Post Tagged with: "爆紅"

「殘破巴士」原來畫出嚟    大師級Graffiti藝術家IG爆紅
by / on 14/08/2019 at 7:54 am

「殘破巴士」原來畫出嚟 大師級Graffiti藝術家IG爆紅

超勁!最近呢位葡萄牙嘅Graffiti藝術家Sergio Odeith喺網上爆紅,佢嘅破爛巴士作品喺IG放咗1日已經有超過14萬like。佢將一個白色平平無奇嘅建築物,變成一架好有立體感嘅殘舊巴士,像真度令人難以置信。睇返佢之前嘅作品,佢擅長將廢置嘅建築改裝,其中巨型昆蟲係佢好鍾意用到嘅題材,好勁。每件完成品都好有立體感,入嚟有得回帶睇返佢嘅舊作,推介。

Read more ›

【圖集】貓界Juno超有個性 獨特髮型IG爆紅
by / on 03/07/2019 at 7:49 am

【圖集】貓界Juno超有個性 獨特髮型IG爆紅

可能叫得Juno嘅都係比較有個性,呢隻Juno The Angry Cat係喜馬拉雅混種貓,天生外形已經嬲嬲哋好有個性,點知佢嘅主人仲要玩佢,經常幫佢轉造型,超正,難怪佢喺IG越嚟越紅,入嚟有多啲佢嘅生活照睇吓。

Read more ›
超強「顏藝」喵星人 中華田園大臉貓網上爆紅
by / on 07/05/2019 at 7:40 am

超強「顏藝」喵星人 中華田園大臉貓網上爆紅

呢隻住喺中國江蘇嘅喵星人最近好紅,紅到外國媒體都報導,佢有超強嘅顏藝,經常做出一啲好瘋狂嘅表情,入嚟有片有相睇,好有潛力。佢個名好簡單叫「阿肥」,係來自中國嘅中華田園大臉貓。

Read more ›
【相集】超可愛白鬍鬚喵星人 IG爆紅紳士風
by / on 04/05/2019 at 3:46 pm

【相集】超可愛白鬍鬚喵星人 IG爆紅紳士風

呢隻喵星人最近喺IG爆紅,佢嘅特點係面上有兩撇白鬍鬚,好似好認真好老成,但個樣又好天真。佢個帳戶名叫gringomoustachecat,本身係隻7歲嘅英國短毛貓,仲有個巴打Milko一齊住,生活超幸福。睇返佢嘅IG,就會發現呢兩撇白鬍鬚令佢睇落好有貴族感,十足十個紳士一樣,入嚟有得睇返佢嘅生活照,包括佢打煲呔嘅相。

Read more ›
日本爆紅貓漫畫《俺、つしま》 扭蛋玩具超可愛
by / on 30/04/2019 at 7:12 am

日本爆紅貓漫畫《俺、つしま》 扭蛋玩具超可愛

日本網絡爆紅漫畫《俺、つしま》畫出好多貓奴嘅心聲,入面隻圓碌碌嘅虎紋貓好受歡迎,扭蛋公司奇譚啱啱就為佢推出咗一式五款嘅貓奴蛋,有揸住棵蔥嘅經典造型,仲有午睡、食魚等不同造型,超正,貓奴們要儲齊一套嘞。入嚟有得Follow埋呢個爆紅漫畫嘅twitter。

Read more ›
【新片速報】全球最快7歲跑手?100米跑出13.48秒網上爆紅
by / on 14/02/2019 at 7:19 am

【新片速報】全球最快7歲跑手?100米跑出13.48秒網上爆紅

好勁!呢個來自佛羅里達州嘅7歲男仔,睇佢個樣都知係戰鬥格。呢兩日佢喺網上爆紅,因為有短片見到佢參加100米賽跑,跑出13.48秒嘅紀錄,睇片見佢一起步唔夠2秒已經遠遠拋離對手,再睇埋佢個髮型同起步嘅姿勢,簡直係下一個Usain Bolt,入嚟有片睇。

Read more ›

直播期間瞓著咗 竟然爆紅Twitch過200萬瀏覽
by / on 30/01/2019 at 7:31 am

直播期間瞓著咗 竟然爆紅Twitch過200萬瀏覽

今時今日個個都想做直播主,不過要成功唔係咁易。外國呢位36歲嘅直播主Jesse喺直播期間唔覺意瞓著咗,點知竟然因此而爆紅。本來只得唔夠1千個follower嘅佢,瞓著覺期間引咗超過200人睇佢瞓,大家一直討論唔知佢幾時起身,仲有唔少人捐錢俾佢,話其實直播主都係人都會眼瞓,最後終於等到Jesse起身,佢見到咁多人睇住自己瞓咗2個幾鐘,由驚訝到忍唔住笑咗出嚟,好真誠。段片放上Twitch而家已經超過200萬瀏覽,睇嚟未來會有好多直播主學佢表演瞓覺。

Read more ›
【新片速報】韓國YouTuber化妝片唔用真人 動畫爆紅過百萬瀏覽
by / on 23/01/2019 at 7:05 am

【新片速報】韓國YouTuber化妝片唔用真人 動畫爆紅過百萬瀏覽

網上好多教化妝嘅YouTuber,韓國尤其多,估唔到而家進化到用動畫教化妝。呢位YouTuber「LULUPANG 루루팡」所有影片都係用stop motion動畫製作,1星期前有段女仔化妝片已經有166萬瀏覽,3日前再放一段男仔版,而家已經過百萬瀏覽,睇佢化妝嘅過程就好似化真人一樣,跟住嚟做都唔難,而且前後對比極大。入嚟有片睇。

