Post Tagged with: "激光劍"

玩高達插眼圖 激光劍變古法頭抽
by / on 30/05/2018 at 10:15 pm

玩高達插眼圖 激光劍變古法頭抽

美味棧古法頭抽係乜?美味棧係品牌,頭抽係豉油一種呀。係呀,家陣做宣傳真係要與時並進,之前美味棧抽佛系乜乜佛系物物幅圖水,我覺得尚可以,但人咁抽佢又咁抽,略嫌有啲睇到膩。今次唔同,抽喺網絡Hit足咁多年嘅高達自插雙眼圖水,原本嘅激光劍變成頭抽兩大支,一樣係插眼,而效果竟出奇地好,我笑咗。

Read more ›

【P圖大戰】毛毛蟲揸竹葉變激光劍 網民狂改突入《龍貓》場景
by / on 24/09/2016 at 11:37 am

【P圖大戰】毛毛蟲揸竹葉變激光劍 網民狂改突入《龍貓》場景

首先呢條毛毛蟲都幾得意嘅,但無端端成為咗網民嘅P圖對象就有啲無辜。最近外國Reddit嘅網民又嚟P圖大戰,今次嘅對像係呢條拎住支竹嘅毛蟲,網民發揮創意,將佢P入龍貓動畫入面,仲有星戰、戰場、垂釣、比卡超,連食煙嘅GIF都出動埋,好正。BTW,唔好放大隻蟲嚟睇,其實睇真啲個嘴都幾恐怖。

Read more ›
光劍BBQ食物夾 夾雞翼會發聲
by / on 03/05/2016 at 9:00 am

光劍BBQ食物夾 夾雞翼會發聲

使唔使咁型呀?BBQ都關《Star Wars》事?就係關,揸住呢支光劍BBQ食物夾,真係燒烤都型過人。食物夾全長22.5吋,重1磅,入兩粒3A電就用得。入電?點解要入電?問得好,因為會發聲呀。試幻想吓,當你夾起熱辣辣雞翼嘅時候,食物夾會發出Darth Vader經典劍鳴聲,仲唔成場人望住你?每個$29.99美金,可以考慮喎。

Read more ›
網圖分享:《Star War Girls》揸激光劍型爆 Wojtek Fus的女強人
by / on 02/01/2016 at 5:30 pm

網圖分享:《Star War Girls》揸激光劍型爆 Wojtek Fus的女強人

無乜特別原因架咋,Just因為覺得《Star Wars:Force Awakens》裡面唔夠女強人,所以插畫師Wojtek Fus創作呢個《Star War Girls》系列作,個個女強人都揸激光劍擺晒Pose,好型。

Read more ›
星戰光劍變自拍神器 黑武士都要玩自拍
by / on 02/01/2016 at 11:24 am

星戰光劍變自拍神器 黑武士都要玩自拍

作為星戰迷,屋企應該有收埋唔少把光劍,不過呢把有啲唔同,唔識發光,但可以帶出街玩自拍。呢把黑武士嘅光劍自拍棍終於有人出,喺Kickstarter有得買,開價美金$19.99,官方認可產品,生產商仲話佢同真嘅光劍有共通點,就係要用嘅時候先至延長,唔用嘅時候可以收埋佢。另外iPhone用家可以撳把劍上嘅掣嚟影相。不過睇埋佢張黑武士戴住頭盔自拍嘅宣傳相,就有啲膠味。 

Read more ›
食得落肚嘅尤達大師 超像真蛋糕
by / on 31/12/2015 at 7:00 pm

食得落肚嘅尤達大師 超像真蛋糕

《Star Wars》已經成為全人類生活一部份,為響應由世界各地40個蛋糕師發起嘅「Star Wars: The Bakers Strike Back」活動,北威爾斯蛋糕師Vicki Smith花20小時製作超像真尤達大師蛋糕。有幾像真?唔講係Cake,霎眼望仲以為係Figure!蛋糕主要成份係朱古力,披風紋理用薯仔磨皮器嘅手柄壓製而成,頭髮用糖絲製造,眼睛用食用蛋漿慢慢一筆筆油上去,除咗激光劍之外,所有部份都可以真正啪入肚。不過做到咁靚,我估好多人都會相機食先,甚至唔捨得食。

Read more ›

有片:Jedi + Sith森林舞激劍光 有姿勢有實際
by / on 24/12/2015 at 8:30 pm

有片:Jedi + Sith森林舞激劍光 有姿勢有實際

Jedi同Sith舞激光劍畀你睇?係,但舞到毫無殺氣,似中式兵器表演多過真正劈友,不過可能因為森林環境黝暗,顯得激光劍更加燦眼,舞出嚟嘅殘影又藍又紅,非常賞心悅目。睇得出片中兩位人兄有真正練過,單劍雙劍皆能,唔係亂咁劈亂咁斬,有姿勢有實際,如果舞真刀真棍,應該無人埋到佢哋身。

Read more ›
有片:對住尿兜互劈激光劍 上下一齊格劍
by / on 23/12/2015 at 8:30 pm

有片:對住尿兜互劈激光劍 上下一齊格劍

呢排好多YouTube頻道食住《Star Wars》個勢出片,包括「Dudesons」,今次唔玩自虐,玩兩人激光劍互劈。特效好Lo-Tech,用魚絲吊起玩具盒扮原力,又喺地鐵站電梯同天台互斬,劍拼劍,係咁意爆晒火花咁喇。搞笑位都唔係無嘅,打打吓人有三急齊齊入廁所小解,上演一幕上下一齊格劍;打入商場去到女性內衣店,見到靚女模特兒賣Bra海報,掛住睇女即時停手,兩人兩劍仲即時勃起添。Last天台一幕,叫做交代到輸贏,以黑武士斬條對方五隻手指作結,叫做輕輕鬆鬆都有啖笑咁啦。

