Tag: 漫畫林

又係時候掃平漫畫 漫畫林聖誕開倉

人稱定自稱都好喇,有「漫畫垃圾桶」同「漫畫拯救員」之稱嘅漫畫林又搞「聖誕開倉特賣」喇,唔好問我有乜書,寶係要自己尋先有癮嘅;亦唔好問我貴唔貴,二手書嘅嘢,值唔值真係好見仁見智。值得一讚嘅係漫畫林會先輕輕清潔吓啲漫畫先賣,佢喺面書留言曰:「盡可能既情況下,我都希望每位客人揀完書後每雙手也是潔白的,這是一份對書的熱誠,對人的尊重。」啱聽!同埋,為環保,唔該自備購物袋,如果諗住大手入貨嘅,抬埋紙皮箱加手推車上去都唔過份。

Read more ›

漫畫林再次開倉 約定你10月2日掃平書

人稱「漫畫垃圾桶」嘅漫畫林實際上係「漫畫拯救員」,嚟緊10月2月佢又搞開倉特賣日喇,經義工們日以繼夜,夜以繼日幫手,各式漫畫同玩具已經整齊擺好,方便大家巡倉揀貨。喺呢個乜都靠手指篤篤篤嘅時代,居然仲有人肯花心機搞實體書特賣,淨係呢份對漫畫嘅熱情,已經值得畀Like。有心幫襯唔該發個輪畀佢,同埋為環保,唔該自備購物袋,如果打算大手掃貨,帶埋手推車加紅白藍都唔過份,我話嘅。

Read more ›

好評如潮 漫畫林開倉添食

自稱漫畫垃圾桶又好,自稱漫畫拯救員又好,專營二手港日漫嘅漫畫林上次開倉真‧大獲好評,加上得傳媒報導,微微起朵,所以決定添食,加開多兩場清倉大特賣,分別係5月14日5:00pm-9:00pm、5月15日 12:30pm-6:30pm。有乜書賣?唔好問我,自己走上去慢慢搵,寶就梗係要自己尋先過癮嘛;價錢抵唔抵?都唔好問我,從來二手漫畫都無所謂公價,心頭好嘅嘢,你覺得抵咪買囉,嫌貴唔買,都可以同漫畫林交個朋友,識多個Friend無壞啫,呢個Friend識得過。

Read more ›

買膠袋 為心愛漫畫包膠

香港天氣潮濕,漫畫擺得耐就會發黃甚至發霉,如果想漫畫十年後依然簇新如昔,最佳方法莫過於包書。我知,知你同我一樣都係懶,要你逐本漫畫包包書紙,真係死好過!如果直接放入膠袋存封,大家又點睇?

Read more ›

漫畫林開倉!平價補書只此兩日!

有無漫畫買漏一期半期?有無漫畫出嗰陣唔買依家又想買番成套慢慢煲?「漫畫林」,一個自稱「漫畫拯救員」嘅人兄,歷來都唔知拯救咗幾多本差不多要擲落垃圾堆填區嘅漫畫,今勻佢決定開倉兩日,十元八塊有交易,有無興趣入倉掟番個Round?

Read more ›