Post Tagged with: "爹哋"

【圖集】日本超強爹哋 用囡囡畫作設計便當
by / on 25/05/2018 at 7:56 am

【圖集】日本超強爹哋 用囡囡畫作設計便當

之前都有外國爹哋幫仔仔嘅畫作加兩筆變神作,今次日本呢位爹哋都超強,用囡囡嘅畫作做便當嘅設計藍圖,全部都好正好可愛,除咗呢啲小朋友畫作系列之外,佢都會自己設計不同嘅小朋友便當,超高質,入嚟有回帶。

Read more ›

比錢女兒新玩法 外國爹哋屋企角落暗藏現金
by / on 03/02/2018 at 4:04 pm

比錢女兒新玩法 外國爹哋屋企角落暗藏現金

外國呢位爹哋好有心思,唔單止成日俾錢個女駛,仲會每次都收埋喺唔同位置,等佢自己尋寶!尋到之後就會再收埋喺下一個地方,作為一個親子活動,實在好有心思同愛呀!呀囡仲放咗佢同爹哋喺手機上嘅對話上網分享,睇到都覺得超sweet。快啲分享去屋企人個whatsapp group啦。

Read more ›
【I Am Your Son】木工爹哋製作1:1仔仔木雕    黑武士淪陷
by / on 17/05/2017 at 7:39 am

【I Am Your Son】木工爹哋製作1:1仔仔木雕 黑武士淪陷

外國嘅爹哋似乎特別多才多藝,呢位Dan Lefebvre精通雕刻,最近佢就跟住佢4歲仔仔嘅身體,雕咗個1:1嘅木像出嚟,但係點解係黑武士嘅樣呢?原來佢個仔好鍾意星戰,屋企仲有個黑武士面罩俾佢戴嚟玩,所以就有咁嘅概念嘞。不過堂堂一個黑武士,變咗小朋友身,仲要踎喺度,真係一啲霸氣都無。

Read more ›
50米長飲管慶生 創意爹哋自製生日禮物氹囡囡
by / on 02/08/2015 at 12:23 pm

50米長飲管慶生 創意爹哋自製生日禮物氹囡囡

而家啲小朋友好誇張,100日又要擺酒,生日又要搞party,其實簡簡單單慶祝都可以好開心嘅。好似外國呢位阿爸,就喺阿囡5歲生日時,用飲管砌咗個長達50米嘅裝置,由地下延伸到花園,中間仲有Happy Birthday幾隻字。成件事都係趁阿囡喺花園瞓緊覺時整嘅,阿囡起身時嘗試飲嘢,點知要飲咁耐嘅?原來支飲品足足隔50米遠,好新奇,阿囡仲好開心咁同爸爸一齊拆返啲飲管,所以話,花少少心思,比起送玩具搞party仲sweet啦,雖然我覺得似係阿爸自己想玩多啲。

Read more ›
沖涼都cosplay   慈父cos不同造型陪女女沖涼
by / on 30/07/2014 at 7:53 am

沖涼都cosplay 慈父cos不同造型陪女女沖涼

沖涼係好好嘅親子活動,日本呢位阿爸仲有諗頭,每次同囡囡浸浴前,都諗定一個特別造型,cos住沖。雖然佢唔係扮得好神似,不過勝在夠用心。好似扮拉長咗臉嘅《多啦A夢》,唔止有樣,仲有埋竹蜻蜓同埋掛住噹噹嘅頸圈。其餘經典人物仲有《星戰》嘅C-3PO、中國殭屍(!)都有份),至於囡囡驚唔驚?貼住符等佢唔郁得先穩陣喎。

Read more ›
遊戲過關圖賀B仔1歲生日     機迷爹哋乜機都打
by / on 12/01/2014 at 11:17 am

遊戲過關圖賀B仔1歲生日 機迷爹哋乜機都打

呢個B好威水,生日唔係收一般生日咭,而係有打機圖話佢「LEVEL UP」過咗第一關!呢輯咁特別嘅生日賀咭,係由佢嘅機迷爹哋Ben Stirling製作,有齊Mario Kart、Mass Effect、LittleBig Planet、Portal、Skyrim等等,有理由相信佢爹哋極沉迷打機,因為以上遊戲囊括晒Xbox 360、Wii同埋PlayStation,唔知佢鐘意打機多啲定同個仔玩多啲呢?

Read more ›

瞓覺神人    o靚仔隨時隨地瞓得著
by / on 05/01/2014 at 5:01 pm

瞓覺神人 o靚仔隨時隨地瞓得著

我自命瞓得,不過今次都甘拜下風!呢個o靚仔堪稱瞓覺界嘅神級高手,強項係任何時候都瞓得著: 坐喺度食食吓嘢瞓咗、玩玩吓玩具瞓咗、讀讀吓書手指指時瞓咗(呢吓好難避免)、坐喺超級市場嘅手推車上面都瞓得著!而且一門兩傑,大哥細佬一樣咁瞓得,加上睡姿奔放,睇到我都想瞓返個晏覺。全部相都係由佢哋成日玩Reddit嘅爹哋Scevans09提供,大家唔駛擔心佢哋有渴睡症,因為爹哋已經帶佢哋睇過醫生,證實只係懶瞓病,其實呢種病成年人都經常病發,尤其是夜晚唔願瞓成日上網嗰啲。

Read more ›