fbpx

Post Tagged with: "漫道"

漫道書展推出新港漫 張立人《奇幻集》全彩稿製作
by / on 04/07/2019 at 9:30 pm

漫道書展推出新港漫 張立人《奇幻集》全彩稿製作

早兩日報導過書展會有本新港漫推出,由張立人繪畫,初頭以為書名叫《睇相佬》,原來唔係。實情此書由久違了的「漫道」出版,叫《奇幻集》,而〈睇相佬〉不過係此書其中一個短篇故事,另外兩個故事叫〈鬼臉菩提〉同〈奪命化寶桶〉,全彩稿製作。鬼書,我Like喎,唔知又啱唔啱你口味?希望大家多多捧場喇。

Read more ›

漫道舉辦似顏繪課程 提供有錢實習機會
by / on 27/08/2018 at 6:35 pm

漫道舉辦似顏繪課程 提供有錢實習機會

有無興趣學似顏繪?有的話,可以考慮參加漫道舉辦嘅「似顏快繪班」,6堂$1800, 由草圖起稿、線條運用、上色技巧到實戰繪畫黑白或彩色人物肖像,統統有得教。完 完課程,如有導師Aman覺得表現好有天份者,會提供有錢實習機會,例如去海洋公園 呀、乜乜展覽呀、物物活動接Job等等,諗得過喎。

Read more ›
漫道辦「漫畫人物課程」 名額10個
by / on 16/07/2018 at 9:49 pm

漫道辦「漫畫人物課程」 名額10個

無論你係真正有志於從事漫畫業,又或只係得閒畫吓公仔純粹High,漫道舉辦嘅「漫畫人物課程」相信都幫到你一把,助你提升畫技。課程主要教點樣畫靚一個人,骨幹、姿態、衫花、設計、針筆勾畫等各瓣皆有涉獵,名額10個,學費$1800,報名要快。

Read more ›
畀個Like 擺「毒毒手記」畫版+貼紙
by / on 08/05/2018 at 10:00 pm

畀個Like 擺「毒毒手記」畫版+貼紙

唔知大家有無睇面書專頁「毒毒手記」?我覺得幾好睇嘅,有時都會睇到會心微笑。如果你都係Fans,想攞佢嘅親筆手繪畫版同精美貼紙的話,咁唔該Like「漫道」Page喇。

Read more ›
漫道送禮 插畫家C孔手繪板/文件夾/月曆/環保袋
by / on 26/03/2018 at 9:45 pm

漫道送禮 插畫家C孔手繪板/文件夾/月曆/環保袋

個人幾鍾意嗰類唔畫眼珠嘅公仔,感覺治癒望落好舒服,插畫家C孔嘅公仔就係呢隻Style嘞。家陣面書專頁「漫道」搞有獎小遊戲,唔係鬥快,係鬥多Like,後獎者可以得到C孔手繪板+文件夾或月曆+環保袋,截止日期到4月6日6:00pm。

Read more ›
《Robox Sketchbook 2》九折有交易 特攝Sketchbook將連載《漫道月刊》
by / on 06/08/2017 at 11:00 am

《Robox Sketchbook 2》九折有交易 特攝Sketchbook將連載《漫道月刊》

關於「漫道」消息有二,而呢兩單消息都關Felix Ip事。一,未買《Robox Sketchbook 2》的話,除可以去書屋買番,亦可直接向「漫道」補購,畫板連畫集$150,九折交收有著數;二,Felix Ip將會喺8月號《漫道月刊》開始,連載關於特攝嘅Sketchbook,係咪開心先?

