fbpx

Tag: 火雲邪神

《王風雷傳奇》邪神著王帝的新衣? 毒龍鑽鑽手肘再出摧心錐係乜玩法?

《王風雷傳奇》邪神著王帝的新衣? 毒龍鑽鑽手肘再出摧心錐係乜玩法?

拎今期第11期《王風雷傳奇》上手,只有不斷搖頭嘆息加O嘴,故事睇唔明就預咗架嘞,但有啲位真係連畫面表達同正常邏輯都未達標,我接受唔到。先講龍虎三皇圍攻火雲邪神嗰段,小虎用寶劍刺入邪神雞心,旁白寫「邪神有易筋經加上天蠶寶衣護身,寶劍只能入肉數分」,而畫面呢,係畫到邪神赤裸上身嘅,件天蠶寶衣去咗邊?定只不過係王帝的新衣?睇唔明。三揪一打大佬,啲招數可唔可以合理啲呢,王小虎出電光毒龍鑽,頂吖,居然唔係鑽邪神,而係鑽石黑龍手肘,旁白話此舉能「令推心錐的殺傷力倍數上升」,大佬呀,痴線嘅咩,絕招嚟架,莫講話之後出推心錐,被毒龍鑽鑽完,條手臂仲有得剩?Anyway,fortunately,仲有一期就大結局了,兼提提大家將會喺1月22日出版,下周唔使撲書。

Read more ›

Un頂able! 喪屍打邪神+毀容多對角+珍珠變瀕死的巨人?

Un頂able! 喪屍打邪神+毀容多對角+珍珠變瀕死的巨人?

唉,睇完今期第1078期《新著龍虎門》,有幾處真係連我呢個港漫死忠都Un頂able。一,第9頁珍珠之死,珍珠無厘頭俾天下無敵整死,我唔覺得突兀,想當年舊著《龍虎門》老祖完出場,只不過因為要搵紫河車,就無仇無怨地殺死銀鈴取腹中塊肉,家陣珍珠死無全屍,反倒符合人物一貫濫殺性格,突兀嘅係構圖,天下無敵企喺插住珍珠嘅震乾坤劍柄上面,透視同人體比例Totally錯晒,珍珠畫得過份地大,變咗「瀕死的巨人」,天下無敵畫得離譜地細,變咗雪姑七友啲Friend。二,第24頁喪屍圍攻,天下無敵大把絕世武功,搞乜要用甚麼「九死邪氣」啟動死屍打邪神?喪屍識打交?唔知仲以為睇緊《The Walking Dead》。三,第32頁勇哥毀容,雖然書名叫〈西城勇之死〉但一早估到勇哥唔死得,Fine,就當毀咗容代表天下再無西城勇獨剩火雲邪神,但毀容正正經經畫到眼盲裂嘴崩耳面爛And頭髮燒光咪得囉,因乜解究俾地心熔岩一燒,會燒到額頭起對角呢?千萬個唔明。好彩,第7頁有句令我稍稍安心嘅旁白:「雖僥倖逃離天牢,但心知一刻鐘內必遭強制逮回」,未知「一刻鐘」有幾耐,但總算暗示咗天下無敵最後都會收歸番虛無,搞局唔會搞得好耐。真心Mode,夠嘞,跪求編輯大人,完咗呢輯〈獵龍屠神篇〉後,希望《新著龍虎門》以後唔好再有天下無敵嘅出現,一期都唔好,一頁都唔好,一格都唔好,出現喺邊個邊個角色嘅回憶裡面都唔好,真係怕怕了,萬謝。

Read more ›
《新著龍虎門》又出老祖宗搞局!邪神劈開兩半都黐得番埋?

《新著龍虎門》又出老祖宗搞局!邪神劈開兩半都黐得番埋?

《新著龍虎門》之〈獵龍屠神篇〉去到尾聲,打完一大輪,火雲邪神居然衰喺韋陀手上,係有少少始料不及,但更始料不及嘅係天蠶功。原來,天蠶功就好似AA超能膠,誇張到可以將一個差唔多齊中切半嘅人黐番埋一齊,好,就當你功力高高高高高高過喜瑪拉雅山,夾硬用兩手夾實個頭就可以唔爆,但又關啲甚麼佛家六識乜事呢?Cut「鼻」、「舌」同「意」三識就可以自我療傷,Cut晒六識會唔會升仙Or變超人?基於勇哥係男一唔可以整死佢嘅鐵律,就如此這般失憶敗走算係合理收場,但要佢失憶唔使搞到咁複雜兼無厘頭喎,使乜Cut意識啫,搵神武英明呀、韋陀呀、龍貫天輪流狂藕佢個頭咪得囉,藕到失憶都仲未夠咩,索性藕到佢癡癡呆呆之後又不屑殺之,成件事咁樣處理會唔會順眼啲?另,臨尾嗰頁於我極震撼,唔係畫面表達好震撼,唔係因為珍珠死所以震撼,而係把震乾坤令我震撼,唉……做乜又出老祖宗呀,老宗祖一出場,之後嘅故事又會九成九暴走了……

