Post Tagged with: "爸爸"

「小新爸爸」景品Returns 兩款新造型拎玫瑰打煲呔
by / on 22/03/2019 at 7:56 am

「小新爸爸」景品Returns 兩款新造型拎玫瑰打煲呔

《蠟筆小新》爸爸野原廣志之前出嘅景品超受歡迎,最近Banpresto宣佈爸爸Returns,將會喺4月4日兒童節推出「クレヨンしんちゃん CREATOR×CREATOR -俺のフィギュア 野原ひろしRETURNS-」,今次追加咗兩款新造型,打煲呔之餘隻手仲要拎住束玫瑰,一黑一白兩個新造型,既潚酒又性感,今次仲搵咗攝影師米花裕一郎幫佢影造型照,好高質,入嚟有多啲相睇。

Read more ›

【新片速報】日本爸爸超有愛    睇特撮途中送「拉打」腰帶
by / on 01/03/2019 at 7:51 am

【新片速報】日本爸爸超有愛 睇特撮途中送「拉打」腰帶

睇完呢段片有無諗起細個呀爸呀媽買玩具俾你嘅回憶?又或者你已經做咗人父母,可以製造驚喜俾仔女?日本呢位爸爸好有愛,佢買咗條「拉打」變身腰帶送俾仔仔,仲趁佢睇緊同一套特撮片嘅時候突然送俾佢,仔仔開心到癲咗,超溫馨,入嚟有片回帶睇。

Read more ›
日本爸爸DIY「私家扶手環」 4歲仔仔搭車專用
by / on 04/02/2019 at 7:28 am

日本爸爸DIY「私家扶手環」 4歲仔仔搭車專用

搭地鐵嘅扶手環好高,有時唔好話小朋友,生得矮啲嘅女仔都握唔到。日本有位爸爸好貼心,為咗俾仔仔搭JR時都可以握實扶手,特別設計咗呢個掛腰嘅小扶手,4歲嘅仔仔身高啱啱好用到,網民睇完都大讚佢嘅設計好正,樓主仲整多三個以抽獎形式送俾網民。另外有網民發現市面上原來已經有類似嘅產品,每個賣3700円,有小朋友嘅可以考慮買返個,或者買嚟送俾你嘅哈比人朋友,入嚟有link。

Read more ›
【可憐】烏龜爸爸背負太多    日本網民分享負載圖
by / on 24/08/2018 at 7:01 am

【可憐】烏龜爸爸背負太多 日本網民分享負載圖

為人父親要背負嘅嘢實在太多嘞,最近有日本網民分享咗呢幾張圖,隻烏龜爸爸喺水池入面,隻烏龜仔就瞓咗喺佢個龜殼上面,咁爹哋背住仔仔,都好合理吖。點知轉頭有隻鴿經過,一個唔該都無,好自然就企咗喺烏龜爸爸個殼上面歇息,呢一刻隻龜爸爸應該心諗:「你班友仔俾我抖吓得唔得呀。」

Read more ›
《蠟筆小新》爸爸Figure連環圖 單手擋劍超型
by / on 09/08/2018 at 7:21 am

《蠟筆小新》爸爸Figure連環圖 單手擋劍超型

《蠟筆小新》爸爸「野原廣志」呢隻figure似乎好好玩,可塑性好高,繼早幾日輯超型嘅玩具靚相之後,呢位日本專影figure嘅網民都出手嘞。今次嘅情景係小新爸爸返屋企途中被攔途截劫,又係呢隻「山田孝之」監修嘅勇者「figmaヨシヒコ」,你睇爸爸單手擋劍幾型!個笑容同埋姿勢都好完美!

Read more ›
日本爸爸拎錯喼 開會發現入面係cosplay服
by / on 24/02/2018 at 12:13 pm

日本爸爸拎錯喼 開會發現入面係cosplay服

的確係幾尷尬嘅,日本Twitter網名@komugimaimai嘅cosplayer,佢爸爸要出trip去做presentation,將所有嘢放晒入喼,點知出發時拎錯咗呀女裝cosplay服裝個喼。最慘係佢無返酒店,直接拖喼去開會場地,然後喺眾目睽睽之下打開咗個喼‥‥‥入面有套《光之美少女》系列嘅cosplay服!如果係你你會點做?樓主無特別講明係邊個角色,不過大部份都係粉紅色,好多喱士同蝴蝶結,圖中有幾張俾大家感受吓。

Read more ›

【圖集】爸爸畫作再出動 機械人改圖變神作(4)
by / on 27/12/2017 at 7:45 am

【圖集】爸爸畫作再出動 機械人改圖變神作(4)

又係呢個非常爸爸,住喺日本嘅外國插畫家Thomas Romain最鍾意幫仔仔嘅畫作加工,無見幾個月,佢一啲都無鬆懈,繼續同仔仔創作咗大量新插畫。除咗平時成日見嘅巨型機械人之外,最近仲多咗小丑、國王之類嘅邪惡角色,全部都好正,入嚟有得睇。BTW仔仔嘅畫功真係越嚟越好呀!

