Post Tagged with: "熱傳"

【連環圖】喵星人被搶食物 豐富表情變化網上熱傳
by / on 09/03/2018 at 7:51 am

【連環圖】喵星人被搶食物 豐富表情變化網上熱傳

喵星人有幾「為食」大家都知,如果自己嘅晚餐俾人搶咗會點?最近有隻喵就親身經歷咗。佢嘅大餐俾隻負鼠搶咗嚟食,重點係隻喵嘅表情變化。初時佢望住影緊相嘅主人,發出求救訊號,見主人唔理佢無反應,開始面露不滿,之後唯有自己走埋去嘗試叫走隻負鼠,不過俾人兇一兇即時閃走,然後再望住主人,露出好嬲嘅表情。輯連環圖喺Imgur好多人討論,不過呢位主人玩到咁大全程唔幫手,小心隻喵之後會報復喎。

Read more ›

唔覺意cosplay咗《動物朋友》 日本Twitter熱傳「かばんちゃん」
by / on 21/02/2018 at 7:36 am

唔覺意cosplay咗《動物朋友》 日本Twitter熱傳「かばんちゃん」

《動物朋友》主角「かばんちゃん」大家都識,估唔到有人想cosplay,而且係外國人。不過相信佢係唔覺意嘅。最近日本Twitter熱傳呢幾幅圖,圖中嘅男人嘅服飾激似「かばん」,有fans仲忍唔住出手改埋圖,可惜到而家都未搵到當事人出嚟解釋吓。

Read more ›
過年有無食肥咗? 日本熱傳「女性理想體重」算式
by / on 19/02/2018 at 9:22 am

過年有無食肥咗? 日本熱傳「女性理想體重」算式

呢幾日過年大家應該食咗好多肥嘢,日本最近熱傳嘅「シンデレラ体重」(灰姑娘體重)計算方法,可以俾大家參考吓。將自己嘅「身高(米) x身高(米) x20 x0.9」,得出嘅就係最理想體重。舉例如果160cm高,最理想就係46.1kg嘞。有網民話太瘦好難做到,另外留意返呢個係灰姑娘指標,即係只限女性,男仔可以繼續食嘢唔駛諗咁多。

Read more ›
日本柴犬變黑人問號 估錯接受唔倒影片Twitter熱傳
by / on 18/02/2018 at 1:26 pm

日本柴犬變黑人問號 估錯接受唔倒影片Twitter熱傳

估吓喺左手定右手?呢個遊戲我哋細細個就開始玩,不過呢隻日本柴犬玩得特別好笑,佢好有自信,一嚟就覺得喺左手,不過當佢發現原來喺右手嘅時候,即時露出咗個黑人問號嘅表情,超搞笑,難怪喺網上熱傳,而家已經有超過2百萬點擊,入嚟有得睇,仲有喵版本。

Read more ›
【新片速報】日本超為食喵星人    狂舔空氣回味無窮
by / on 16/02/2018 at 11:56 am

【新片速報】日本超為食喵星人 狂舔空氣回味無窮

新年又可以多啲時間陪吓屋企嘅喵星人,係時候餵零食嘞!日本好多貓奴會餵呢種長條形嘅膏狀零食,基本上每隻貓都勁鍾意食,不過呢隻就誇張啲,主人拎開咗之後佢仲繼續回味,不停伸條脷出嚟舔空氣,超搞笑!有網民仲數佢1分鐘舔咗180次,而主人就話其實鏡頭停咗佢仲未舔完,似乎啲空氣都有陣甜味,令佢停唔到。入嚟有多啲呢隻喵嘅生活照同影片睇,好可愛!

Read more ›
日本情人節「蛆蟲朱古力」 婉拒男仔方法網上熱傳
by / on 15/02/2018 at 7:13 am

日本情人節「蛆蟲朱古力」 婉拒男仔方法網上熱傳

終於捱過咗情人節嘞,喺日本都有啲回顧嘢可以講吓。大家都知日本女生會喺情人節送朱古力比男仔,而當中又會分兩類朱古力,「貴嘢」即係有牌子嗰啲,通常會用嚟送俾男女朋友或者心儀對象,至於「平嘢」親手製嘅,通常會派俾所有男仔。為咗避免送「平嘢」但俾人誤會係「貴嘢」,又或者用嚟婉拒啲自己無意思嘅追求者,日本Twitter最近熱傳呢款超核突嘅「蛆蟲朱古力」,佢哋叫「義理チョコ」,上面一粒粒似蛆蟲嘅其實係桃哈多,味道唔錯,不過個樣絕對唔會令人聯想你對佢有意思。好多女仔都跟住整呢款朱古力,不過收到嘅兵仔應該都好失落。

Read more ›

【新片速報】日本Twitter熱傳蜥蝪仔 先咬後舔好可愛?
by / on 12/02/2018 at 7:25 am

【新片速報】日本Twitter熱傳蜥蝪仔 先咬後舔好可愛?