Read more ›
許景琛《龍虎門Z》第五期特別版 包收藏卡冊+通花鋁片卡

許景琛《龍虎門Z》第五期特別版 包收藏卡冊+通花鋁片卡

Wow,未見書封面卻先見其特別版精品!許景琛喺面書透露,《龍虎門Z》第五期特別版B隨書包一本收藏卡册,冊面皮製兼有嵌住張磨砂Q版火雲邪神金屬卡,側邊有拉鏈,內頁絨布設計,兼送多張火雲邪神通花鋁片卡一張,咁有埋親筆簽名就梗係指定動作喇。睇資料都幾實用,Size係13乘11吋,全冊30頁,每頁9格,Total可以擺放540張卡,售$250。好快開訂,有買趁手。

Read more ›
《王風雷傳奇》下期轉雙週刊 邪神+風雷髮色相似=閱讀困難

《王風雷傳奇》下期轉雙週刊 邪神+風雷髮色相似=閱讀困難

我承認我是一個非常包容嘅港漫死忠來的,縱使好畀心機都係睇唔明《王風雷傳奇》個疑似平空時空講乜,但亦唔介意每周課金$23。But,睇到今期第7期,我都有少少氣餒了,已經唔關睇唔得睇明事,今期係直頭有閱讀困難。因乜解究火雲邪神同未來版王風雷畫得咁似樣架,邪神紫色長頭髮,未來版王風雷則介乎粉紫與粉紅色長頭髮,兩人幾近同髮型又同樣著紫色褲,五官表情又近乎一樣,無旁白或對白說明,真係分唔到邊個打邊個。拜托,分色可唔可以做好番啲呢請問?另,由下期開始,《王風雷傳奇》會改為雙週刊,第8期將會喺12月25日出版,原因係袁家寶儲稿量不足,咁大家記得留意番出版日子。And,多咗一個星期時間,希望下期可以少啲Bug,執番靚啲大中細橋,處理番好啲打鬥場面。一個非常包容嘅港漫死忠敬上。

Read more ›
買全新一套《龍虎門》懷舊搪膠公仔 加$480換購透明黑火雲邪神

買全新一套《龍虎門》懷舊搪膠公仔 加$480換購透明黑火雲邪神

原來Kaiju One打算咁賣法,家陣只要買全新一套四個《龍虎門》懷舊搪膠公仔,即王小虎、奪命老妖、千變棍妖同王海蛟,加$480就可以換購型到核爆嘅透明黑黑級浮屠版火雲邪神,邪神仲有新面具架。大家收到未?限量40隻,要搶的。

Read more ›

Kaiju One《龍虎門》火雲邪神搪膠公仔 加推黑級浮屠版

Kaiju One《龍虎門》火雲邪神搪膠公仔 加推黑級浮屠版

Kaiju One隻懷舊《龍虎門》火雲邪神搪膠公仔,家陣仲乖乖地擺喺屋企飾櫃,估唔到咁快有另一個版本。呢個黑級浮屠版火雲邪神,限量30個,透明黑造型又確實係型。我心郁郁緊,仲入唔入手好呢?

Read more ›
網圖分享:范興業的女版火雲邪神

網圖分享:范興業的女版火雲邪神

繼續係《龍虎門》角色,繼續玩女人化,面書朋友仔范興業今次畫嘅係女版火雲邪神西城勇。印象中,佢多數畫全身,鮮有如今次般畫半身加大頭。得番條事業線,係無咁Sexy,但一樣畫得靚,我一樣期待著色版。

Read more ›
許景琛《龍虎門Z》特別版B 包邪神3D打印公仔$380

許景琛《龍虎門Z》特別版B 包邪神3D打印公仔$380

許景琛《龍虎門Z》有兩個特別版,A款之前報導過,包88款人物卡、1張閃卡,售$118,預訂送王小龍Postcard;B款包10cm高火雲邪神3D打印公仔,顏色係磨沙金,售$380,預訂送王小虎Postcard。說老實,我兩個特別版都想要。

