Tag: 演唱會

【新片速報】《動物之森》兔兔孖妹演唱會  日本網民做指揮Twitter熱傳

【新片速報】《動物之森》兔兔孖妹演唱會  日本網民做指揮Twitter熱傳

晚晚爆肝嘅生活玩《動物之森/動物森友會》,不過見到啲可愛鄰居都幾開心嘅。好似日本呢位網民就有兩隻可愛嘅兔仔,仲會聚埋喺廣場唱歌,而樓主就帶埋套音響去同佢哋助慶,首歌係《Bubblegum K.K.》,兩位演唱者仲交足戲好投入,而佢自己就拎埋指揮棒即場發揮,好可愛,入嚟有片睇。

Read more ›

【奇特】日本全新女子組合 要用「虛擬貨幣」睇演唱會

【奇特】日本全新女子組合 要用「虛擬貨幣」睇演唱會

日本嘅女子組合有好多,不過今次呢個真心覺得奇特,呢隊「仮想通貨少女」唔止造型夠晒獨特,女僕服裝加面具,更特別係佢哋目的係宣傳虛擬貨幣。8個成員分別代表不同貨幣,例如大家熟悉嘅Bitcoin又或者Ethereum、NEO、MonaCoin等。將來要睇佢哋嘅演唱會又或者買佢哋嘅產品,都係要用虛擬貨幣。不過佢哋喺Twitter強調自己唔係推廣投資,而佢哋所揀選嘅8種貨幣,都係有信心喺未來會繼續存在嘅,信唔信先?

Read more ›

日本女聲優開演唱會 360度舞台粉絲慘被攝入鏡

一見個標題唔係幾明,有「日本女聲優喺360度嘅舞台舉行演唱會」,有咩問題呢?撳入去睇先發現原來網民研究緊聲優後面啲樣。因為係4面台,後面嘅fans就被迫攝入鏡,有人留言話:「全部都係典型嘅宅男」、「戴眼鏡率好高」、「每個人都好似複製人」、「如果會俾人影到樣我寧願唔去」、「左下角嗰位似乎係好青年」,其實睇演唱會無端端俾人影咗上鏡真係好慘,下次都係開返3面台啦。

Read more ›

【貓奴無分階級】巨星Taylor Swift被黑面 帶巨型貓紙牌開演唱會

Taylor Swift貴為世界級巨星,但同你同我一樣,都係一個正宗貓奴,仲一樣會比屋企隻喵星人黑佢面!最近佢就放咗張抱住自己屋企隻貓Meredith嘅自拍照上IG,但係隻喵個樣擺明唔多情願,同笑晒口嘅主人形成強烈對比,Taylor自己都知,唯有寫:「Meredith is allergic to joy.」估計因為最近佢要去加拿大開演唱會,被迫掉低喵星人幾日,於是嬲嬲豬啦!Taylor噚日仲post咗張佢隻喵Meredith嘅超巨型紙牌相上IG,原來佢帶唔到真貓去,都帶隻假嘅去陪吓自己,睇嚟佢已經嚴重中毒。入嚟仲有佢隻喵嘅其他相睇,好可愛,難怪佢咁掛心。

Read more ›

日本瘋狂螢光男 全身發光睇演唱會

睇演唱會想投入啲?可以買支螢光棒,想再投入啲?可以學呢個日本瘋狂fans,成身掛滿螢光棒,全場最閃,坐喺山頂偶像都見倒佢。呢位出現喺演唱會觀眾席嘅螢光男,全身掛咗超過60支螢光棒,全程勁high,不過坐喺佢側邊嘅fans就可憐啲,燦住晒不特止,仲比佢搶晒鋒頭。好彩佢唔係睇「國際漿」演唱會,如果唔係門口都入唔倒。

Read more ›

螢光棒扮觀眾? 少女時代中國演唱會出奇招

呢張相最近喺網上瘋傳,我都係喺日本網站見倒,張相據稱係喺少女時代最近嘅中國演唱會度影倒,由於現場座位坐唔滿,大會就喺空嘅位上面放咗一支支螢光捧,令場面無咁冷清。網民睇完大讚主辦單位醒目,亦有人質疑少時演唱會無理由咁多空位,懷疑係開show前影落嘅相。我就比較相信後者講法,啲螢光棒可能係大會送比睇演唱會嘅人嘅。話時話,件事令我諗起太空漿演唱會螢光捧單嘢,唉。

Read more ›

【編輯Blog】Reika:陳奕迅旋風式狂洗腦

【編輯Blog】Reika:陳奕迅旋風式狂洗腦

近日完全被陳奕迅旋風包圍,首先腦海不停響起「歲月如歌」,搭車時聽緊佢嘅新碟「The Key」,仲有因為無買演唱會飛,所以用KK Box不停重溫成個演唱會嘅歌單,雖然好洗腦,但係好忙好充實。

Read more ›