Tag: 漢堡包

【新片速報】日本超可愛柴犬伸脷瞓 遇上漢堡包咕臣

【新片速報】日本超可愛柴犬伸脷瞓 遇上漢堡包咕臣

呢隻叫チャーミ嘅日本3歲柴犬女真係好可愛,最近佢又有新片,主人買咗個漢堡包咕臣俾佢,睇佢好開心,又跳又瞓,仲瞓到脷都伸埋出嚟,可愛到癲,簡直係最佳代言人,入嚟有片睇,放鬆吓。

Read more ›

有片:很想試吧?漢堡包味炒雪糕!

有片:很想試吧?漢堡包味炒雪糕!

好難想像凍冰冰雪糕同油淋淋漢堡包可以扯上甚麼關係,但原來呢個世界居然有漢堡包味炒雪糕。唔使諗到咁複雜,製法係直接壓爛成個Burger King落鑊炒,由固體炒到變溶溶爛爛,再炒到一Pat嘢咁,呈類似午餐肉咁上下嘅顏色,之後剷起直接食用。如此這般,實在大有撈埋做瀨尿牛丸吖笨嘅況味,唔知係乜味道呢?我想試吓。

Read more ›
日本曳仔扮漢堡包 玩亂屋企無眼睇Twitter熱傳

日本曳仔扮漢堡包 玩亂屋企無眼睇Twitter熱傳

嚴格嚟講,呢個算唔算係一個漢堡包?有日本網民發現佢個仔仔玩到間屋亂七八糟,之後仲將自己收理喺個漢堡包咕臣入面,冚住自己扮乜都睇唔到,細細個已經好聰明!有網民忍唔住出手改圖,將佢變成麥當勞嘅廣告‥‥‥

Read more ›
Burger King員工每日送漢堡包俾患癌狗狗    網民感動熱傳

Burger King員工每日送漢堡包俾患癌狗狗 網民感動熱傳

最近有個網民分享咗佢嘅故事,話說佢隻10歲嘅狗狗Cody最近被診斷出有癌症,只係剩返1-3個月命,為咗令佢剩低嘅日子過得開心啲,佢哋每日都會去附近嘅Burger King買個plain cheeseburger俾狗狗送藥食。有日其中一位店員就好奇問佢哋點解會點無任何醬料嘅plain cheeseburger,狗主就講咗Cody嘅事比店員知,而店員轉身同經理傾咗幾句之後,就問咗狗主人嘅姓名,然後同佢講,嚟緊佢再買俾Cody嘅plain cheeseburger都會係免費嘅。呢位狗主人好感動,將件事放咗上Twitter,吸引好多人留言。大家都讚Burger King做得好好,而Burger King嘅官方帳號亦喺個帖下面留言話:「呢個世界需要多啲仁慈及同情,多謝你俾機會我哋為Cody做少少嘢。」回應大方得體又恰到好處,下次都買返個Burger King包食吓先。

Read more ›

漢堡包創意無限 金髮美女/生日蛋糕/太空飛碟乜都玩

將軍漢堡又返嚟,不過今次無咗玉子,我有啲嬲。講起漢堡包,一定要提吓呢個網站Fat & Furious Burger,專門製作啲意想不到古靈精怪嘅漢堡,最近又有新作品,包括外太空飛碟漢堡、情人節漢堡、金髮美女漢堡、Happy birthday to me漢堡、太極漢堡等等,全部都靚到飛起,而且真係可以DIY自製,之前佢哋出咗本書《Fat & Furious Burger》,入面有齊70道古怪漢堡包嘅食譜,可惜已經售罄,希望快啲加印啦,我真心想學。

Read more ›

新片速報 巨乳超模賣漢堡廣告 超動感惹爭議

廣告嘅嘢,有時唔駛諗咁多,多人睇就得。你睇李光洙同魯芬嘅能得利就知。今次呢條廣告,巨乳超模Charlotte McKinney疑似半裸演出,一出場就超震憾,最正係影片不斷用啲球壯物體遮遮掩掩佢嘅重要部位,效果好爆笑。最後原來係賣全天然材料嘅新款漢堡包,個漢堡包仲識彈吓彈吓,好有動感。不過YouTube留言就好熱鬧,有人鬧爆搵個人工美女賣全天然漢堡無天理,跟住又有好多人同佢爭拗,討論好熱烈,入嚟評吓理!

