Tag: 炮轟

【有片】德國政府單車廣告    女性團體炮轟過份性感

【有片】德國政府單車廣告 女性團體炮轟過份性感

德國踩單車嘅死亡率超高,單係2018年就有432人因為踩單車而死亡,最近德國政府拍攝咗一輯破格嘅宣傳廣告,搵嚟一班年青男女著住內衣戴頭盔,標語係“Looks like shit. But saves my life.” 因為喺德國踩單車唔戴頭盔唔犯法,而17-30歲嘅年青人會戴頭盔嘅只得8%。輯廣告仲搵咗德國Next Topmodel嘅Alicija Köhler參與攝,不過個廣告就引起唔少女性團體抨擊,話唔需要著得咁性感,咁其實入面有男有女,有無男性都想平反吓?入嚟有廣告嘅making of可以睇埋。

Read more ›

【有片】「東京馬拉松」頒獎禮    網民炮轟小池百合子「雙手插袋」

【有片】「東京馬拉松」頒獎禮 網民炮轟小池百合子「雙手插袋」

啱啱過去嘅星期日係「東京馬拉松」嘅大日子,不過就發生咗段插曲,話說比賽由埃賽俄比亞選手Birhanu Legese以2:04:48佳績奪得冠軍,當日又落雨又凍,賽事結束後東京都知事「小池百合子」為得獎者戴上獎牌,之後由於天氣太凍(當時得攝氏6度左右),佢將雙手放咗入褸袋度,而呢個行為就被網民炮轟無禮。因為喺日本人傳統嚟講,雙手插袋(衫或褲)都係極之隨意嘅行為,網民認為佢咁做係唔尊重賽事同埋選手。活動後有記者問小池百合子雙手插袋一事,佢都道咗歉同埋話知道自己無禮咗。不過網民似乎唔多接受,仲話擔心佢之後2020東京奧運會再次失禮,入嚟有當日嘅頒獎片回帶。

Read more ›

日本ANA廣告被轟歧視 鬼佬話醜化

日本航空公司ANA全日空嘅最新廣告,最近比鬼佬炮轟歧視。事緣為咗推廣全日空喺羽田機場新增咗多條國際航線,佢哋拍咗條新廣告,兩個日本航空人員商討點樣改善日本人嘅形象,講講吓其中一個突然變咗長鼻金髮 – 典型日本人眼中嘅鬼佬外型,就係咁,惹嚟大量鬼佬投訴話醜化,最後ANA道歉兼話會播放第二個修剪版本,但老老實實,我唔多覺有歧視,又唔係話你扁鼻禿頭,敏感咗啲喎。

Read more ›