Read more ›

Felix Ip書展出《Robox Sketchbook 2》
by / on 28/06/2017 at 11:00 am

Felix Ip書展出《Robox Sketchbook 2》

Felix Ip好多產,剛剛先推出漫畫版《今晚打喪屍》,好評如潮,話咁快又有消息話將會喺書展推出《Robox Sketchbook 2》。此畫集乃漫道出品,輯錄過百張機械人插圖,之前第一集唔知大家有無捧場?有嘅話,第二集無可能唔買;無嘅話,買完第二集覺得好睇的話,買番第一集儲亦唔過份。

Read more ›
撐《漫道月刊》創刊每本$30 足320頁逢每月1號出版
by / on 04/01/2017 at 10:00 pm

撐《漫道月刊》創刊每本$30 足320頁逢每月1號出版

喂?又復復復復刊,都唔知要用幾多個「復」字囉,今次變月刊,無錯係混亂咗啲,但我覺得市場上多一本書,始終都係一件好事,所以《漫道月刊》創刊號如無意外我都會買,每本$30,每月逢1號出版。咁創刊號有乜內容呢?姑且數數──GRA工作組〈惡犬之牙〉、Felix Ip〈鳥山明的機械Robox Sketckbook〉、腦子〈Pat-Man〉、鬼弦曲〈浮世詭物語〉、谷立〈秘儀Arcana〉、妮蘿〈不在人間〉、宅文〈靈魂的深度〉、山羯〈Hero Apps〉──不得不承認,我都淨係識Felix Ip一個,但足320頁喎,斷估都總有一個故事啱睇啩?真心支持港漫的話,唔好講嘢,科水唔該。

Read more ›
首屆漫道同人展開皮 入場即送《漫道月刊》
by / on 25/12/2016 at 3:53 pm

首屆漫道同人展開皮 入場即送《漫道月刊》

一個人過聖誕節感覺好孤單?唔使怕,有個好節目大把人陪你。首屆《漫道同人展》今日開皮,唔使錢入場,入到場,除咗有漫畫睇仲有大把著數嘢,一,可以立即登記成為《漫道》會員;二,即送厚達320頁嘅《漫道月刊》。係,《漫道》都唔知停刊復刊又停刊再復刊幾多次,但個人感覺呢本嘢其實做得唔差,屬好有Heart嘅熱血之作,係值得港漫迷捧場嘅。

Read more ›
【跟進】:《不是人間2》撞網次貨 漫道願意回收退款
by / on 15/09/2016 at 8:45 pm

【跟進】:《不是人間2》撞網次貨 漫道願意回收退款

《不是人間2》次貨流出市面,謝森龍異喺面書公開致歉,大部份讀者不但無怪佢,仲叫佢加油誓撐娜姐云云。至於出版社漫道,亦剛剛作出回應,喺面書話:「首先謝謝你對漫道和《不是人間》的支持,我們會個別回收,若讀者不滿(撞網)令《不是人間2》失去儲存價值,可親臨本公司退還款項。」雖然無正式道歉,但肯補鑊回收次貨兼退款,始終係一件好事,勉強都叫做肯負番責任。如果你買咗次貨,又無打算當錯版咁儲,咁勞煩你去出版社退番錢。最後,希望以後唔會再發生同類事件,大家齊齊支持港漫,好唔好?

Read more ›
漫道學院開班授徒 三皮學費+一年時間=漫畫家?
by / on 14/07/2016 at 11:00 pm

漫道學院開班授徒 三皮學費+一年時間=漫畫家?

漫道予我感覺係好熱血、好有Heart,家陣呢股熱血再度昇華,搞「漫道學院」直接開班授徒,希望為香港培養新一代漫畫人才,有關方面喺面書咁留言:「漫道學院宗旨,教導新生代認識漫畫,學習不同課程,理論+實踐,培訓更多人才,透過終極考試,合格者獲得一個出道機會,如作品得到市場認同,即成為《漫道》一份子,真正晉升為職業漫畫家。」開Course,當然要講錢,學院提供全日制初學漫畫班同全日制高級漫畫班,同為每半年學費$15,000,即係一年三皮。唔係柴台,不過我真係咁諗──三皮加一年時間,換一個出道機會,抵唔抵呢?Fine,就當你真係出道成功兼能夠成為《漫道》一份子嘞,又等唔等於已經晉升為職業漫畫家呢?帶番頭盔先,真心Mode,《漫道》停刊兩次都繼續出第三次,我從來無懷疑佢哋嘅熱情,不過……

