Tag: 無臉男

超想買!《千與千尋》2020年曆擺設 無臉男捧骰仲有Kiki麵包舖

超想買!《千與千尋》2020年曆擺設 無臉男捧骰仲有Kiki麵包舖

好想買!2020嚟到,吉卜力工作室出咗3款全新座枱月曆擺設,3款都超靚,用咗《龍貓》、《千與千尋》同《魔女宅急便》做主題,其中Kiki同黑貓加埋個麵包櫃嗰款好靚好精緻,但係無臉男捧住粒骰嗰款又好靚,真係好難揀!

Read more ›

日本網民自製「無臉男雪人」 阿媽嚇到慘叫

日本網民自製「無臉男雪人」 阿媽嚇到慘叫

日本好多地方冬天會落大雪,居民梗係要砌吓雪人打發吓時間。日本有網民分享咗呢個自製嘅「特別版雪人」,係《千與千尋》無臉男呀!佢仲話阿媽朝早起身見到嚇到慘叫,咁佢專登整到無臉男向住窗口,仲要笑騎騎,真係心都寒埋嘅。

Read more ›
日本無臉男被警察圍? cosplay一日遊發生意外

日本無臉男被警察圍? cosplay一日遊發生意外

睇到張圖,唔好以為幪面都會俾警察拉,其實呢個日本網民cosplay無臉男出街玩,不過返屋企途中佢發現自己跌咗銀包,唯有以呢身造型去警察局‥‥‥留意佢仲搵隻眼嚟飲嘢,好囂張。入嚟有得睇網民為佢創作嘅畫作。

Read more ›
超可愛「無臉男」玩具 一式六款有隱藏版本

超可愛「無臉男」玩具 一式六款有隱藏版本

一直好鍾意無臉男,自從有台灣小朋友扮完之後,而家每次見到無臉男就諗起佢。講返正題,最近專賣吉卜力商品嘅「橡子共和國」推出一式六款嘅無臉男玩具,每款都有唔同動作,儲埋一齊超可愛,不過仲未知道隱藏款式係點,想知嘅可以去買盒嚟抽吓嘞,每盒780円。

Read more ›
【另類cosplay】日本超正笠頭T恤      無臉男/初號機頭型啱啱好

【另類cosplay】日本超正笠頭T恤 無臉男/初號機頭型啱啱好

無臉男出動!日本有得賣嘅呢個T恤系列超正,拉起件T恤笠住個頭就可以cosplay,既方便又低調。之前都有其他公司出過,不過今次嘅造型更加過份,除咗無臉男,佢哋仲有推出蜘蛛俠、初號機、死神流克同史萊姆,全部都超正,頭型啱啱好,每件賣2千零円,日本Amazon同樂天都有,夏天熱熱哋想cosplay啱晒!

Read more ›

【新片速報】日本搞笑無臉男短片系列 踩滑板跑馬路超好笑

每日都會睇好多搞笑網片,不過今次呢個無臉男系列,真心覺得幾好笑。影片一開始見到無臉男踩滑板,慢動作本身已經好有喜感,不過重點係尾段,留返俾你慢慢睇。睇返佢嘅Twitter,之前呢個無臉男仲去過馬路邊惡搞,拍落唔少短片,入嚟有得慢慢睇,真心推介,好配合連放4日假嘅輕鬆心情呀!

Read more ›

【新片速報】無臉男跳《逃避雖可恥但有用》片尾舞 加速版似抽筋

《逃避雖可恥但有用》片尾隻舞「恋ダンス」好多人都記熟晒,因為成日睇結衣BB跳吖嘛。日本啱啱又有人跳埋一份,今次呢個好有誠意,cosplay埋《千與千尋》嘅無臉男,舞姿仲好狂放,雖然有啲似抽筋,因為佢跳嘅係加速版。

Read more ›

日本熱傳公路上的無臉男 網民:「好有壓迫感!」

講起無臉男,大家呢兩日都係諗起台灣cosplay嗰個細路女啦,咁日本呢?就熱傳呢個公路上嘅無臉男嘞。有車主影到身後有架電單車,駕駛者居然係無臉男!而且仲越迫越近,勁有壓迫感!張連環圖喺Twitter有超過7萬個RT,不過有網民就發現無臉男無戴頭盔,好危險喎。

Read more ›

日本無臉男狂追千尋 學校文化祭排練連環圖熱傳

好驚呀!走呀!呢幾張連環圖最近喺日本Twitter熱傳,有學生排練緊文化祭嘅表演,應該係重演緊無臉男狂追千尋嗰一幕。攝影師影得好有迫力,睇相都覺得緊張,好青春呀!BTW,唔知無臉男會唔會一路跑一路嘔返啲人呀、青蛙呀出嚟?

Read more ›

《千與千尋》無臉男突襲首爾 做兼職金子變爆谷

《千與千尋》嘅無臉男完美咁演釋出孤獨是一種境界,最近佢居然仲扮浪子學人出走,走去咗首爾流浪!話說早兩日有人發現佢去咗弘大,之後又扮文青喺cafe嘆咖啡,仲吸引好多韓妹爭住同佢合照。最後佢走咗去戲院做兼職收銀員,唔派金派爆谷。佢嘅一舉一動全部放晒上韓國「홍익대학교 대신 전해드립니다」嘅facebook專頁,原來《千與千尋》最近喺當地嘅電影院再上映,所以就搞咗呢個宣傳活動。話時話,距離01年7月上映,《千與千尋》眨吓眼又13年,係時候拎出嚟翻睇吓。

Read more ›