Tag: 煙肉

日本麥當勞有新嘢    厚切煙肉American Deluxe期間限定

日本麥當勞有新嘢 厚切煙肉American Deluxe期間限定

有無發覺日本嘅麥當勞特別好食?而且成日有新嘢。最近又有呢款American Deluxe嘅包,3年半後載譽歸來仲要期間限定,有牛肉、雞肉同豬柳蛋三款,入面又厚切煙肉又大量芝士咁好邪惡,11月1日開始發售,另外個車打芝士薯仔波都好吸引!

Read more ›

日本網民分享創意食譜 煙肉捲拉麵一口小食

日本網民分享創意食譜 煙肉捲拉麵一口小食

返埋呢兩日就放假,係時候計劃吓週末煮嘢食嘞。最近有日本網民分享咗呢個創意食譜,將一包拉麵一開九,之後再逐個用煙肉捲起,然後放入煎pan煎兩煎,效果似乎唔錯,煎完嘅麵件唔知係咪好似中國菜嘅「兩面黃」咁呢?今個星期試下先!

Read more ›

【不要玩食物】日本超正食物書籤 煙肉三文魚夾住睇

日本仲有好多人鍾意睇書,所以依然有好多公司會出書籤。今次呢款直情唔睇書都想買,因為全部都係食物,而且像真度極高。有煙肉、三文魚、蛋、紫菜、多士,全部喺網站Tokyo Kitsch有得買,每個1500円左右,唔睇書亦可以加100円變成鎖匙扣,不過有幾個款而經售罄,想買要快。

Read more ›

有片:真嘔!Batman對戰Superman鬥食煙肉!澎湃如瀑布!

Batman對戰Superman,今次玩鬥大食,限時5分鐘內要食晒檯面10磅煙肉,Challenge start,初頭Superman都仲有講有笑,一派風騷模樣,未幾,開始皺眉頭,之後摸肚腩,再之後,勁咯,直接嘔番出嚟呀,好似瀑布咁嘔出嚟咯,好澎湃,好有動感,仲好好──核突。至於Batman呢,全程喺度笑,未出洋相,不夠照估計,就算唔限時,佢都應該吞唔落呢10磅煙肉,10磅喎,10磅水都死喇,何況係肉?

Read more ›

新片速報 M16自動步槍熱度測試 成功煎熟一塊煙肉!

外國人真係好幽默都好有求知慾,睇電視見開槍時槍頭好多時都會冒煙,咁應該係好熱啦,熱嘅程度夠唔夠煎熟一塊煙肉?外國嘅Dustin Ellermann就實地測試,揀嘅係M16 rifle自動步槍。先將一塊煙肉捲住槍頭,再喺面層包多層錫紙,最後就瘋狂開槍,結果係點?塊煙肉居然熟晒仲好似脆脆哋!

Read more ›

Reebok出煙肉 唔係惡搞放得入口

運動品牌Reebok出煙肉?呢件事聽落好爆,不過唔係講笑,係真嘅!呢盒煙肉包裝精美,而且強調無用味精、防腐劑、甜味劑等化學嘢,不過暫時唔係周街有得買,主要係Reebok喺美國加州嘅宣傳活動上用。運動品牌健康食品,唔通係未來嘅新趨勢?

Read more ›

新片速報 煙肉味鬧鐘app 有得聞無得食

想唔想一早起身唔係比阿媽嗌醒,而係比一陣香噴噴嘅煙肉味薰醒?煙肉品牌Oscar Mayer最近做緊個宣傳活動,將會送出4700個手機附加香味座,下載埋個app之後,每朝起身鬧鐘一響就有煙肉味噴出,香醒你。我最欣賞係佢個廣告,拍到好似史詩式巨著咁,一塊煙肉都可以咁盪氣迴腸!講返個app,每朝起身得陣肉味,但之後又無人煮煙肉早餐比我食,其實都幾dry。

Read more ›

獵奇品味: 超肥膩煙肉味 梘液/爆炸糖/潤唇膏

  對於煙肉呢啲香口嘢, 一直都有特殊愛好, 尤其係朝早聞到佢嗰陣味起身, 嗰日都會特別開心又醒神; 早前都有介紹過煙肉自製肥皂, 不過用落當然冇咁方便, 講到衞生又好用, 咁你就要試吓煙肉梘液喇(Bacon Body Wash)! 5美金150ml, 我諗佢應該用咗優質靚豬造!

Read more ›
紅日補假醒晨早餐 煙肉番梘沖返個靚涼

紅日補假醒晨早餐 煙肉番梘沖返個靚涼

唔知大家有冇晨早沖個涼嘅習慣, 我有! 嗰日感覺會特別醒, 不過今日公眾假, 醒唔醒好呢……不過見到呢件嘢, 我真係醒一醒, 培根番梘喎! 即係樓下茶餐廳嘅硬到「摻嘴」煙肉早餐喎, 感覺真係好醒晨, 據知番梘嘅味道仲真係煙肉味, 唔知沖完涼出街, 身邊人聞到, 會唔會覺得你好肥膩呢?

Read more ›

入廚科技豬 壓實煙肉唔怕捲

分享呢件廚房高科技產品純粹個人喜好,因為的確好細心,隻豬又幾生鬼。話說有試過入廚煎煙肉嘅,都試過好苦惱塊煙肉成日捲埋彈起,呢隻豬形嘅鐵壓就完全解決倒以上煩惱,煎時將隻豬壓實塊煙肉,仲唔怕佢再彈起,而且仲有好似街霸joystick嘅木製手把,等你按壓時唔怕熱親,真係居家入廚必備呀!

Read more ›