Tag: 演奏

【有片】日本Twitter一日700萬瀏覽 森林搭建44米巨大木琴演奏

【有片】日本Twitter一日700萬瀏覽 森林搭建44米巨大木琴演奏

最近呢段片喺日本Twitter熱傳,唔夠1日已經接近7百萬瀏覽,有日本九州大學從事木製品研究嘅老師同學生,喺森林入面搭建咗一個超巨大嘅木琴,透過一個小木球向下滾動,彈奏出一首音樂,超勁。睇返資料,呢段片其實係8年前電訊公司Docomo製作嘅一個廣告,當年仲拎咗唔少獎項,當時目的係宣傳新出嘅一部木製手機TOUCH WOOD SH-08C同埋品牌保護環境嘅理念,木琴長44米,用咗414塊薄木做琴板,用咗3日時間製作及測試,入嚟有回帶,無睇過嘅一定要睇吓。

Read more ›

Sony E3演奏樂器涉嫌歧視    網民鬧爆原來跟車太貼

Sony E3演奏樂器涉嫌歧視 網民鬧爆原來跟車太貼

原來今年Sony PlayStation嘅E3發佈會發生咗段小插曲,話說介紹遊戲《Ghost of Tsushima》時,Sony搵咗人吹奏類似笛嘅樂器「尺八」,不過就引起網民Dani Jo喺Twitter嘅指控,話唔明點解Sony唔搵返日本人著返傳統日本服去演繹,而要搵外國人?件事仲牽連到種族問題,之後好多人留言鬧爆Sony,不過呢個時候有個日本人留言回覆,話其實演奏者Cornelius Boots係現存其中一個識呢種樂器嘅大師。留言之後,Dani Jo開始封鎖留言,之後仲刪埋個Twitter戶口。呢個故事教訓大家唔好跟車太貼,同埋鬧人前記住Google吓先。

Read more ›
【新片速報】日本網民玩直髮夾 調校熱度變音樂演奏

【新片速報】日本網民玩直髮夾 調校熱度變音樂演奏

新年流流,梗係要夾返個靚髮拜年,不過呢位日本網民就有新玩法,佢發現調校熱度嘅掣每撳一下會有唔同聲,好好玩,仲可以用嚟演奏音樂,超動感!睇片都覺得正,之後有網民發現呢個夾髮器賣7萬円超貴,睇嚟佢好重視自己嘅髮型,不過咁撳法好易壞喎。

Read more ›

【有片】《星戰》演奏可以咁玩 光劍代替小提琴弓

唔係最新不過啱啱先見到想分享吓。星戰嘅音樂出名,尤其是開場音樂,聽見都毛管楝。外國學校School Of Harmony搵咗一班學生扮Jedi一齊用小提琴拉奏星戰名曲,最正係小提琴支弓變咗做光劍,好有氣勢。音樂方面有齊主題曲、Star Wars : Cantina Band、May The Force、Han Solo And The Princess、Anakin’s Theme同埋Yoda’s Theme,有排聽。

Read more ›

【有片】超勁薩爾達鋼琴演奏 網民想點埋FF同Pokemon

本來普通彈琴片都無諗住share,不過一開條YouTube片一聽,真心覺得要share吓。呢位彈琴家Andrew Johnson彈奏出經典遊戲薩爾達嘅音樂,就算唔識音樂,淨係睇佢嘅表演都值回票價,條片短短幾日已經有超過50萬點擊,而且好多人激讚,連自稱係薩爾達超級fans嘅都話超正,有人仲留言點歌,話希望佢彈埋Final Fantasy、Pokemon同埋World Of Warcraft,留名等聽新歌。

Read more ›

新片速報 48隻水杯演奏孖寶配樂

西人真係寧舍得閒,好似呢位Dan Newbie就用咗48隻水杯、兩支鉛筆同埋一個煎pan,敲擊出孖寶兄弟嘅經典配樂,原來呢種方法演釋出嚟嘅孖寶配樂都幾好聽!作為由細打孖寶兄弟打到大嘅我哋,齋聽音樂都好有親切感。可惜入水管嗰吓聲,敲水杯都做唔返出嚟,唯有用返原聲囉。

Read more ›

Häagen-Dazs雪糕專用app 小提琴演奏等陣先食

唔講唔知,原來Häagen-Dazs雪糕由雪櫃拎出嚟之後,要擺佢等幾分鐘先打開蓋食,因為咁樣雪糕嘅柔軟程度先會係最perfect。但係大熱天時,買完杯雪糕你忍得住唔即刻打開嚟食?為咗誘導大家等多幾分鐘,Häagen-Dazs出咗官方app,開著過app影住杯雪糕,就會出現音樂家拉小提琴演奏嘅虛擬影像,當你聽完整個演奏,杯雪糕就啱啱好食得,睇落幾有心思,搞到我想落街買杯雪糕嚟試吓。

Read more ›