Tag: 炸雞

【邪惡】日本KFC再推出「炸雞Pizza」    韓式烤肉加芝士

【邪惡】日本KFC再推出「炸雞Pizza」 韓式烤肉加芝士

太過份,日本嘅KFC今日開始推出結合炸雞加Pizza嘅「Chizza」。今次已經係日本KFC第二次推出Chizza,但係點解香港仲係一次都未出?今次呢款喺炸雞上面舖滿韓式烤牛肉、雞肉、辣椒絲,再加大量芝士同蛋黃醬,啲芝士仲要拉絲!邪惡程度達到惡魔級。每份賣980円,售完即止,去開日本記試吓嘞!

Read more ›

炸雞定晚裝? 日本Twitter瘋狂惡搞炸雞圖

呢張圖噚日俾人放咗上Twitter之後,而家被不停惡搞。,左邊係個著住橙色晚裝嘅靚女,右邊係我哋好鍾意食嘅炸雞,又得確係勁似嘅。有人好快就將個女model下身變成炸雞,有人又將啲炸雞key上二次元角色身上,最後當然唔少得日本人好鍾意,ピコ太郎嘅Pineapple Pen‥‥‥

Read more ›

日本網民嗌「大盛」炸雞定食 嚟到竟然咁嘅樣?

其實呢間喺群馬縣嘅「芳味亭」都好出名喇,出名在只係加少少錢就變「大盛」,而且個「大盛」仲有超驚人份量,你睇個飯塔?呢位日本網民餓餓哋,咁又見加大都係多500円,賣1,350円唔會太誇張啩,咪叫「大盛」囉,點知,上菜嘅時候……有冇人諗住去挑戰吓?

Read more ›

【係咪寒酸?】日本女友用KFC炸雞殘渣煲湯 樓主:「有啲想同佢分手」

肯德基炸雞大家都鍾意食,咁KFC雞骨湯呢?最近有位日本網民喺2ch討論區訴苦,話女朋友將食完嘅肯德基炸雞殘渣拎去煲湯,佢覺得好寒酸,有啲想同佢分手。好多網民留言都同意咁做好污糟,樓主補充話女朋友有拎啲骨去洗,但都覺得好嘔心。不過亦有網民持相反意見,認為女朋友知慳識儉幾好喎。而且重點係煲湯嘅骨只係佢哋兩個食過,而唔係屋企人或者朋友食剩嘅。大家點睇?BTW,其實日本都有唔少影片同媒體試過用KFC煮食,甚至係將食剩嘅骨攞嚟煲雞湯,入嚟有回帶。

Read more ›

【超想食】KFC炸雞pizza 炸雞上舖滿芝士辣肉腸

堅想食!啱啱睇到KFC呢款叫CHIZZA嘅新食品,底部一塊炸雞,上面舖滿辣肉腸、菠蘿、青椒同半融嘅芝士,勁邪惡!可惜暫時只限菲律賓嘅KFC先有,而我相信自己短期內都唔會去菲律賓旅行‥‥‥據聞澳洲遲啲都有,香港都有個叫「拿坡里 Pizza 脆雞」嘅新產品,不過睇落啲醬料得好少,唔夠呢款咁似pizza咁霸氣喎。BTW,條廣告片喺KFC嘅菲律賓YouTube頻道見到,廣告嘅男主角又彈結他又唱歌,仲好多囡圍住佢,係咪好紅架?

Read more ›

日本Family Mart出心形炸雞 聖誕雞桶無得輸

好羨慕日本人,去便利店都有好味炸雞食,其中Family Mart就被好多網友評為最好食嘅炸雞便利店。最近佢哋公佈12月9日開始有心形炸雞買,睇落好似啖啖好好味,數量限定,每件賣205円,去開日本要試吓。唔講唔知,原來佢哋旗下仲有間叫FAMIMA PREMIUM CHICKEN嘅聯營店,聖誕節有炸雞套餐外賣,即係Family Mart版嘅肯德基,睇見一桶桶炸雞,我又肚餓喇。

