香港都有逃出密室玩，不過講正應該唔及日本嘅吸引，其中東京新宿嘅TOKYO MYSTERY CIRCUS就好出名玩逃出密室。最近4月26日開始有哥斯拉嘅主題，入面嘅yelo CAFE仲出咗呢個聲稱係哥斯拉第2形態嘅熱狗，有司華力腸有芝士有蕃茄，但係加埋一齊就好奇妙，有網民買咗嚟試，仲喺Twitter熱傳，有與趣可以試吓，每個賣880円。

呢個Hot Dog熱狗睡床之前都見過，不過瞓咗隻真狗上去即刻得意晒。隻狗狗個樣本身都好可愛啦，加上佢唔知道自己就係隻熱狗，天真嘅表情超無辜，好想咬佢一啖呀！

講真呢張床睇落真係好舒服，我都想買返張。呢段片喺Twitter好多人RT，片中嘅柴犬瞓左喺個熱狗咕臣入面，伸直個身扮緊一條熱狗腸，不過以香腸嚟計佢似乎肥咗啲。臨尾仲懶得意望住主人，入嚟有片睇。

咁好食嘅嘢唔可以只有我見到嘅！有日本網民喺京都車站附近發現呢款「黑毛和牛燒肉熱狗」，佢試完話好好味，而且只係賣300円！睇見塊燒肉同啲燒汁已經感覺到好好味，難怪張相喺Twitter被熱傳，樓主都分享埋店名，去開日本記住試吓！

悶悶哋，我會Click入YouTube頻道「Joseph’s Machines」。今次嘅偉大發明「Sauce Squirter」，姑且譯做唧醬汁機，方法係將芥蘭醬樽同茄汁樽綁實座檯扇扇葉，底下放四隻熱狗，咁一撻風扇咯喎，樽裡面嘅醬汁受離心力影響，紛紛唧向熱狗，阿Joseph都醒呀，事先整咗個紙皮框框，醬汁無話唧到一屋都係。記得睇埋尾Making of，有打爛玻璃花樽、醬汁唧入眼等鏡頭，仲好笑！

3D Drawing唔係未睇過，嗰種躍然紙上嘅視覺震撼，次次都睇到我嘩嘩聲。今次仲堅揪，直頭好似玩Photo Hunt咁，左一隻熱狗，右一隻熱狗，望落去兩隻一模一樣，唔講、唔真正用刀劈落去，唔知邊隻熱狗係真假，叻！勁！呢次真係服到五體投地咯。

迪士尼班公主同王子一向都係二次創作嘅好材料，今次更加係令我有喜出望外嘅感覺，外國食物網LuckyPeach居然諗倒將4位公主變成熱狗！你睇美人魚心口嗰兩塊紫椰菜仔？健康得嚟又幾幽默喎！網站仲有教學，4位公主包括《美人魚》嘅Ariel、《美女與野獸》嘅Belle、《魔髮奇緣》嘅Rapunzel同埋《風中奇緣》嘅Pocahontas全部食得，味道我諗都係麻麻，你睇條腸，白烚嘅！

唔講唔知，原來美國有好出名嘅食熱狗比賽Nathan’s Famous Hot Dog Eating Contest，星期六啱啱完成賽事，冠軍嘅Matt Stonie成功喺10分鐘內豪吞咗62個熱狗！即係平均10秒食1個。今次佢打破咗長勝將軍Joey Chestnut嘅8連勝紀錄，攞咗條金腰帶返屋企，睇相見佢食成咁真係鄧佢辛苦。原來佢來頭唔簡單，贏過好多比賽，例如8分鐘食14.5磅生日蛋糕、5分鐘食182塊煙肉、6分鐘食10.5磅乳酪，乜都啱食，難得佢仲咁瘦，同日本女大胃王木下優香鬥嘅話，唔知邊個勁啲？

將一件無聊事認真做係鬼佬嘅強項，呢條片可以話係發揮到極致！全條片拍住一個叫Juha-Pekka嘅工人，控制住部8.5噸起重機嚟製作熱狗，由夾包、夾生菜、加熱狗腸、落醬、灑洋蔥碎，到最後將個熱辣辣嘅熱狗送到去老友Antti個嘴邊，再餵埋佢食，成件事好無聊，但又幾勁喎。我最佩服係佢老友，稍一唔留神，唔好話食熱狗，分分鐘連棚門牙都比部機撞甩。BTW，呢條其實係挪威國家石油公司Statoil嘅新廣告，唔怪得之拍得咁高質，有錢就是任性。

話咁快又到德國啤酒節，香港呢邊10月25日開始有得飲，原產地德國嗰個就月底開始，每年都吸引超過6百萬人去狂歡。除咗人有得玩餐飽，狗仔都有份參與，唔係飲酒，而係打扮成一條熱狗賽跑，呢個比賽已經舉行咗幾年，狗仔可以揀黃芥末或者茄汁款式嘅熱狗裝扮，主人開心，狗仔就‥‥‥比賽吸引倒過百隻狗仔落場跑，咁跑贏咗有無啤酒飲o架？