對於滑嘟嘟嘅生物我係有啲驚嘅,不過今次段片喺Twitter熱傳,唯有睇吓啦,本來想咬主人嘅佢,知道係friend之後即刻改為舔,條脷仲要係藍色嘅!網民都大讚話超可愛,我就cap圖都有啲驚‥‥‥

Read more ›
日本寵物古怪睡姿Twitter熱傳 鼬鼠仔無限拉長
by / on 11/02/2018 at 2:05 pm

日本寵物古怪睡姿Twitter熱傳 鼬鼠仔無限拉長

最近日本Twitter好流行呢個hashtag「飼い主の心臓に悪いペットの寝相コンテスト」,主人狂貼寵物嘅古怪睡姿。首先跑出有呢輯,鼬鼠仔鑽咗入圓筒形嘅紙皮入面,個樣仲要勁搞笑!其實入面收埋咗兩隻鼬鼠,唔知以為隻鼬鼠拉長咗自己。入嚟有多啲呢兩隻鼬鼠仔嘅相睇,仲有網民嘅貼圖回帶,好可愛!

Read more ›
日本最難忘動畫場面 插畫師自製電影海報Twitter熱傳
by / on 08/02/2018 at 7:07 am

日本最難忘動畫場面 插畫師自製電影海報Twitter熱傳

每套動畫都總有啲令人難忘嘅畫面,日本呢位插畫師就用廣告poster嘅風格,畫咗幾個佢最深刻嘅場面。有《One Piece》、《火影忍者》、《我的英雄學院》同埋《鋼之鍊金術師》,睇到人毛管都楝起晒,呢幾幕又係咪你嘅心水?

Read more ›
日本網民買壽司饅頭 圖文不符Twitter熱傳
by / on 06/02/2018 at 7:44 am

日本網民買壽司饅頭 圖文不符Twitter熱傳

根據香港嘅商品說明條例,呢盒日本嘅產品會唔會違法?日本18禁畫師水龍敬忍唔住買咗盒壽司饅頭,封面嘅壽司好新鮮好好味,不過打開之後‥‥‥睇完好空虛,好明白樓主嘅感受。其他網民陸續貼圖分享自己嘅中伏經驗,入嚟有得睇。

Read more ›
【新片速報】日本喵星人玩鱷魚   鑽入口「玩命」Twitter熱傳
by / on 19/01/2018 at 7:10 am

【新片速報】日本喵星人玩鱷魚 鑽入口「玩命」Twitter熱傳

喵星人真係又大膽又曳嘅動物,唔好話人類,連鱷魚都唔怕!有日本網民拍咗呢段片,片中嘅喵星人居然鑽入鱷魚先生個口入面,一啲都唔驚,擺明玩命,之後自己對腳仲要踢吓踢吓攝入去,最後鱷魚先生俾佢攻佔埋,成功入侵!不過呢隻喵都要認真考慮吓減肥嘞!

Read more ›

超靚「銀山溫泉」雪景圖    日本Twitter熱傳
by / on 15/01/2018 at 7:57 am

超靚「銀山溫泉」雪景圖 日本Twitter熱傳

最近日本網上經常出現山形縣尾花沢市「銀山溫泉」嘅雪景圖,全部都靚到好似一幅畫咁,啱啱喺Twitter又熱傳呢幾張,有網民放咗上網,大雪停咗,不過屋頂同附近嘅樹木都佈滿厚厚嘅積雪,靚得好誇張!

Read more ›
【圖集】核戰後的中國   日本網民熱傳重型面罩圖
by / on 26/12/2017 at 12:30 pm

【圖集】核戰後的中國 日本網民熱傳重型面罩圖

由一位日本出世嘅中國人開嘅Twitter,最近放嘅呢輯相喺Twitter好多人討論。相中見到大量中國人戴住重型面罩,樓主話係核戰爭後嘅中國,其實只係空氣污染啫,暫時。日本網民睇完好大反應,有人話好似遊戲《The Division》,有人諗起其他動畫、電影,入嚟有得睇。

Read more ›
【新片速報】日本整蠱節目熱傳 傾緊電話途人遞咩都會拎?
by / on 07/12/2017 at 7:39 am

【新片速報】日本整蠱節目熱傳 傾緊電話途人遞咩都會拎?

傾傾吓電話如果有人經過俾啲嘢你幫手拎住,你會點算?日本有整蠱節目搵途人測試咗,仲有分唔同Level,第一關係叫人揸支咪,之後到Bra,再之後出動埋雪糕,越睇越搞笑,推介一定要睇晒佢,好耐無笑得咁開心嘞!結論係無論你遞啲咩俾傾緊電話嘅人,佢哋都會好自然咁拎上手架!

Read more ›
【有片】日本喵直播「放送事故」熱傳    跌鏡頭出現另一隻喵
by / on 01/12/2017 at 7:02 am

【有片】日本喵直播「放送事故」熱傳 跌鏡頭出現另一隻喵

喵星人真係好可愛,最近有位日本網民就喺直播期間摸喵,點知唔小心將個境頭跌咗落地,而咁啱就跌正喺另一隻貓面前,鏡頭變咗直播呢隻上下倒轉咗嘅喵,網民嘅反應好熱烈,而呢位大配角對於有機會擔正做主角似乎無乜興趣,好快就用隻手遮住個鏡頭,超可愛!入嚟有得睇。

Read more ›