Read more ›

韓國炸雞版Prada 包裝玩高級

去韓國,食炸雞飲啤酒是常識吧。呢間韓國炸雞店PURADAK(프라닭)稱自己係炸雞之中嘅名牌,賣點係包裝夠靚,嗌盒炸雞外賣,有個靚靚嘅黑色金邊嘅盒裝住,面層再用個黑色索袋裝住,加上logo又係P字頭,仲用埋三角形設計,好似去Prada買咗對鞋咁款。盒入面仲分兩層,上層醬料同埋配菜,巧精緻。至於啤酒嘛,都有得打包,當然都係用高級膠樽裝住,好似飲香檳咁。

Read more ›

肯德基唔係雞? 直擊製作過程10個工序

成日有人質疑肯德基用嘅唔係真雞,繼日前麥當勞拍咗條直擊製作工場嘅片之後,KFC肯德基啱啱都玩直擊工場,今次去咗佢哋路易維爾嘅廠房,原來要製作炸雞需要經過10個工序,不過講真又同阿媽喺屋企炸雞嘅程序相差無幾,入嚟有GIF睇。唯一發現係我哋唔會喺屋企整倒家鄉雞,因為佢哋用嘅係特製調味料,另外佢哋用嘅真係雞(似乎係),最後就係嗰度嘅員工Lunch真係可以日日免費食炸雞,不過佢哋唔制。

Read more ›

韓國古怪發明 炸雞手指套保護兩隻手指

古怪發明唔一定日本先有,韓國最近都急起直追,好似呢個炸雞手指套就令人眼前一亮。韓國人鍾意食炸雞,睇千頌伊都知,唔想整污糟雙手,可以戴對透明膠手套,如果只會用食指同手指公,可以用呢個指公套,一個長方形套,好似著褲咁,將兩隻手指穿入去就得,但係我諗唔明,咁樣乾淨啲方便啲咩?萬一啲汁流咗落第二隻手指,咁咪前功盡癈?

Read more ›

有片 KFC雞骨頸鍊 14K包金限量20條

KFC之前都出過炸雞襟花,限量100個賣美金$20,以為今次玩grand啲,出埋14k金頸鍊,仲要用埋KFC真雞骨,點知睇真啲原來係由Kentucky For Kentucky網站製作嘅玩嘢頸鍊。雖然唔係官方出品,但一樣超認真,聲稱搵咗8件KFC雞再嚴選靚骨,經過清洗、風乾,再塗上14K金,限量20條項鍊,用咗足足一個月製作。8件雞同1條頸鍊,我想要8件雞多啲。

Read more ›

有片 KFC炸雞襟花 $20隻火速售罄

唔係講笑,呢個KFC炸雞襟花唔係fans made,而係美國KFC嘅新產品,每隻盛惠美金$20。推出幾日超好賣,第一批100個火速售罄,而家開始有第二批,手快有手慢無!今次係美國KFC同一間花店合作,限量供應炸雞襟花,KFC仲好認真拍埋短片推廣,不過提供網上訂購嘅花店講明隻炸雞要自備,唔,或者咁先顯出你嘅盛意啦。下次有飲宴,記住全場兄弟姊妹一人一隻,包唔會餓親。

Read more ›

新片速報 KFC新廣告 聖誕老人食炸雞

邊個話聖誕節一定要食火雞?食KFC炸雞都得,聖誕老人都示範呀!(可惜唔係KFC伯伯扮聖誕老人…….) 講緊係英國KFC最新嘅電視廣告,老實,一班人圍住口嗡嗡唱聖誕歌,仲要笑住唱表現得好雀躍,對於習慣一個人匿喺屋企打機過聖誕嘅我嚟講係會打冷震嘅。睇完笑完,仲可以上官網玩遊戲,就係用Twitter留個言講吓最想同邊個過聖誕同點解,答得好有機會喺最後一輯廣告度客串,吓?點解唔係獎我食一世炸雞o架?

Read more ›

KFC炸雞蠟燭 聞咗當食咗

話咁快仲有兩日又放假,有咩開心得過邊打機邊食KFC炸雞?如果掛住炸雞但係又怕熱氣,不如買呢盒KFC炸雞味蠟燭,聞咗當食咗。設計師Kathy Werking擺明係炸雞之友,因為除咗KFC蠟燭,佢仲將會出埋外國KFC嘅必嗌飲品Ale-81嘅香味蠟燭,全部都係限量版。試幻想夜晚一邊打機一邊聞住炸雞香味,係咪好肚餓呢?

Read more ›