Read more ›
Whisky TASTE x《龍虎門》 火雲邪神威士忌出場

Whisky TASTE x《龍虎門》 火雲邪神威士忌出場

Whisky TASTE聯乘《龍虎門》推出嘅5款主角威士忌已經嚟到第三彈,繼王小虎同東方無敵後,今次有請勇哥出場。火雲邪神係邪派男一,武功高強到屈機級,深得港漫迷喜愛,呢支威士忌個酒標咁有霸氣,勇哥Fans好應該買番支看門口,8月28日開賣。

Read more ›
許景琛《龍虎門Z》特別版 包Q版火雲邪神3D打印公仔

許景琛《龍虎門Z》特別版 包Q版火雲邪神3D打印公仔

許景琛《龍虎門Z》原來仲有一個特別版,呢個特別版當真特別,唔係平時賣貴啲嘅手繪封面版,而係附送Q版火雲邪神3D打印公仔版本。價錢未知,許景琛話遲啲再公佈喎。

Read more ›

Kaiju One搪膠石黑龍+火雲邪神+老祖宗 各售$580

Kaiju One搪膠石黑龍+火雲邪神+老祖宗 各售$580

終於有詳細資料,Kaiju One推出嘅三個《龍虎門》搪膠角色──石黑龍、火雲邪神同老祖宗,全部都賣$580,動漫節2019有售。面書專頁好搞笑咁話:「絕對充滿老中青三代嘅矛盾及世代之爭,亦完全反映現今香港社會嘅狀況,後生仔vs富二代vs呀爺式家長」,哈哈,言重了,玩玩具嘛,玩玩具就係想逃避現實嘛,千其唔好講到「反映現今香港社會嘅狀況」咁嚴重。老實,未真正摸過上手,賣五舊幾水我唔識評平定貴,但《龍虎門》始終陪住我哋大,加上又係本地創作,希望大家支持吓。而於我,就當買番個七八十年代屋村仔睇公仔書嘅美好回憶,都抵。

Read more ›
《新著龍虎門》聖上出招「霹靂啪嘞」? 四大教主之戰幾時完?

《新著龍虎門》聖上出招「霹靂啪嘞」? 四大教主之戰幾時完?

忙到HiHi,搞到今日先有時間睇第993期《新著龍虎門》。睇書心情好跌宕,過程大致可分為四個階段,一,沉悶,繼續打打打打,勇哥繼續打極唔死,場交繼續打極唔完,聖上加鐵五郎加南傑加東奇勾心鬥角,勉強都叫做講得通喇,係劇情拖到有啲恰眼瞓啫;二,搞笑,睇到第五頁,聖上一連打出九個火球,係威係勢,以為又出九陽大霹靂喇,點知唔係,係「霹靂啪嘞」,斷估呢四粒字應該係等同平時「轟隆」、「砰」、「啪」之類嘅擬聲字,但用錯字款兼擺錯位,搞到好似招式名咁,笑咗;三,驚喜加安慰,埋尾喺地窿捐咗個忍者出嚟,救走勇哥兼自爆拒敵,我心底裡暗呼一聲:「好嘢!四大教主之戰應該完咯!」勇哥不死,俾人救走,收科,Good吖;四,失望,睇埋書末下期預告,寫住:「邪神命不該絕,最後關頭有人出手相護,而這個人……竟然是石黑龍」,頂,無端端又關石黑龍事,即係又要打番十期八期先可以離開呢個甚麼幽靈島?唔好咯啩?

Read more ›
網圖分享:高質《功夫》插畫 神還原火雲邪神

網圖分享:高質《功夫》插畫 神還原火雲邪神

斷估無人無睇過周星馳《功夫》,戲裡面個個角色都好有特色,令人留下深刻印象。北京自由插畫師「頑形」都好愛呢套電影,其創作嘅《功夫》Q版插畫好高質,我最鍾意畫梁小龍嗰一幅,好有神髓,神還原戲中火雲邪神造型;楊過同小龍女嗰一幅都正,一肥一瘦包租婆同包租公,肢體動作同表情都好出;反而阿星出刀老笠阿芳嗰一幅,就平凡咗啲。

Read more ›
印度尼西亞Coser愛《龍虎門》 王小龍最英……

印度尼西亞Coser愛《龍虎門》 王小龍最英……

又係無聊瀏覽面書,無意中Click入「Legasi Manhua Malaysia @ Komik Hong Kong Fans」。此馬來西亞Cosplay組織,剛剛Post咗一輯Cos《龍虎門》角色嘅相片。睇得出呢班印度尼西亞Coser好認真,王小虎Cos得都OK喇、石黑龍就唔知點咁、王小龍有英氣我Buy、王小鷹一般過一般無乜驚喜、王風雷頭髮無豎起有啲失色、火雲邪神有面具就掂唔評論,至於玉兒……

Read more ›