Tag: 烏龜

【有片】日本奇譚「烏龜安全帽」扭蛋 手腳可收埋超搞笑

【有片】日本奇譚「烏龜安全帽」扭蛋 手腳可收埋超搞笑

日本奇譚嘅扭蛋設計一向好有創意,最近呢款烏龜安全帽,就連唔係龜迷都想儲。龜殼變咗不同款式嘅安全帽,最正係啲手腳全部可以收埋入個「殼」,入嚟有片睇,預計一月發售,記住留意返。

Read more ›

日本「熊貓之穴」烏龜扭蛋 龜殼變富士山超創意

日本「熊貓之穴」烏龜扭蛋 龜殼變富士山超創意

日本熊貓之穴嘅系列扭蛋一向高質,仲極有創意。最近公佈咗呢款「烏龜山」(マウンテンタートルズ)扭蛋,將龜殼變成一座座著名嘅山峰,再配上不同種類嘅龜,合共有4款,其中最多人識嘅應該係「富士山海龜」同埋「珠穆朗瑪峰象龜」,個人就認為火山「通古拉瓦火山鱷龜」都好吸引,仲有最後一款係「鷲羽岳星龜」,都係日本嘅名山,預計12月推出,鍾意嘅記住留意返。

Read more ›
日本超正《Mario Kart》一番賞 烏龜鐘/蕉皮拖鞋超想要

日本超正《Mario Kart》一番賞 烏龜鐘/蕉皮拖鞋超想要

BANDAI SPIRITS嘅一番くじ最新有孖車《Mario Kart》做主題,今日開始有得參加嘞。今次嘅產品最搶眼唔係Mario佢哋幾位主角,反而係一班配角!例如香蕉皮變成嘅拖鞋,烏龜坐喺雲上面吊住嘅鬧鐘,仲有好具殺氣嘅灰石像杯「嘅ドッスン湯呑み」,由今日開始喺日本7-11同イトーヨーカド有得抽,每次620円,去開日本記住試吓運氣嘞!入嚟有得睇晒所有獎品,包括咕臣、碗等等。

Read more ›
【可憐】烏龜爸爸背負太多    日本網民分享負載圖

【可憐】烏龜爸爸背負太多 日本網民分享負載圖

為人父親要背負嘅嘢實在太多嘞,最近有日本網民分享咗呢幾張圖,隻烏龜爸爸喺水池入面,隻烏龜仔就瞓咗喺佢個龜殼上面,咁爹哋背住仔仔,都好合理吖。點知轉頭有隻鴿經過,一個唔該都無,好自然就企咗喺烏龜爸爸個殼上面歇息,呢一刻隻龜爸爸應該心諗:「你班友仔俾我抖吓得唔得呀。」

Read more ›

有片:Lego車轆變義肢 斷手烏龜行得番

我好鍾意砌Lego,但無諗過除咗用嚟砌,仲可以當義肢使用。其實之前都見過有另一隻龜咁用,今次個轆就大個啲。片中烏龜好可憐,俾狗攻擊咬甩左前臂,死唔去但無咗隻手。好彩有好心人有計,幫佢喺殼底加個Lego轆,等佢可以繼續四腳趴趴,雖然步履有啲窒窒吓,但總算行動自如,可以鍾意去邊就去邊吖。

Read more ›

有片:估唔到龜速咁快!烏龜玩跑步機跟到步速!

喺「龜兔賽跑」故事裡面,烏龜被設定成行路慢吞吞,如果唔係驕傲白兔以為自己贏硬走去恰番覺,烏龜根本無可能勝出比賽,而喺現實世界,我哋眼見嘅烏龜行路亦唔快得去邊。卻原來,眼看未必為真,家陣仲要有片有真相,喺呢條短片裡面,烏龜唔知點解俾人擺咗喺跑步機履帶,履帶郁,烏龜郁,履帶漸漸加速,烏龜步履亦加速,履帶越滾越快,烏龜亦越跑越快。係,直頭可以用個「跑」字形容,好難想像烏龜原來識得跑,仲要跑得好快添。不過最後,你估,係咪真?

Read more ›

有片:咁都得?森林大火燒毀龜殼!3D打印龜殼頂得住!

呢隻龜叫Freddy,好可憐,喺一場森林大火裡面燒傷前肢,85%龜殼亦被嚴重燒毀,俯視可以直接見到肉身內臟,奄奄一息,慘不忍睹。佢命大死唔去,拼盡一口氣都要生存落去,更好彩嘅係,佢俾一班有愛心嘅人發現,透過3D打印技術重印龜殼,重新裝嵌番入身體,個龜殼仲畫得鬼咁靚添。漸漸地,Freddy開始回復健康,行得走得食得,大難不死,必有後福,希望佢可以長命百歲喇。

Read more ›

【咁都friend倒】日本柴犬與烏龜同一屋簷下 IG放閃爆人氣

動物組合嚟講,呢pair都算好有新鮮感,呢對日本家庭養嘅柴犬Senbee同埋烏龜仔Aosan經常喺IG曝光,而家呢個專頁@akiresh已經儲落超過2萬個fans,人氣度好高。柴犬個樣本身成日好似笑緊咁,已經得意度爆燈,估唔到唔止人類鍾意佢,連烏龜都想親近佢,見佢哋成日一齊玩一齊瞓,仲會一齊散步,似乎真係溝通倒,入去佢哋嘅IG仲有大量相同片睇,點解可以咁friend架?

