Post Tagged with: "熊貓"

【相集】超高質喵星人P圖   變熊貓/白兔/古怪生物
by / on 03/11/2018 at 5:14 pm

【相集】超高質喵星人P圖 變熊貓/白兔/古怪生物

好強嘅PS技能!外國攝影師兼貓奴Audrey Spencer出咗個系列,將佢兩隻喵Oskar同Maya用Photoshop變成不同嘅動物,由熊貓到白兔到貓頭鷹,全部都好高質,仲有啲搞笑場面,入嚟有得睇。

Read more ›

【熊貓很累】超可愛熊貓BB 6隻攤地瞓覺Twitter熱傳
by / on 19/10/2018 at 7:12 am

【熊貓很累】超可愛熊貓BB 6隻攤地瞓覺Twitter熱傳

日本人好鍾意熊貓,睇東京嘅上野動物園成日排長龍就知。最近有日本網民放咗張熊貓BB圖上Twitter,幾隻熊貓B攤晒喺地下瞓覺,好似勁攰咁,有日本網民聯想力好豐富,話好似人類進化圖。事發地點就係「成都大熊貓繁育研究基地」,據講當日落緊雨,加上班熊貓B玩完應該好攰,所以就出現咗呢個搞笑場面,入嚟有多啲相睇。

Read more ›
日本超可愛「熊貓洗衣袋」 一物兩用做攬枕
by / on 18/09/2018 at 7:46 am

日本超可愛「熊貓洗衣袋」 一物兩用做攬枕

洗衣袋見得多,日本出嘅總係有啲唔同嘅,呢個熊貓洗衣袋外型超可愛,平時洗衫可以裝啲特別保護嘅衣物,唔洗衫嘅時候可以用嚟放雜物,之後當攬枕用,呎吋650mm寬×360mm深×220mm高,售價3千円,除咗熊貓仲有熊仔款,不過都係熊貓得意啲,入嚟有網址。

Read more ›
日本神級「樹脂黏土家」 超迷你作品2mm熊貓!
by / on 02/06/2018 at 5:27 pm

日本神級「樹脂黏土家」 超迷你作品2mm熊貓!

樹脂黏土可以造出超像真嘅手工品,不過日本呢位網名@kakuho_fujii嘅藝術家挑戰高難度,整出超迷你嘅黏土動物系列「粘土ミニチュア 5mmシリーズ」。全部都係3mm至7mm嘅大細,舉例隻雞仔只有半粒米嘅大細,但依然保留大量細節,單係八爪魚嘅八隻腳,已經超難整。之後佢仲挑戰極限,整咗隻2mm嘅熊貓,超勁!入嚟有得放大睇。

Read more ›
日本「上野動物園」超長人龍     排隊朝聖睇熊貓B
by / on 18/03/2018 at 2:12 pm

日本「上野動物園」超長人龍 排隊朝聖睇熊貓B

日本人好鍾意排隊,不過最近連動物園都要排隊真係幾誇張,講緊嘅係最近好出名嘅上野動物園。之前我哋都報導過,自從上年6月熊貓BB香香出咗世之後,動物園嘅參觀人數就激增,直至今時今日熱潮依然未減退。最近有日本媒體喺平日去咗影吓排隊盛況,平日開門時間9點半,不過9點鐘開門前已經排滿人龍,睇相都見到勁誇張。工作人員依家每日會派9,500張號碼籌,攞咗籌嘅就可以喺指定時間、指定地區觀賞香香熊貓。以平日嚟計,職員話大概早上11點就會派晒所有籌,留意係平日咋喎,如果假日去情況就更加誇張嘞,有興趣去上野動物園嘅朋友要留意返嘞。

Read more ›
超萌熊貓仔集體日光浴 唔覺意跌底超可愛
by / on 17/02/2018 at 2:04 pm

超萌熊貓仔集體日光浴 唔覺意跌底超可愛

熊貓仔本身已經好得意,仲要係一班熊貓仔一齊曬日光浴,仲要其中一隻唔覺意跣咗落草地!成件事真係可愛到極點!原來熊貓仔個屁股咁圓咁大,仲有近鏡影隻熊貓嘅大頭相,超可愛,難怪喺Twitter咁多人RT。

Read more ›

【新片】日本「上野動物園」熊貓明星B 偷撞媽媽片Twitter熱傳
by / on 02/02/2018 at 7:33 am

【新片】日本「上野動物園」熊貓明星B 偷撞媽媽片Twitter熱傳

喺上野動物園出世嘅熊貓BB「香香」喺日本超高人氣,之前入場睇佢要抽選,而家就要排隊攞籌限制人數,為咗滿足fans要求熊貓BB仲要加班。最近動物園放咗段新片出嚟,見到熊貓BB好貪玩,偷撞大熊貓媽媽嘅後腳,仲令對方唔覺意跌咗一下,超可愛!段片喺Twitter好多人RT,相信又會吸引大量好鍾意熊貓嘅日本人去探佢哋嘞!

