Tag: 潛入

日本喵星人潛入櫥櫃 打橫攝入超搞笑

日本喵星人潛入櫥櫃 打橫攝入超搞笑

喵星人最鍾意左攝右攝,匿喺啲你估佢唔到嘅地方,今次日本呢隻喵星人就好成功,佢竟然匿咗入個櫥櫃入面,仲要打橫攝入,睇見覺得又神奇又驚險,難怪佢個樣咁得戚嘅!

Read more ›

【森林潛入】Metal Gear式野外潛入 西人赤裸示範附教學

玩得Metal Gear多,個腦不停都係諗點樣潛入最安全,呢位外國西人Creek Stewart 就完美示範咗,仲喺網上寫埋教學。佢話最重要係除晒啲衫,之後搽啲濕潤嘅泥土上身再快速喺森林地面翻滾5分鐘,呢個時候應該可以好安全咁隱身喺森林入面而唔比敵人甚至動物發現。係咪好想學?其實佢真係一位野外救生專家,之前都教過好多資訊,入嚟有link。BTW,我想問點解佢塊樹葉要咁大塊?

Read more ›

有片 宇宙最強稻草軍車 潛入專用安全過《MGSV》隻馬

近排好多人都都玩緊《Metal Gear Solid V》啦?要潛入敵軍真係要好小心,啱啱喺網上見到呢架日本發明嘅稻草軍車,雖然唔係最新,但即係諗起如果MGSV入面有得用都幾啱駛,應該安全過騎馬喎!匿喺入面嘅軍人一身墨綠色嘅軍裝,連頂帽上面都專登貼咗幾條草,個頭突出嚟敵軍都唔會出感嘆號。

Read more ›

【有片三連發】爆笑熊家庭潛入鄰居水池 清水浸完變濁池

大熱天時有乜好得過跳落人哋屋企個水池玩咁爽?呢一家六口嘅黑熊最近就好唔怕醜咁走咗去隔籬屋後花園玩,一齊跳落比小朋友嬉水嘅泳池仔浸水不特止,仲玩埋人哋阿囝個私家滑梯。呢間屋嘅主人Tim Basso好有品,無出去阻止佢哋,只係離遠喺屋入面zoom埋去拍片,以免嚇親班熊仔。條片分成3 part,好快已經過咗5百萬點擊,睇住一大五細玩到好盡興,最正係玩完水之後拍吓蘿柚走人,而個水池就由之前清到見底,變到一片混濁灰濛濛,爽!一家六口沖完涼乾淨晒!

Read more ›

有片 倉鼠日式部屋 四通八達學潛入

如果屋企隻倉鼠突然間變到咁大隻你驚唔驚?原來係日本鼠迷專門設計嘅倉鼠日式部屋,入面有四間房,仲暗藏大量機關,推開櫃門就可以通去另一間房,攝入櫃筒底又可以潛去第二度,四通八達好好玩,啱晒屋企隻百厭倉鼠,難怪有網友問佢會唔會整多個放出嚟賣。

Read more ›