Read more ›

漫道書展2016 必買葉偉青《Robox Sketchbook》畫板
by / on 11/07/2016 at 9:00 pm

漫道書展2016 必買葉偉青《Robox Sketchbook》畫板

係奇怪架,明明係漫畫,雖則我明都係書,但點解唔留喺動漫節而要喺書展推出呢?Anyway,漫道出咗宣傳海報,大家可以照單執藥買邊本,排名不分先後──謝森龍異《不是人間》第一及二期、J-head《御守者》第一期、張立人《尋武者》第一期、梁瑋豪《爆裂戰隊》全一期同葉偉青《Robox Sketchbook》畫板等寺。咁呢,我就必買《Robox Sketchbook》畫板,因為只限書展附送《Robox Sketchbook機械設定畫集》,佢啲粗獷筆觸同線條,我一向好Like。(攤位1A-C19、1A-C21)

Read more ›
《不是人間》再版惹罵戰 謝森龍異道歉抵讚
by / on 24/05/2016 at 10:00 pm

《不是人間》再版惹罵戰 謝森龍異道歉抵讚

係奇怪嘅,唔敢講話唔尊重讀者感受,但事實真係有不公平之處。講緊漑係謝森龍 異嘅《不是人間》單行本創刊號,之前出咗第一版,家陣話出第二版,出得第二版 係好事,即係多人買喇,但可惜,打算出嘅第二版講明比第一版大書度,而之後嘅 第二期,亦繼續會以大書度形式出落去,咁你叫買咗第一版嘅讀者情何以堪呢?須 知現今港漫市道疲弱,仍然肯出錢買實體書嘅讀者,十居其九都係儲書之人,第一 期細,第二期大,成何體統呢?此舉無疑惹嚟掠水之嫌。

Read more ›
復活節漫道特賣場 漫畫海報$10有交易
by / on 24/03/2016 at 9:30 am

復活節漫道特賣場 漫畫海報$10有交易

各港漫迷注意,今個禮拜六有時間的話,不妨逛逛「漫道特賣場Outlet」,帶一舊水上去,你可以拎十本書走。無錯,《王子不行了》、《魔王聯盟》、《黑之書》、《白之書》、《反轉騎士》、《未來留學記》、《漫道Battle》雙週刊統統$10有交易。除咗漫畫,同場仲有海報賣,謝森龍異《不是人間》、Felix Ip《Robox Sketchbook》、曹志豪《香港關機》等海報都係賣$10,全部都係我心頭好,呢三條草又係無走雞。暫開一場,只收Cash,拖定手推車上去掃貨啦老友。

Read more ›
漫道x《進攻足球》足球頻道「Channel MD」 甘小文做嘉賓
by / on 17/08/2015 at 1:00 pm

漫道x《進攻足球》足球頻道「Channel MD」 甘小文做嘉賓

作為一間漫畫公司,除咗出足球漫漫畫之外,我諗唔到同足球仲有乜關係。估唔到真係有,漫道好嘢,聯乘《進攻足球》搞咗個YouTube頻道「Channel MD」,除曹志豪、江少、羅邦、文俊、小丸及李Sir等主持節目同觀眾吹波經之外,間唔中仲會請港漫人做嘉賓,其中有一集邀請咗甘小文,由小文「專業分析」蛋治奧點解會喺1994年世界盃決賽射失12碼。蛋治奧者,巴治奧也,小文大作《至Goal無敵》角色是也,蛋治奧打飛機之謎終於解開,因為蛋治奧者擔心屋企煲湯無人睇火,又擔心屋企水浸浸濕珍藏鹹書,係好無厘頭,不過都幾搞笑……呢個「Channel MD」頻道,值得Subscribe喎。

Read more ›