Post Tagged with: "熊本"

【圖集】熊本超靚日出風景相 零合成純天然
by / on 28/09/2017 at 7:10 am

【圖集】熊本超靚日出風景相 零合成純天然

去日本熊本縣通常都係探吓熊本熊,原來佢哋嘅山景都好靚。最近有日本網民喺Twitter放咗呢輯日出靚相,吸引好多人RT,全輯相零合成,最靚係啲透出嚟嘅日光,原來要影到靚相一啲都唔簡單,樓主話用咗一年時間先捕捉到咁靚嘅時刻,拍攝呢輯相嗰朝朝早4點開始準備,期間仲要挨住肚餓,所以話要影靚相的確係要付出架。

Read more ›

【有片】超恐怖場面 熊本縣停車場飛蛾來襲
by / on 09/09/2017 at 10:38 pm

【有片】超恐怖場面 熊本縣停車場飛蛾來襲

一到春夏天,昆蟲就會大量出現,喺日本都睇過好多鄉郊地區好多飛蟲,今次有網民喺熊本縣南部嘅八代市影到呢個情況……有人回應話呢個時候應該好想有火炎發射器,有人就話想用水,如果拎住支電蚊拍衝過去,係咪可以無雙?

Read more ›
【有片】熊本地震1周年 熊本熊出圖謝支援 美國大使館出片好感人
by / on 14/04/2017 at 12:36 pm

【有片】熊本地震1周年 熊本熊出圖謝支援 美國大使館出片好感人

上年今日,4月14日,熊本發生地震,之後大家都有出手支援佢啦。今日1周年,平時搞開笑嘅熊本熊くまモン都出咗張好感性嘅圖,話多謝大家嘅支持,其實早幾日都已經有講相關嘅嘢,亦都有慈善球賽。另一邊,日本美國大使館都啱啱出咗條片「On the Road to Recovery: The people of Kumamoto and America Join Together」,集合日本、美國人民繼續幫熊本打氣!好鬼感人。

Read more ›
海賊出手助熊本熊 《One Piece》熊本復興計劃
by / on 24/10/2016 at 10:34 pm

海賊出手助熊本熊 《One Piece》熊本復興計劃

出生於熊本縣嘅《One Piece》作者「尾田栄一郎」,喺之前4月熊本地震時都有出圖打氣,不過唔只嘅,熊本復興仲要加油,嚟緊就有「ONE PIECE 熊本復興プロジェクト」,啱啱出咗圖,喺11月1日至2017年3月31日,捐1萬円以上就會得到禮品,之後仲會推出「くまもん×ONE PIECE」產品、「ONE PIECE復興列車」,睇見一眾主角出現喺熊本景點,已經好熱血啦!

Read more ›
為玩《Pokémon GO》要求入熊本地震災區      熊本市向任天堂投訴
by / on 23/07/2016 at 12:04 pm

為玩《Pokémon GO》要求入熊本地震災區 熊本市向任天堂投訴

又係《Pokémon GO》,日本噚日開始有得下載有得玩嘞,不過今次搞到熊本市要同任天堂投訴。事緣噚日有個廿幾歲嘅男仔同保安要求話想入去受地震影響嘅熊本城地方,原因當然係捉Pokemon啦。最後佢梗係入唔到去災區,不過熊本市就要求任天堂將熊本城限制咗嘅重建災區唔好納入《Pokémon GO》嘅遊戲範圍。件事喺2ch好多人討論,有人話:「幾廿歲人成熟啲啦」、「如果發現喺女廁佢應該都會狗衝入去。」有網民就提議:「下次等我話要入女浴場捉Pokemon先!」睇嚟日本呢類新聞應該陸續有嚟。

Read more ›
日本網民亂發Twitter被捕 訛稱熊本地震有獅子走失
by / on 21/07/2016 at 7:13 am

日本網民亂發Twitter被捕 訛稱熊本地震有獅子走失

  喺網上世界亂發訊息被捕?日本呢位20歲嘅網民佐藤一輝最近正式被起訴,佢涉嫌喺熊本地震時喺Twitter發放假訊息,話附近動物園嘅獅子逃走咗,之後好多人信以為真喺網上瘋傳。今次係日本首宗因為「災害時期造謠妨礙業務」而起訴網民嘅個案。疑犯就話自己只係因為貪玩而咁做。網民一面倒唔撐佢,但就問其實佢妨礙咗邊個業務?其實當日佢發放訊息後,附近水前寺嘅動植物園同警局收到過百個電話,喺災難發生時仲要應付呢啲謠言,的確唔啱。

Read more ›

【有片】熊本炒麵 木村拓哉/長瀨智也/岡田准一去災區
by / on 13/06/2016 at 4:44 pm

【有片】熊本炒麵 木村拓哉/長瀨智也/岡田准一去災區

雖然過咗一段時間,但喺熊本嘅災民都仲係好需要大家嘅支持。所以,繼中居正廣等藝人佢哋之後,Smap嘅「木村拓哉」、Tokio嘅「長瀨智也」同V6嘅「岡田准一」喺噚日(12日)都去咗「益城町」、「石原軍団」嘅「元気食堂」露兩手。雖然「木村」料理一向撚手,不過似番大家都對影相拍片有興趣啲……

Read more ›
【要買】熊本熊新四驅 6月發售利潤捐熊本
by / on 13/05/2016 at 3:17 pm

【要買】熊本熊新四驅 6月發售利潤捐熊本

之前出過一次熊本熊嘅四驅車,初出時仲有炒價添。嚟緊又有喇,喺「静岡Hobby Show」會場就發表咗呢個新製品「がんばれ!熊本 ミニ四駆(くまモン版)」,6月發售,1,200円,靚仔之餘,今次呢款產品嘅利潤仲會全數捐俾熊本県,冇得唔撐啦?