Read more ›
美國75歲貓義工 每日陪瞓摸貓網上爆紅
by / on 24/09/2018 at 7:27 am

美國75歲貓義工 每日陪瞓摸貓網上爆紅

有時做義工唔一定要好忙先得,好似外國呢位75歲嘅貓義工Terry Lauerman最近就喺網上爆紅。佢每日都會去間動物收容物摸吓貓逗留3小時左右,好多時又會瞓吓晏覺,而啲貓就會爬上佢個身度一齊瞓,超冧!收容所Safe Haven Pet Sanctuary位於威斯康辛州嘅Green Bay,之前已經將Terry定為貓義工,最近將佢嘅事蹟放上網,之後勁多人討論,仲因為咁幫收容所籌到3萬蚊美金捐款,入嚟有多啲相同回應睇。

Read more ›
【有片】網上爆紅「人臉喵」 超似人樣識做chok樣
by / on 16/07/2018 at 7:41 am

【有片】網上爆紅「人臉喵」 超似人樣識做chok樣

緬因貓出名大大隻,呢隻最近喺網上爆紅嘅更加有個特徵 ─ 超似人樣!佢個名叫Valkyrie,最近主人放佢嘅相上IG,吸引好多人討論,佢個樣就好似同人類玩咗換臉App「Face Swap」咁,而且佢仲有好多表情,連陰陰咀笑同埋chok樣都做到,超正!入嚟有大量佢嘅相集同埋影片回帶。鍾意佢嘅記住follow埋佢IG嘞。

Read more ›
聰明狗狗網上爆紅 去完廁所識用廁紙
by / on 02/12/2016 at 7:13 am

聰明狗狗網上爆紅 去完廁所識用廁紙

狗狗嘅學習能力好強,不過好似人咁識去完廁所用廁紙就真係好神奇。呢隻叫Pablo嘅狗狗最近喺網上爆紅,佢嘅主人Acelin Hampton係一位rapper,3個月前領養咗Pablo。可能見過好多次主人去廁所用廁紙,佢都暗暗學識咗。最近主人帶佢上朋友屋企,佢喺地下屙咗篤尿,居然識得用廁紙冚住!張相放上網後被瘋傳,大家都讚Pablo好叻仔,仲叫主人唔好怪佢,佢已經盡咗力。不過長期咁玩法都幾嘥廁紙,唯有帶多啲佢落街去廁所啦。

Read more ›

【新片速報】日本超強吉祥物爆紅 打鼓無影手功力深厚
by / on 17/10/2016 at 7:13 am

【新片速報】日本超強吉祥物爆紅 打鼓無影手功力深厚

呢隻紅色嘅吉祥物最近喺日本爆紅,其中一段喺日本青森表演嘅片更加有超過8萬個分享。佢嘅絕技係打鼓,外表可愛嘅佢原來好打得,睇佢表演時嘅無影手就知佢功力深厚,加埋個樣永遠都咁冷靜,好好睇!另外留意佢塊臉有道疤痕,條眉又成日向下彎,其實有啲rock友嘅無奈同憤怒感。

Read more ›
日本爛瞓狗twitter爆紅     向夢想出發狂P圖
by / on 16/06/2016 at 7:13 am

日本爛瞓狗twitter爆紅 向夢想出發狂P圖

瞓成咁真係好難唔介紹佢。呢隻日本汪星人最近喺twitter爆紅,全因為一張瞓到四肢攤開嘅趴地相。網民話唔知佢發緊乜嘢夢,估計應該係向緊夢想出發先會有咁嘅姿勢。由於姿勢太有潛力,佢仲出手P圖,耶穌、太空,無論置身乜嘢環境都好夾,仲好治愈。

Read more ›
【唇紅齒白】日本17歲「偽娘」爆紅 網民留言:「好嘔心!」
by / on 26/02/2016 at 7:12 am

【唇紅齒白】日本17歲「偽娘」爆紅 網民留言:「好嘔心!」

日本呢位只得17歲嘅「偽娘」ゆうたろう最近好紅, 好多網民熱烈討論佢,不過雖然網上有人嗌佢「偽娘」,但嚴格嚟講佢只係個打扮比較另類、中性嘅男仔,鍾意嘟嘴咬唇,而且唇紅齒白,皮膚仲好滑溜,可能外形夠特色,見佢影落唔少時裝相,而最有個性嘅應該係佢個髮型,又長又亂但又似戴咗頂帽,據講佢係一間時裝店嘅店員,每次喺twitter話返工都會吸引好多人喺舖外排隊專程為見佢,不過唔少男網民就留言話好嘔心,仲有人叫佢去死。其實唔計嗰幾張貼紙相,都唔係咁乞人憎唧,係咪男女角度唔同?

Read more ›
靚仔警察網絡爆紅   粉絲代開Facebook專頁
by / on 14/07/2014 at 7:07 am

靚仔警察網絡爆紅 粉絲代開Facebook專頁

喺網絡嘅年代,經常會有人失驚無神爆紅,之前有個外國罪犯因為靚仔紅咗,最近又有個三藩市嘅警察Chris Kohrs爆紅,佢無好勁嘅戰績,純粹捉吓偷手機賊或者準備打劫便利店嘅笨賊,紅嘅原因好簡單,兩個字:靚仔!佢一張巡鑼時被偷拍嘅相喺網上瘋傳,紅到有人幫佢開埋Facebook粉絲專頁,而家有接近四萬個粉絲,啱啱專頁管理員Nathan Tatterson同發現靚仔Chris嘅Mark Abramson仲同型警一齊合照,估唔倒全部都係仔,滲出陣陣gay味。

Read more ›