Read more ›
日本廚神爸爸「炸紙鶴」     超強料理Twitter熱傳
by / on 03/09/2017 at 11:53 am

日本廚神爸爸「炸紙鶴」 超強料理Twitter熱傳

摺紙鶴好多人都識,黃日華同郭藹明都識,估唔到日本呢位爸爸都識,而且唔係摺紙鶴而係炸紙鶴。日本呢位網民返到屋企見到呢碟嘢,影相放上網後好多人RT,究竟一塊餃子皮點先可以摺到紙鶴?諗起都難,食完相信會帶嚟幸運,樓主仲話加啲鹽味道更佳。有無人想挑戰吓?

Read more ›
【相集】爸爸畫作又出動     露兩手改圖變神作
by / on 17/08/2017 at 7:06 am

【相集】爸爸畫作又出動 露兩手改圖變神作

仲記唔記得呢位超勁爸爸?住喺日本嘅外國插畫家Thomas Romain最鍾意幫仔仔嘅畫作加工,之前都介紹過佢,最近又有大量新作,而且嘗試將仔仔嘅幾張畫作合而為一再加埋場景,效果超正。無見一排,仔仔嘅畫功有明顯進步,而且對古怪機械人情有獨鍾,好多款設計都睇得出佢極有創意,睇嚟大個咗好有潛質同爸爸一樣做插畫家。

Read more ›
網圖分享:父子日常 分享爸爸的美好時光
by / on 13/06/2017 at 9:00 am

網圖分享:父子日常 分享爸爸的美好時光

就嚟父親節,介紹個面書專頁畀大家睇睇──「爸爸的美好時光」──一圖一故事,內容圍繞爸爸同子女嘅日常,全黑白,線條簡單唔花巧,加埋對白同旁白,做仔女嘅睇完應該識笑,做老豆嘅睇完應該有共鳴。係,次次阿媽話唔畀食乜食物,例如薯條,都係阿爸偷偷醒多一條半條畀我食,爸爸真係好,我愛你!

Read more ›
【洋蔥】慈父戴手畫比卡超領呔 出席仔仔高中畢業禮
by / on 06/06/2017 at 7:34 am

【洋蔥】慈父戴手畫比卡超領呔 出席仔仔高中畢業禮

係好感人嘅!外國呢位仔仔Dylan Olivo喺11年前畫咗條比卡超領呔,送咗俾爸爸做父親節禮物,估唔到嘅係,爸爸居然喺11年後出席佢嘅高中畢業典禮時戴返呢條呔!呀仔當然又驚喜又感動,件事放上Twitter後感動咗無數網民,吸引到超過40萬個like。話時話就嚟父親節,大家有無準備吓呢?

Read more ›

【係愛呀】日本兔爸爸親子連環圖 超可愛Twitter熱傳
by / on 12/05/2017 at 7:56 am

【係愛呀】日本兔爸爸親子連環圖 超可愛Twitter熱傳

係愛呀哈利!呢隻日本兔爸爸可能初為人父,所以對自己隻兔BB特別肉緊。主人發現佢周不時會走去錫自己嘅BB,又會頭撞頭好sweet。不過矇眼兔仔似乎表現得好眼瞓,定抑或佢對眼太細令人誤會咗?

Read more ›
爸爸畫作日本Twitter再熱傳      機械人改圖變神作
by / on 22/03/2017 at 7:26 am

爸爸畫作日本Twitter再熱傳 機械人改圖變神作

有個畫畫出色嘅爸爸真係好幸福!呢位住喺日本嘅呀爸Thomas Romain之前都介紹過,佢經常幫仔仔嘅畫作加工,而且完成品超靚,喺Twitter好出名。無見一排,佢繼續幫同仔仔合作畫畫,仔仔畫草圖,佢再加工,睇吓啲完成品,點解機械人都可以畫得咁靚架?BTW,佢個仔仔其實幾有創意。

Read more ›
日本Twitter熱傳爸爸畫作 露兩手改圖變神作
by / on 24/01/2017 at 7:39 am

日本Twitter熱傳爸爸畫作 露兩手改圖變神作

有個畫畫出色嘅爸爸真係好幸福,交美術堂功課肯定可以拎高分呀!呢位住喺日本嘅呀爸Thomas Romain喺Twitter好出名,佢經常幫仔仔嘅畫作加工,而且完成品超靚,最近佢又有幾款新作,全部喺Twitter都好多人RT,入嚟有回帶。BTW,作為呀仔會唔會覺得有啲壓力呢?

Read more ›
【父愛】日本網民收鄉下爸爸厚禮     風扇組裝後少咁啲嘢
by / on 07/07/2016 at 7:13 am

【父愛】日本網民收鄉下爸爸厚禮 風扇組裝後少咁啲嘢

父母嘅愛好偉大,今次日本網民嘅「勵志」故事喺Twitter好多人熱傳。話說呀仔收到爸爸喺鄉下寄嚟嘅一份禮物,原來係一把電風扇!天時暑熱真係感動到喊。不過爸爸話因為寄送嘅原因要拆件,所以叫呀仔收到後自行組裝。當呀仔流晒汗認真砌好晒所有配件後,竟然發然爸爸寄漏咗個扇葉俾佢‥‥‥咁‥‥‥唯有開住冷氣先啦。

Read more ›