Read more ›
【有片】熊本熊復活!地震後首次亮相 幼兒園激勵朋友仔
by / on 05/05/2016 at 1:57 pm

【有片】熊本熊復活!地震後首次亮相 幼兒園激勵朋友仔

自從上月14日熊本發生地震開始,熊本熊「くまモン」官網都話會暫停活動同更新,一切以救災為先。可能因為覺得佢形象太搞笑,同呢個唔開心嘅時期唔太襯啦。不過o依家進入重建期,係時候返嚟激勵災民喇,今日(5日)熊本熊就正式復活,去咗西原村嘅幼兒園同小朋友玩!另一面2ch都有網民趁呢個時候出gif集,大家開心吓。

Read more ›
【熊本】中居正廣炒飯好味道 熊本災民放上Twitter熱傳
by / on 25/04/2016 at 7:26 am

【熊本】中居正廣炒飯好味道 熊本災民放上Twitter熱傳

熊本市而家仲重建緊,香港嘅一田都有幫忙籌款,抵讚。日本嘅藝人好多都出錢出力,好似SMAP隊長中居正廣,早前就去咗熊本市嘅長嶺小學校親自為災民煮飯,有網民影咗相放喺Twitter,吸引好多人RT。樓主大讚中居炒嘅飯好好味,而本來戴晒冷帽黑超同口罩想盡量低調嘅中居正廣,被途人認出後亦索性以真面目示人,仲吸引好多人爭住同佢合照。不過其實包到咁仲易俾人認出。

Read more ›
【供應過多】日本「AEON MALL熊本」減價促銷 飯團10円便當100円
by / on 20/04/2016 at 7:41 pm

【供應過多】日本「AEON MALL熊本」減價促銷 飯團10円便當100円

我諗可以咁睇啦,日本應付天災嘅方法同效率都好好,所以o依家有市內列車已經開番,超過9成嘅便利店亦都營業緊,可能咁,超市入得太多食物就唯有減價,互相幫助吓啦。有日本網民就影到日本「AEON MALL熊本」有大量飯團同便當,前者賣10円,後者都係100円,港幣7蚊個!

Read more ›

《愛媛新聞》體育版 擺明為熊本打氣
by / on 17/04/2016 at 1:03 pm

《愛媛新聞》體育版 擺明為熊本打氣

其實又唔係講啲咩敏感話題,就算擺到明幫熊本打氣都冇問題,但咁樣出嚟嘅效果就有心思好多。有好多網民都發現今日嘅《愛媛新聞》體育版中,幾個標題砌咗出嚟就係「ガンバレ熊本」,向熊本嘅人加加油!

Read more ›
Fans朋友好擔心 「熊本熊」Twitter冇更新有原因
by / on 15/04/2016 at 7:03 pm

Fans朋友好擔心 「熊本熊」Twitter冇更新有原因

日本九州熊本地震,大家都好擔心,希望情況唔會再惡化,傷者快啲冇事啦。咁香港好多fans嘅「くまモン(Kumamon)」有冇事先?見到佢啲「吉祥物」朋友都有慰問佢,但係自從地震發生之後,佢個Twitter就冇再更新喇……原來佢哋覺得o依家咩都應該以災民為先,所以暫時SNS都會暫停,仲叫大家體諒,佢哋全Team人都平安……講起熊本熊,香港嘅一田百貨行政總裁莊偉忠都啱啱噚日到咗熊本,之後佢都有喺facebook報平安,仲話免得縣府分心,所以取消官方活動,提早去大阪咁話。

Read more ›
【有片】熊本城防災演習 超高滑梯好驚嚇
by / on 02/02/2016 at 8:02 pm

【有片】熊本城防災演習 超高滑梯好驚嚇

有冇去熊本城參觀過,當時又真係冇諗過如果有火警要點走……啱啱早前熊本城就有個防災演習,射水救火之餘,仲有救人,嘩,喺個城一嘢瀡落嚟地下……另外官方facebook仲有張最新圖,就係雪中嘅熊本城,好靚。

Read more ›
熊本縣阿蘇火山爆發 噴煙2000米 1979年嚟最強
by / on 14/09/2015 at 11:45 am

熊本縣阿蘇火山爆發 噴煙2000米 1979年嚟最強

去福岡旅行,想去阿蘇火山,都要留意佢網站睇吓有冇封山唔俾入,因為阿蘇成日都會噴煙。今朝(14日)日本時間9點幾,阿蘇就爆咗一次幾勁嘅,噴煙噴到火山口上2000米咁高,Twitter出現好多現場附近嘅圖片,最新消息係警戒級別已經去到第3級,而京都大學嘅「石原和弘」教授更加話係自1979年嚟最大規模嘅爆發。其實喺前幾日11日已經有次小爆發,呢排日本都幾多天災,去玩嘅要留意番喇。  

Read more ›