Read more ›

世界烏龜日貼圖狂賀 烏龜傻笑好可愛

唔講唔知,12月5日原來係世界烏龜日,而家外國仲慶祝緊。咁最簡單直接嘅方式就係睇烏龜相嚟慶祝嘞。外國網站放咗大量得意嘅烏龜相,原來佢哋好鍾意笑,個笑容仲好pure好ture,仲有破蛋而出嘅烏龜BB,當然唔少得網上成日見嗰隻食紅莓食到成口好似爆血嘅烏龜,入嚟有得慢慢睇,快啲tag你啲龜公朋友啦,我指有養龜嘅朋友呀。

Read more ›

【義氣龜】有片 救兄弟奮不顧身 撞開同伴自己戟實咗

做人又好做龜又好,最緊要有義氣,見義勇為,唔好做縮頭龜。呢條片入面有隻細龜行行吓比嚿石戟住,進退兩難,拍片嗰位女士又尖叫又拍片,但就係唔出手幫幫忙,咁啱有隻大龜經過,見慣世面嘅佢好有義氣,打側用自己個龜殼將對方慢慢撞開,不過最後佢自己好似戟實咗‥‥‥

Read more ›

有片:45日7小時2分鐘 史上最耐一杆──唔入洞!

史上最耐一杆高爾夫球出現了,揮杆,直到高爾夫球去到洞口,竟然歷時45日7小時2分鐘,因為機關重重。自進入鯊魚口後,高爾夫球跌入船仔,船仔要靠慢慢流落嚟嘅糖漿推動,之後交個波畀烏龜,係,無錯,烏龜揹住高爾夫球,俾食物吸引一步一步行去下一個機關,直至龜背上面支旗仔觸動彈弓,高爾夫球先跌入雪條陣,雪條仔相對簡單啲,花啲時間溶雪就過關喇,跟住……誇張咯,靠青草慢慢生長,逐厘米逐厘米推動個波,再之後……發射,誰知……他媽的,搞咗咁耐,居然擦邊唔入,嬲呀!

Read more ›

【女友外遊出事】烏龜極速學壞 跟男友索K睇咸網

女朋友要去旅行,放低屋企隻烏龜比男朋友照顧,點知就出事學壞嘞!男朋友又比毒品佢索,又同佢一齊上網睇咸相(主角係烏龜),仲比佢飲可樂,出晒事。佢仲將啲相放上reddit網同網友分享,題目係:「我女友去旅行要我看住隻龜,唔好比佢出事。」睇嚟佢好得戚玩得好開心。唔知佢女友睇完笑唔笑得出?我諗玩吓啫,啲毒品假嘅,人同龜都係,take嘢衰硬,犯法o架‥‥‥

Read more ›

新片速報 烏龜開箱片 雪櫃冬眠4個月甦醒

開箱片睇得多,通常都係開吓遊戲機、手機之類,今次好突破,因為開嘅箱入面係一隻冰封咗4個月嘅烏龜!主人Neil Slorance將佢隻烏龜放入雪櫃冬眠咗4個月。據佢所講,咁做可以防止烏龜冬眠期間天氣轉變令佢醒,喺雪櫃可以保持住攝氏5度嘅溫度。咁開箱結果係點?吽吓吽吓嘅烏龜開頭郁都唔郁,好彩隔咗一陣終於識郁返,之後主人仲比佢游吓水伸展吓,不過要注意,唔係所有龜都要冬眠,同埋如果有嘢想問,可以去呢位非常主人嘅YouTube留言,佢回覆得好密,仲有問必答,好nice!

Read more ›

新片速報 Benz廣告玩龜兔賽跑 2日點擊過百萬

龜兔賽跑嘅故事由細聽到大,一向羨慕隻龜,做人咁辛苦為乜喎。估唔倒汽車品牌Mercedes-Benz嘅新廣告都玩龜兔賽跑,2日已經過百萬點擊。故事方面當然唔少得hard sell吓佢哋架新車2016 Mercedes-AMG GT S,隻烏龜坐咗上去,即刻可以秒殺兔仔,係就係老土咗少少,但勝在動畫做得靚,隻兔仔又夠囂張,幾好睇。

Read more ›

新片速報 烏龜反肚要翻身 兄弟幫手有義氣

乜嘢叫「仁者無敵」?我覺得呢隻烏龜拯救同類嘅行動,勉強可以用呢句嘢,起碼入面無暴力只得手足之情。大家都知烏龜最大鑊就係反轉咗個肚,咁重嘅殼點先可以翻身?好彩佢身邊隻烏龜有義氣,無掉低佢自己出去搵食,仲出盡力幫佢反轉龜殼,場面好感人!話時話,如果唔係人為,烏龜自己會唔會玩到反肚?有無龜主可以解答吓?

Read more ›