Post Tagged with: "潮流"

春夏潮流「龍蝦小手袋」 Kate Spade出品Twitter熱傳
by / on 03/04/2018 at 7:00 am

春夏潮流「龍蝦小手袋」 Kate Spade出品Twitter熱傳

Fashion嘅嘢,大家都係唔明架喇。最近日本網民熱傳呢個龍蝦手袋,紐約品牌Kate Spade出品,日本賣61560円,即係4千零蚊港紙左右,就可以令你成為眾人嘅焦點,側揹喺身好霸氣,好想Tag前特首夫人叫佢買返個。

Read more ›

日本女裝褲神似KFC炸雞 潮流嘅嘢無人明
by / on 27/09/2017 at 7:02 am

日本女裝褲神似KFC炸雞 潮流嘅嘢無人明

潮流嘅嘢有時真係好難明,有日本網民最近喺樂天網站見到呢條褲,佢話即時聯想起KFC嘅雞。之後網民不停放圖,有人話應該要配煲呔,有人話其實似紅蘿蔔。不過睇完依然好想買嘅,入嚟有Link,賣9200円,送俾鍾意食KFC嘅女仔朋友都唔錯。

Read more ›
【潮流嘅嘢】日本網民出圖反擊 超爛牛仔褲進化版
by / on 13/04/2017 at 7:35 am

【潮流嘅嘢】日本網民出圖反擊 超爛牛仔褲進化版

潮流嘅嘢,有時都真係幾衝擊吓。今年好流行呢款穿晒窿嘅牛仔褲,唔似以前嘅爛少少,今次係進化版,成條爛晒,基本上同著短褲無乜分別。日本有網民接受唔到呢種衝擊,出咗幾張圖表達自己嘅感受。佢嘅設想圖入面,牛仔褲爛嘅部位好多元化,但全部都令人好不安,唔知會唔會有一日流行呢?

Read more ›
【潮流嘅嘢】外國潮興「斷眉」look 零成本唔難學
by / on 31/08/2015 at 7:13 am

【潮流嘅嘢】外國潮興「斷眉」look 零成本唔難學

潮流嘅嘢有時都幾難理解,例如大陸呢排興放朵花或條草喺頭頂,之前韓國都興過將啲瀏海鬈成心型,相比之下,呢個外國興完再興嘅斷眉look就比較易接受嘞。將眉尾剃走一截,鍾意剃一間定三間悉隨尊便,最緊要係IG見到一班model同潮人都爭住玩,男女都玩得喎,難怪好快已經有大量人跟。暫時仲未有大媽阿叔玩,應該無咁易崩壞。

Read more ›
夏天狗狗新造型 圓咕碌定‥‥‥正方形?!
by / on 25/04/2015 at 7:14 am

夏天狗狗新造型 圓咕碌定‥‥‥正方形?!

夏天嚟到,又係時候幫心愛嘅狗狗剪毛。前排興染色,最近網上就流行將狗狗嘅頭修剪成圓形甚至‥‥‥正方形!通常被迫換新造型嘅都係貴婦狗多,而剪完嘅狗狗的確睇落可愛又整齊,我指圓形嗰種呀,方形真係好難接受。我諗佢啲狗友見到佢時一定會恥笑佢,佢自己照鏡都會忍唔住笑。

Read more ›
日本網民重溫92年潮流雜誌  「好老土!」
by / on 16/04/2015 at 7:15 am

日本網民重溫92年潮流雜誌 「好老土!」

每個人都有段黑歷史,如果你無,可能係時辰未到。最近有日本網民摷返1992年,即係23年前嘅雜誌出嚟,即刻引起其他花生友熱烈討論,當年嘅高中生潮人打扮,今日睇返大家都話勁老土,髮型方面,10個有9個都係梳經典嘅中間分界「三上頭」,衫就係棒球外套配牛仔褲。至於當年嘅「美少女」都唔弱,鬈頭髮白長褲肥嘟嘟,好彩嗰時興淡妝,睇落都唔算太驚嚇。識睇一定睇埋留言,網友形容:「男嘅點睇都係一班犯罪者。」、「而家已經變成大叔啦!」、「我見倒自己!」

