Tag: 爆紅

靚仔警察網絡爆紅 粉絲代開Facebook專頁

喺網絡嘅年代,經常會有人失驚無神爆紅,之前有個外國罪犯因為靚仔紅咗,最近又有個三藩市嘅警察Chris Kohrs爆紅,佢無好勁嘅戰績,純粹捉吓偷手機賊或者準備打劫便利店嘅笨賊,紅嘅原因好簡單,兩個字:靚仔!佢一張巡鑼時被偷拍嘅相喺網上瘋傳,紅到有人幫佢開埋Facebook粉絲專頁,而家有接近四萬個粉絲,啱啱專頁管理員Nathan Tatterson同發現靚仔Chris嘅Mark Abramson仲同型警一齊合照,估唔倒全部都係仔,滲出陣陣gay味。

Read more ›

靚仔疑犯大頭相 上載fb爆紅

最近外國又有個素人突然爆紅,不過佢唔係流浪漢,而係犯人Jeremy Meeks。呢位美國男子日前因為非法藏有武器被斯托克頓警察拘捕,根據慣例,將佢嘅相連埋其他犯人嘅大頭相放上facebook,點知一舖就吸引咗幾萬個like,網民驚為天人,仲火速幫佢改圖成為各大品牌嘅模特兒。另一邊廂有人火速幫佢開埋fb戶口,仲累積咗14萬個fans,可惜唔能夠令佢甩身,監似乎都係要照坐o架喇。

Read more ›

日本霸氣貓大哥 怒啤出寫真

貓貓不嬲串串貢,不過好似呢隻經常皺住眉,十足貓版半澤直樹嘅日本霸氣貓小雪咁入戲真係好少見!佢除咗喺日本網站「いぬのきもち・ねこのきもち」有定期專欄,仲威到出埋『小雪の怒ってなどいない!!』寫真集,amazon有得賣。其實小雪係一隻8歲嘅貓女,睇相見倒佢無論瞓覺、呆坐以至食嘢都係皺住眉頭,不過可能眼圓面圓,所以一啲都唔得人驚,仲好cute,我認犯賤,我好想比佢怒啤呀!

Read more ›

肥豬Jamon網絡爆紅 榮登豬界No.1

喵同狗係網絡界最多粉絲嘅動物,不過而家佢哋有勁敵嘞,今次喺網絡大紅嘅居然係一隻肥豬仔,佢叫Jamon,喺巴西Sao Paulo居住,只得6個月大,自從主人將佢嘅得意相放上Instagram後就開始走紅,睇佢肥頭dup耳笨笨哋嘅樣,真係好想高八度大叫:「好得意呀!」 。佢而家instagram有成2萬5千個粉絲,facebook都有1萬6千粉絲,豬界嚟講應該係No.1,Justin Bieber級數。

Read more ›

新片速報 肥貓cosplay鯊魚打掃 Youtube爆紅280萬點擊

今個星期係鯊魚周,香港無乜人提,想湊吓熱鬧可以上網睇呢段肥貓Cosplay成鯊魚殺手嘅短片,短短四日已經有280萬人睇過,因為隻肥貓唔止cosplay,仲好乖咁坐上機械人吸塵機Roomba上面操控,幫主人清潔埋個廚房。我都好想有隻打扮咁得意嘅貓貓幫我清潔呀!

Read more ›