Read more ›
【新片速報】自製星戰光劍 可以點煙劈白兵氣球
by / on 20/12/2015 at 12:16 pm

【新片速報】自製星戰光劍 可以點煙劈白兵氣球

睇完星戰人人都想有把光劍,玩具舖都有得買,都型但無攻擊力,網民Allen Pan就自掣咗把有火力嘅激光劍,今次真係激光唔只光,仲用佢點煙同斬白兵氣球,除咗藍光,仲可以加Boric Acid整綠光,可惜條光柱就幼咗啲唔夠氣勢。佢仲拍埋片簡介製作方法,手功其實唔錯,影片3日已經過160萬點擊,大家仲研究可以用Strontium Chloride整紅光變dark side,好有學術性。

Read more ›
【有片】原力失效!尤達戰日本喵星人!激光劍變逗貓棒!
by / on 19/12/2015 at 6:45 pm

【有片】原力失效!尤達戰日本喵星人!激光劍變逗貓棒!

喵星人果然厲害,連尤達大師都唔怕,激光劍扑頭又如何,喵星人誓死頑拒,時而群揪圍攻,時而匿埋抖抖氣,時而單打獨鬥,總之就沒完沒了鍊到底。呢鋪原力失效,難怪片名叫《The Force Doesn’t Awaken among cats》,好可愛,片長3分13秒,我睇晒。

Read more ›
網圖分享:中國畫x《Star Wars》 迪嘉《中式沙鍋》超頂癮
by / on 12/12/2015 at 5:45 pm

網圖分享:中國畫x《Star Wars》 迪嘉《中式沙鍋》超頂癮

是日分享本土藝術家迪嘉「中式沙鍋」系列畫作,英文叫「Chinese star pot」,玩諧音食《Star Wars》熱,屬中國畫筆風,構圖裡面有激光劍、白兵、黑武士、R2D2、尤達大師、BB8等等《Star Wars》元素,配埋「招財進寶」、「好事成雙」、「學業進步」、「貨如輪轉」等揮春式祝福語,相當老嚟,最重要係Made in Hong Kong,支持本土創作,抵讚。值得Save起佢,整個Collage當Wallpaper用,正。

Read more ›

【新片速報】 激光劍劈火雞 夢工場爸爸炮製完美特技
by / on 28/11/2015 at 11:54 am

【新片速報】 激光劍劈火雞 夢工場爸爸炮製完美特技

又係呢位小朋友,有個喺Dreamworks夢工場做視效特技嘅爸爸真係好。今次趁Thanksgiving,阿仔就玩激光劍劈火雞,照舊順暢俐落無破碇,火雞一嘢爆開。呢位做特技嘅阿爸Daniel Hashimoto喺YouTube頻道Action Movie Kid有大量專為仔仔創作嘅特技片,未睇過嘅一定要欣賞吓。

Read more ›
星戰激光劍學院 進修激光劍技術
by / on 07/10/2014 at 7:09 am

星戰激光劍學院 進修激光劍技術

各位星戰迷,有無諗過激光劍技術都有得進修?外國不愧係地大物博,居然有間叫Ludosport International嘅學院,專門教人使用激光劍抗敵,主要教大家一招半式用激光劍攻擊敵人。課程推出咗之後反應好好,大把人爭住學。而家喺英國、羅馬、俄羅斯都有學院教學。好!係時候將屋企把封晒塵嘅激光劍出鞘喇!

Read more ›
星戰牙刷迷你激光劍    愛藏口腔裡
by / on 09/07/2014 at 7:13 am

星戰牙刷迷你激光劍 愛藏口腔裡

作為星戰迷,屋企點都要有把激光劍看門口。如果因為阿媽/老婆/女友唔比鬧你阻碇,唔駛絕望住,你仲可以暗暗起革命,將屋企支牙刷換咗佢。呢支Star Wars激光劍牙刷,內置1分鐘著燈模式,提你刷足1分鐘先好停,不過唔知有無聲效。網上有得賣,一支港幣$25左右,買齊3支仲有折扣,儲齊尤達大師、黑武士同埋Anakin Skywalker都唔駛港幣$110,諗得過。

Read more ›
《星戰》激光劍變尿袋   16cm高無電著紅燈
by / on 16/05/2014 at 7:16 am

《星戰》激光劍變尿袋 16cm高無電著紅燈

終於等倒!今時今日尿袋一人一個,偏偏星戰嘅激光劍就無份出。最近終於打破慣例,日本公司86hero最新宣佈將會推出激光劍外攜充電器,俗稱尿袋,雖然得2800mAh只夠叉滿一次電,不過fans們點會介意?睇相見倒支激光劍短咗一載只得16cm高,只有真實比例嘅二分之一,而且唔識發光無得用嚟攻擊敵人。好處係無晒電時底部會發出紅燈提你叉電,好人性化。每隻賣8100円,大約港幣$600,當買個童年回憶都抵吖。

Read more ›