Post Tagged with: "滑鼠"

【撞樣】日本網民摸錯咗     誤認白兔仔做滑鼠Twitter熱傳
by / on 24/10/2018 at 7:34 am

【撞樣】日本網民摸錯咗 誤認白兔仔做滑鼠Twitter熱傳

似成咁,認錯都好合理嘅。日本有網民分享咗呢兩張圖,原來自己將屋企隻白兔仔誤咗做旁邊隻mouse,咁佢哋又的確好似樣,只不過兔仔大隻咗少少,手感好咗少少‥‥‥之後隻白兔仔仲決定瞓返陣,好識嘆。

Read more ›

【新片速報】日本網民分享    好用滑鼠變scanner打埋字
by / on 11/10/2018 at 7:54 am

【新片速報】日本網民分享 好用滑鼠變scanner打埋字

日本網民間中都有好物分享,最近Twitter熱傳嘅有呢隻滑鼠,只要撳個藍色掣,隻mouse就會變咗做scanner,喺需要引用嘅文件上面掃兩下,就會喺屏幕顯示,最正係可以變埋文字,連打字都慳返。Amazon賣緊5000円,有興趣嘅可以買返個,入嚟有片示範。

Read more ›
鍵盤戰士有嘢食 Keyboard窩夫配滑鼠麵包好飽肚
by / on 25/09/2015 at 7:12 am

鍵盤戰士有嘢食 Keyboard窩夫配滑鼠麵包好飽肚

鍵盤戰士都要食嘢嘅,呢款Kickstarter集緊資嘅Keyboard窩夫倒模啱晒!今個月到貨,每個窿都可以放唔同嘅嘢食,放粒藍莓又得,放啲蜜糖又得,不過都唔夠隻Mouse滑鼠吸引,一包五嚿有齊唔同味,唔駛自己煮,打開就食得,最啱一邊單手食一邊打keyboard。

Read more ›
新片速報    蠢鈍喵星人追滑鼠游標    玩具錢都慳返
by / on 20/05/2015 at 7:03 am

新片速報 蠢鈍喵星人追滑鼠游標 玩具錢都慳返

喵星人可能天生懶散,所以好憎勤力嘅人類,咁先解釋到點解每次你開電腦,佢唔係瞓上keyboard就係戙喺電腦芒前面,又或者索性撳熄你個電掣。不過講到最經典,應該都係佢哋好找蠢咁追住芒上面嘅滑鼠游標左撲右撲,呢條短片捕捉咗佢哋嘅蠢態,有咗呢個游標,連玩具錢都慳返,不過記住貼芒貼,否則劃花晒個芒,你就算扣佢糧都補唔返。

Read more ›
槍王版Mouse 手感重量全Custom
by / on 20/06/2014 at 7:31 pm

槍王版Mouse 手感重量全Custom

  一個字! Pro! 價值6,450円嘅 ZM-GM4滑鼠, 將會6月下旬日本推出, 長闊高深可以自由調配, 呢啲就梗啦! 最重要係中間一個透明圓鏡位, 唔係傻到玩準星咁離譜, 打開之後, 可以自由調6個3.5g小法碼, 等你自定Mouse, 老實! 我試過, 彈弓好似差兩磅。

Read more ›
官方Ironman滑鼠  按掣雙眼識發光
by / on 23/04/2013 at 4:10 pm

官方Ironman滑鼠 按掣雙眼識發光

《Ironman 3》後日上畫,買咗飛未?之前介紹過嘅Ironman iPhone電話殼,早兩日喺奇趣天地仲見倒有得買,可惜我唔係用iPhone,呢隻Ironman滑鼠就啱用嘞,官方授權日本公司e-blue出品,勁在雙眼識發光,規格無乜期望,3A電,行光學,1000dpi,內地網站有得買,售價$699人仔,仲有少量貨。擺滑老鼠個盤睇落仲幾好鋼水,死!有啲想買O忝!

Read more ›

手機滑鼠巨型監獄   諷刺現代困局
by / on 23/04/2013 at 3:19 pm

手機滑鼠巨型監獄 諷刺現代困局

你呢一刻係拎住部手機,抑式按緊隻滑鼠?巴西設計師Felipe Luchi為雜誌《Go Outside》設計咗一輯相片,iPhone同滑鼠變成監獄,我哋呢啲日日與電腦為伍嘅現代人就身處其中走唔倒出嚟,係咪好感同身受?有無想喊嘅感覺?聽聞認真啲睇,會見倒逃出方法,但我搵唔倒,係咪代表我‥‥‥

Read more ›
巨型滑鼠手枕        長時間用電腦專用
by / on 21/03/2013 at 8:24 am

巨型滑鼠手枕 長時間用電腦專用

實用嘢通常都唔靚,呢個叫Kidstation就係最佳例子,其貌不揚,不過可以乘托懸浮喺半空,用緊滑鼠嘅手踭,可以調教高度、角度,最啱經常用電腦繪圖嘅朋友,大前題當然係你要有張幾大嘅書枱,同埋小心唔好起身坐底撞倒隻角。amazon有得賣,開價港幣$400左右。

Read more ›
滑鼠減肥法 日Click兩千下
by / on 11/03/2013 at 2:58 pm

滑鼠減肥法 日Click兩千下

你有冇肥胖嘅煩惱?係咪工作好忙日日對住電腦冇時間做運動?有冇諗過Click吓個Mouse會消耗幾多個卡路里?日本有個統計,就係一個成年男人,每日應該消耗2,000個卡路里,而女性就要1,700卡路里,咁Click一下Mouse會消耗幾多?答案係1.42。即係如果你一日Click兩千下,咁咪OK?不過你可能只有手食指同中指嘅肌肉比較發達,視乎你Copy & Paste得多唔多……  

Read more ›
獵奇發明   滑鼠戴上手    手指公忙到抽筋
by / on 22/02/2013 at 4:30 pm

獵奇發明 滑鼠戴上手 手指公忙到抽筋

對於電腦mouse,我仲停留喺咸豐年代,無追求新款,屋企嗰隻紅外線已經用咗幾年。見倒呢隻叫Myscestro,可以戴喺手指上嘅3D滑鼠,我覺得好神奇。不過都有啲多餘。戴上食指之後,可以掃左掃右掃上掃落,所有主要功能靠隻手指公處理,都幾忙。平時打稿就唔好預我,捽到手指抽筋都似。不過如果你成日要present,仲要係做IT行業嘅,就可以考慮嘞,唔實用都起碼型吖嘛,係咪?Kickstarter現正集資,開價美金$79。

Read more ›
星期五晚玩癲啲   DIY隻滑「鼠」
by / on 09/11/2012 at 4:08 pm

星期五晚玩癲啲 DIY隻滑「鼠」

  你估真定假!?………假?我會讚佢手工精細…… 但係……由頭到尾佢都無講嘢, 但一路睇落去, 相中漸見端睨 呢條鬼頭真係痴X 咗總掣! 你唔搵嚿屎嚟整? ↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓ ↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓ ↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓ ↓↓↓↓↓↓↓↓↓↓↓↓↓↓↓↓↓↓↓↓↓↓ ↓↓↓↓↓↓↓↓↓↓↓↓↓↓↓↓

Read more ›