Read more ›
【新片速報】日本動物園熊貓片Twitter熱傳     媽媽超緊張突然彈起
by / on 11/11/2017 at 12:02 pm

【新片速報】日本動物園熊貓片Twitter熱傳 媽媽超緊張突然彈起

日本人一向好鍾意熊貓,最近日本嘅上野動物園就多咗隻熊貓B嘞,而家接近半歲,啱啱動物園嘅官方Twitter就放咗好多新相新片,其中一段影到熊貓媽媽同熊貓B嘅日常生活,當時媽媽坐喺到開緊餐,可能聽到後面有啲聲,太緊張嘅佢即時大動作彈起,係愛呀!仲超可愛!段片喺Twitter好多人RT,去開東京記住去探吓佢哋嘞。

Read more ›
地獄來的曲奇餅師 日本網民製作崩壞版熊貓
by / on 07/07/2017 at 7:54 am

地獄來的曲奇餅師 日本網民製作崩壞版熊貓

曲奇餅都有崩壞版,最近有日本網民整熊貓曲奇,本來好可愛嘅熊貓竟然變成咁嘅樣。頭髮中間分界,眼同嘴都變晒形,網民瘋狂出圖賀佢。雖然樓主破壞力驚人,不過呢款崩壞版熊貓似乎更受網民歡迎,而且樓主親身試過,話崩壞版味道一樣咁好,入嚟有網民出圖回帶。

Read more ›
【超感人】媽媽冇錢買公仔 小朋友包裝箱留言「預留」 職員唔鬧仲送俾佢
by / on 01/07/2017 at 3:27 pm

【超感人】媽媽冇錢買公仔 小朋友包裝箱留言「預留」 職員唔鬧仲送俾佢

係愛呀!今次係認真嘅,因為真係相當感人。英國有個小朋友喺利物浦Asda超級市場見到隻熊貓公仔,好想買返屋企,可惜媽咪要等出糧先有錢買俾佢,為免隻公仔俾其他人買咗,小朋友就喺紙箱上面寫咗段字,內容大概係話:「我媽咪唔夠錢買俾我住,我哋6月15號會返嚟買,所以請你唔好買走佢,否則我會喊架,多謝你,另外隻熊貓公仔個名叫『Pandy』!」之後超市職員發現咗,影相放上網後搵到呢對母子,跟住職員仲用自己錢買咗隻公仔,約咗佢哋嚟超市送俾佢哋。小朋友收到後好開心,之後媽媽喺網上留咗段言,話好多謝Asda嘅員工,仲話仔仔提議將本來買呢隻公仔嘅錢捐去一個慈善團體,入嚟有詳情,好有愛,好感人。

Read more ›
【有片】碌地鬥雪人 滾動熊貓新作
by / on 24/12/2016 at 6:43 pm

【有片】碌地鬥雪人 滾動熊貓新作

記唔記得呢隻熊貓?之前表演滾地嗰隻,啲動作超蠢超輪盡。啱啱佢又有新作喇,喺Toronto動物園日日玩雪嘅佢今次有對手,係一個雪人,雖然佢推甩咗雪人個頭,但最後都係……

Read more ›

日本上野車站機械熊貓     網民:「好想一棍毆落去!」
by / on 03/12/2016 at 10:47 am

日本上野車站機械熊貓 網民:「好想一棍毆落去!」

日本越出越多機械人,遲啲去酒店可能無人類接待員,不過機械人都無所謂,但個樣就好重要,最近日本網民喺2ch討論上野車站嘅熊貓Pepper機械「人」,話佢嘅表情令人好想一棍毆落去!睇返佢條八字眉,囧樣出晒嚟,擺明係專登玩嘢。有網民留言話:「呢個咩人嚟?好想打佢!」、「係咪山寨版嘅京成熊貓?」、「呢個表情令人好嬲!」件事仲勁到電視台都報導,之後網民仲喺Twitter不停惡搞,睇嚟呢隻熊貓走紅指日可待呀!

Read more ›
超可愛熊貓杯緣子    大屁股扭吓爬吓上杯邊
by / on 01/11/2016 at 7:12 am

超可愛熊貓杯緣子 大屁股扭吓爬吓上杯邊

熊貓似乎係世界各地都有fans,日本人一向對熊貓情有獨鍾,玩具公司エール之前都出過熊貓杯緣子,見反應好今次再出第二彈,又肥又蠢嘅熊貓仔出盡力爬過杯邊,個大屁股仲搖吓搖吓咁,可愛到暈。除咗爬杯邊,佢哋仲有倒吊、夾實等唔同嘅動作,一式12款,除咗黑白仲有其他顏色,11月中推出。

Read more ›
【有片】超可愛熊貓踩同伴屁股 踩低人抬高自己
by / on 17/06/2016 at 7:13 am

【有片】超可愛熊貓踩同伴屁股 踩低人抬高自己

踩低人抬高自己呢啲嘢本來好乞人憎,不過今次唔同。呢條片睇好多次都唔會厭,仲喺twitter被瘋狂RT。影片一開始見到有隻熊貓喺窗邊同護理員玩,鏡頭下移就發現原來佢唔夠高攀上窗邊,居然踩上另一隻熊貓個屁股度做承托!不過下面嗰隻又唔生性,左碌右碌,最後終於一齊跌咗落地,超搞笑!無限Loop都唔厭呀。

Read more ›
有片:超曳熊貓神級賴皮! 摷竹籮累工人無工收!
by / on 19/05/2016 at 8:30 pm

有片:超曳熊貓神級賴皮! 摷竹籮累工人無工收!

乜熊貓原來咁頑皮嘅咩?我喺海洋公園睇到嘅熊貓唔多願郁架喎,最叻就用個籮柚隊住你。四川某熊貓繁殖中心有對大熊貓好曳曳,工人掃地將枯葉掃入大竹籮,掃到七七八八嘞,大熊貓就一個唔該跳入竹籮左摷右摷,繼而左典右典,摷到一地都係,搞到工人無得收工。工人想抱起佢咩,佢賴死唔走,監硬扯一樣唔走,繼續碌地沙搗亂,嗰種賴皮法真係講你都唔信。成條片好治癒,睇完,心情都好好多。

Read more ›