有片:藝術嘅嘢,你識火藥咩?用火燒出嚟嘅畫!

唔好再講:「藝術嘅嘢,你識條鐵咩?」而應該講:「藝術嘅嘢,你識火藥咩?」我識一半呀,呢個世界就係有火藥畫存在,有畫家以火藥代筆,灑火藥做圖案,一點火,熊熊熊熊!火沿住火藥燒,就如此這般地燒出理想圖案,就似片中隻北美麋咁,真係燒得好靚。之但係點解我話只識一半呢?因為我諗唔明畫紙係乜?照計無理由係普通畫紙,實燒爛喇。上網搵資料,話用絲綢作畫布,乜絲綢防火嘅咩?小弟才疏學淺,諗唔明,有無人答到我?

Read more ›