fbpx

Tag:

【有片】日本喵星人同牛牛「撞樣」   誤認同類表現太熱情

【有片】日本喵星人同牛牛「撞樣」 誤認同類表現太熱情

相信唔單止隻牛,我哋都好易搞錯,日本有網民喺Twitter分享咗段片,隻黑白色貓走咗入農場,仲遇到兩隻好熱情,同佢顏色一模一樣嘅牛牛。熱情嘅牛牛不停用個鼻撞佢,似乎誤會咗係自己同類喎。最終隻喵頂唔順,邊叫邊走咗去,好搞笑,入嚟有片睇。睇返呢個牧場原來養咗好多牛牛同貓,鍾意嘅記住follow埋佢嘅Twitter嘞。

Read more ›

【有片】日本UFO吸牛毛氈 著上身戴埋飛碟頭

【有片】日本UFO吸牛毛氈 著上身戴埋飛碟頭

真係好威,即係冬天就算喺屋企你都可能會有啲凍,想披番條毛氈,咁如果可以著埋上身就更方便,再如果啲圖案靚啲,係咪會再開心啲呀?我唔敢話呢個圖案好靚,不過就好奇妙,呢條「着る毛布」以UFO吸牛呢個經典外星人入侵地球場面做主題,唔用嘅時候仲可以變隻成功捉咗隻牛嘅飛碟當Cushion用。Felissimo推出,8,200円,睇埋條片你就知佢癲得好交關。

Read more ›
日本玩具解剖可愛牛仔   食燒肉前學習部份名稱

日本玩具解剖可愛牛仔 食燒肉前學習部份名稱

有時日本人嘅邏輯有啲難明,最經典例子係燒肉店會用隻好可愛嘅牛公仔嚟做吉祥物,睇完點忍心食?今次呢個係認識燒肉嘅拼圖「一頭買い!特選焼肉パズル-ウシ-」,由日本玩具公司MEGAHOUSE推出,一隻好可愛嘅牛公仔,每個部份都有特定嘅名,等你可以好似砌圖咁砌返入去,同時學習每個部位嘅名稱,下次去燒肉店就知道點嗌嘞。另外每個部份嘅砌圖拎上手仲會變色,做到好似燒肉由生到熟嘅效果,係咪好奇妙?

Read more ›
驚險新片 搞嘢牛衝出馬路 好彩撞完冇事

驚險新片 搞嘢牛衝出馬路 好彩撞完冇事

其實今次唔可以怪個駕駛者,佢唔算開得快,見到都即時煞車,好彩嘅係隻牛只係被撞到跌低,即刻就企番起身行得走得,執番身彩。但係我唔明喇,搞嘢就搞嘢啦,點解要一路行一路搞?仲要急步衝出馬路?唔通佢唔係自願?另有內情?仲有,部汽車黑盒顯示係2025年,唔通又係時門旅行?好吊詭。

Read more ›