Tag: 灰機

Lego版任天堂「灰機」 最正係個電視機

Lego版任天堂「灰機」 最正係個電視機

任天堂同Lego合作又點只咁少,嚟緊仲有呢個香港以前都有賣嘅「LEGO® Nintendo Entertainment System」,即係紅白機嘅歐美版本,而且最正係個電視畫面可以郁嘅!仲可以同之前出嘅大叔Lego連動添!8月1日發售,$229.99美元。

Read more ›

忍者龜灰機賀30週年 Partner in Kryme都撐

任天堂灰機就算有都唔知塞咗喺床下底邊個角落。不過仲有機迷好神心,儲起佢不特止,仲幫佢改良自製成特別版。呢部忍者龜灰機設計者叫Jared Guynes,Facebook專頁「Platinumfungi」,佢專為紀念忍者龜30週年而設計呢部新機,足足用咗150小時製成,唔止機身,連4隻手掣都特別設計,每隻掣代表一個角色。佢仲搵咗主唱忍者龜90年電影主題曲「TURTLE POWER」嘅樂隊Partners in Kryme成員幫佢拎住部灰機影相,好威。入嚟有得回帶睇埋之前介紹過Ryan Fitzpatrick整嗰部綠色忍者龜灰機,一樣堅靚。

Read more ›

忍者龜NES灰機 ebay賣港幣一萬蚊

好叻搵錢嘅懷舊機迷Ryan Fitzpatrick,繼之前重製嘅Mega Man 2任天堂灰機之後,最近又整咗部忍者龜NES灰機放上網賣,ebay而家bid緊美金$1275,接近一萬蚊港紙,好貴。除咗機面有四格不同角色嘅忍者龜,四隻手掣都係不同角色做主題,加埋啡色嘅插蘇,擺明出盡力希望賺忍者龜迷銀包入面嘅錢。入嚟有得回帶睇返Mega Man 2任天堂灰機,仲有Castlevania、孖寶兄弟主題嘅灰機,梗有一款開正你嘅童年回憶。

Read more ›

懷舊 LEGO版灰機 入到遊戲帶

香港自任天堂紅白機年代開始,已經有美版同日版入口,冇記錯的話,行貨好似係灰機,即係美版機嚟嘅。咁當時你買嘅係灰機定紅白機,好彩我係紅白機,如果唔係大個咗應該冇咁崇日。呢位外國嘅機迷weltall1028就懷舊喇,用LEGO自製咗部任天堂灰機出嚟,而且仲可以放餅遊戲帶入去,像真度都幾高。

Read more ›