Read more ›

【有片】超簡單自拍新潮流教學 「Donut Selfie」入異空間
by / on 30/10/2014 at 12:11 pm

【有片】超簡單自拍新潮流教學 「Donut Selfie」入異空間

o依家上網睇嘢咁方便,只要有創意,隨時都可以創出新潮流。呢個「Donut Selfie」成唔成功就未知,不過都有幾廿萬人睇過條片,而且玩法好簡單。呢位前Microsoft員工Karen Cheng就作咗示範,拍完啲片剪埋一齊,唔駛加特效,但出嚟嘅效果夠晒奇異。

Read more ›
辦公室影相新潮流    合併螢幕玩獅身人面
by / on 11/08/2014 at 7:13 am

辦公室影相新潮流 合併螢幕玩獅身人面

返工咁悶,除咗上fb八卦吓或者睇吓Gameover之外,仲可以好似外國呢班人咁扮吓動物。最近外國網上超流行影「office safari」主題嘅相,即係將自己同螢幕入面嘅動物二合為一,佢哋玩得好認真,好有心思配合得天衣無縫,亦都證明呢班友仔真係好得閒。睇完想玩?不如邀請你嘅女上司扮老虎吖,如果你唔怕死嘅話。

Read more ›
日本潮流雜誌《Smart》X《Tiger & Bunny》服飾睇啱即網購
by / on 06/07/2014 at 3:17 pm

日本潮流雜誌《Smart》X《Tiger & Bunny》服飾睇啱即網購

之前介紹過《劇場版 Tiger & Bunny ‐The Rising‐》日本Bandai出咗一系列主角服飾有得賣,件皮褸仲貴到喊賣3萬幾円。最近佢哋又同潮流雜誌《Smart》合作,同時裝品牌BEAMS、HTML ZERO3、override同埋JAM HOME MADE聯乘推出日常服,由頭到腳包括帽、衫、褲以至首飾都有得買,一件Tee都係賣3百零蚊,易入手好多。 可惜女裝得一頂冷帽咁大把,其實 Tiger & Bunny都有好多女fans,可惜《Smart》主攻男生,無計。

Read more ›
Instagram大熱喪影型老伯     越老越型
by / on 13/06/2014 at 7:06 am

Instagram大熱喪影型老伯 越老越型

外國好多老人家都仲著得好型,執得好四正整整齊齊,有啲著衫仲大膽過你同我。外國一個時裝界後生仔Christina Belchere最近開咗個Instagram戶口,開宗明義叫@fashiongradpas,入面影咗好多喺佢公司樓下經過,著得好型嘅老伯snapshots,由於題材得意,吸引咗好多外國潮流網站例如refinery29報導,成功吸引好多人follow佢!邊個話老咗唔可以潮?我覺得佢哋型過好多o靚仔,例如天堂鳥。Sorry我唔應該咁比。

Read more ›
紋身新潮流   Steve Jobs尤達紋上身
by / on 29/04/2014 at 7:03 am

紋身新潮流 Steve Jobs尤達紋上身

根據外國網站My Modern Met報導,而家越嚟越多人偏向紋一啲比較真實同埋細緻嘅紋身,而唔再係紋一啲符號或者語句。其中紋身師Nikko Hurtado就係當中表表者,佢嘅強項係紋人像,而且像真程度極高,由Star Wars嘅尤達以至蘋果教主Steve Jobs佢都紋過,效果唔多講,留返比你自己睇。佢除咗紋身仲有畫畫,最近畫嘅Scarlette Johanson好靚,唔知會唔會有人想紋佢上身呢?

Read more ›

日本美容新招    騎呢美容帶減笑紋
by / on 10/10/2013 at 7:03 am

日本美容新招 騎呢美容帶減笑紋

日本人貪靚之餘都好講創意,之前介紹過古怪雙眼皮托同埋增高鼻架,啱啱喺網站又有新發現,呢條美容帶聲稱可以減淡笑紋,戴住佢再跟指示做一堆擘大口再嘟嘴嘅指定動作,就可以減紋兼提昇面部輪廓。以美容器嚟講佢已經唔算樣衰,不過都強烈建議你匿埋喺房自己一個人時先好做,費事嚇親人,眾叛親離。美容帶盛惠港幣300左右,上網有得訂。

Read more ›