好突出,牛佬更特登用Q版交代,幾好笑。

Read more ›
牛佬《龍虎門外傳慈雲山七鷹》第四期 王小虎陀槍打劫銀行

牛佬《龍虎門外傳慈雲山七鷹》第四期 王小虎陀槍打劫銀行

撐足咁多期《龍虎門外傳慈雲山七鷹》,故事套路就大概都估到個八九不離十,最令我驚喜嘅反而係每期封面。嚟緊周六出版嘅第四期封面,我又覺得好正斗喇,以白色做主調色已經少見,以大疊飛來飛去嘅銀紙殘影作點綴,點題番今期書名〈三皇打劫銀行〉,最過癮就梗係王小虎陀場槍喇。喺舊著《龍虎門》裡面,如果無記錯的話,小虎甚少用兵器,頂盡見過佢揸寶劍無兩嘢,揸槍真係未見過。好期待小虎揸住槍指喝銀行職員嗌:「咪郁!打劫!攞晒啲錢出嚟!」呢個畫面應該幾搞笑。

Read more ›

牛佬《龍虎門外傳慈雲山七鷹》第二期封面似貼紙

牛佬《龍虎門外傳慈雲山七鷹》第二期封面似貼紙

大家有無撐牛佬呀?As佢忠心Fans,我當然有買《龍虎門外傳慈雲山七鷹》,而聽日出版嘅第二期封面,我覺得仲靚過創刊號。大黃底色勁搶眼,簡簡單單一條龍襯托王小虎出招,構圖簡單得嚟有氣勢,有幾分似家陣隨《復刻龍虎門》奉送嘅貼紙味道,唔知大家Like唔Like?聽日記得買書呀喂。

Read more ›
牛佬事先張揚 《龍虎門外傳慈雲山七鷹》係最後實體書作品?

牛佬事先張揚 《龍虎門外傳慈雲山七鷹》係最後實體書作品?

睇咗《龍虎門外傳慈雲山七鷹》未?我睇咗了,整體感覺算唔錯嘅,劇情都係意料之內喇,三皇四小將面相可接受,係著工人褲嘅光頭星太似翻版《古惑仔》大頭仔啫,希望之後多啲拆招式格鬥場面就Very Good了。對比故事發展,我比較Care嘅係牛佬喺書末咁話:「係呀──呢套《龍虎門外傳》之『慈雲山七鷹』九成九係牛佬最後嘅實體作品,有勞大家支持嘞。」吓?最後?即係之後唔再推出薄裝港漫,一心一意發展網上作品?唔好喇。苟如是,我會好好好好好Sad。

Read more ›
牛佬《龍虎門外傳慈雲山七鷹》$23 10月24日見街

牛佬《龍虎門外傳慈雲山七鷹》$23 10月24日見街

很開心,終於有正式廣告喇,牛佬《龍虎門外傳慈雲山七鷹》鐵定10月24日創刊喇,封面理所當然地以三皇掛帥,三皇面相又好合理地有絲絲古惑仔味,左下角個牛佬Logo又係盞鬼啫。另,留意番,創刊號減咗兩大元,售$23。雖則只暫定八期,但真心Mode希牛佬長寫長有,請大家多多支持。

Read more ›
《古惑仔》版權唔屬於牛佬? 《龍虎門外傳》暫定八期完

《古惑仔》版權唔屬於牛佬? 《龍虎門外傳》暫定八期完

完了,《勝利人生李浩東》去到第11期正式完結,雖然落雨收柴,但總算有頭有尾。值得一提嘅係今期專欄「牛佬的話」,佢解釋點解重啟《古惑仔2.0》不可行,「……再寫《古惑仔2》,好難好過原有嘅銷路!」呢個Point好易理解,但之後佢補多句:「…….再講,《古惑仔》嘅版權出咗少少問題,唔放手唔得架嘞……」吓?《古惑仔》版權唔係百分百屬於牛佬嘅咩?有甚麼難言之隱呢,我唔係好明。另,嚟緊推出嘅《龍虎門外傳》,牛佬暫定用八期篇幅講慈雲山七鷹,即係話屬短篇。都支持嘅,只要寫得好,短一樣有短嘅好睇,到時做出口碑咯,咪再出荃灣十五狼、觀塘十一邪、柴灣七鱷囉。牛佬,加油呀,支持!

Read more ›