Read more ›

日本至尊漢堡手鈪套裝 隨意走芝士走生菜

初頭睇呢張相,我以為自己肚餓得濟出現幻覺,睇真啲,原來真係由漢堡佨組成嘅手鈪套裝。每隻手鈪都係漢堡包嘅其中一部份,想走芝士、走生菜隨你話事,簡單拎走其中一隻鈪就得,好方便。由日本時裝品牌FACETASM設計,開價14000円,夠買45個至尊漢堡。除咗彩色款,仲有全黑或者全白款式手鈪,不過識食/識戴嘅,一定係揀彩色。

Read more ›

自創麥記漢堡包 最多人投票正式量產

麥當勞得閒就會推出吓新包,有時啱口味有時麻麻哋,估唔到最近居然咁大膽,比網民自創口味!英國麥記最近搞咗個網上活動,大家可以入佢哋嘅網站自創漢堡,由麵包以至配料都可以任揀,加芝士走煙肉多洋蔥乜都得,仲有大量新奇刺激嘅醬料任揀,整完幫個包改個名放上網,最多人投票嘅12個包就會比麥記評審試試味,最正嘅5個包就會連續5星期,每星期一款喺英國麥記發售,香港有無興趣搞返個?

Read more ›

5呎4吋高漢堡包 勁在企得穩挑戰世界紀錄

5呎4吋,以女朋友嘅高度嚟講啱啱好,作為一個漢堡包嚟講就過份咗少少。呢間位於英國嘅餐廳Mister Eaters Fish and Chips,大廚John Clarkson最近整咗個號稱全球最高嘅漢堡,仲好威威幫佢改咗個名叫Pie-Scraper。入面唔止有平時見開嘅漢堡扒、生菜,仲有肉丸、意粉、薯仔批、布甸等等估你唔倒嘅食物,我最好奇係點樣可以做到迄立不倒?呢方面我睇唔透。

Read more ›

有片 第一次食漢堡包紀錄片 網民炮轟Burger King

星期日,有乜好得過食返個漢堡包加薯條?不過地球上某個角落嘅一撮人,就從來未聽過未試過漢堡包。漢堡包連鎖店Burger King最近就拍咗條紀錄片,比呢班人試吓漢堡包嘅滋味。第一次見倒漢堡包,大部份人都唔知應該點樣開始食好,有人拎起最面層嘅麵包分層食,有人用手撕開一啖啖食,大部份食完都話好正,仲請製作團隊食返佢哋嘅原始食物作回禮。不過網友就唔多欣賞Burger King今次嘅行為,話唔應該將啲唔健康嘅食物帶比唯一未被污染嘅人類食,我反而諗,佢哋食完一次無得再食,太唔人道了!

Read more ›

食漢堡包正確手勢 日本節目科學分析

有無發覺食漢堡包時,啲餡料經常會喺周圍跌出好尷尬?仲有啲茄汁或者沙律醬食得太投入時都會從後咇出‥‥‥日本電視節目《ホンマでっか》最近就搵咗幾位科學家做分析,教大家拎漢堡包嘅正確手勢,仲將漢堡包變成粒子做模擬圖分析,好專業。總括係要每邊三隻手指喺包上面輕按,底部就每邊用手指公同尾指托住,咁樣包嘅餡料就會向前推唔會四散,主持人仲即場示範。有無興趣轉頭落麥記做返個實驗?

Read more ›