新片速報 老伯與熊玩咬頭 大膽搵命搏?

唔駛驚,呢個男人無比隻灰棕熊食落肚。條片最近放咗上YouTube,好多人都大吃一驚,原來人類同出名兇悍嘅北美洲西部灰棕熊可以friend成咁。片中嘅男人Doug Seus係隻灰棕熊嘅訓練員,71歲嘅佢有40年養熊經驗,而家同老婆一共養咗3隻灰棕熊,佢得閒就同啲高8呎6吋、重1000磅嘅熊玩摔角,好大膽!不過呢幾隻熊好威,同畢彼特、摩根費曼等荷里活巨星合作過,又拍過美劇《Game of Thrones》,熊界嚟講算明星級。

Read more ›