Tag: 滑板

王澤為慈善出力 獻《老夫子》滑板供拍賣

王澤為慈善出力 獻《老夫子》滑板供拍賣

嚟緊8月28日,有個「東華三院150周年:滑板藝術網上展覽暨慈善拍賣」,王澤出手獻《老夫子》滑板,一組三件,拼埋一齊係一幅大畫。相比睇慣睇熟嘅黑白《老夫子》漫畫,滑板構圖與用色皆大膽,有剪影有大頭有側面,大紅大黃大藍大紫大黑又撞埋一齊,又估佢唔到咁正斗喎。

Read more ›

李志清滑板作畫做慈善 《香港情懷》+《獨孤求敗》

李志清滑板作畫做慈善 《香港情懷》+《獨孤求敗》

後知後覺了,原來有這麼的一回事,話說蘇富比同東華三院搞咗個慈善活動,因疫情取消實體展覽,改為網上拍賣。李志清利用滑板創作咗兩幅作品,一,以香江漁港為主題嘅《香港情懷》;二,Based on金庸小說《笑傲江湖》神級角色而畫嘅《獨孤求敗》。留意番,作品要因應番滑板本身木紋而構圖,出嚟嘅效果零違和,好厲害。

Read more ›
真心型Fans必備 伊藤潤二富江滑板

真心型Fans必備 伊藤潤二富江滑板

作為伊藤潤二Fans,我真心想擁有呢套由美國Crunchyroll推出嘅富江滑板。係呀,唔識踩滑板又如何?買返屋企齋擺都有排型,直接鑲上牆當畫咁欣賞,諗吓都興奮。價錢各60美金有找,抵玩。

Read more ›
【新片速報】日本網民練習滑板     失敗經歷痛到暴走

【新片速報】日本網民練習滑板 失敗經歷痛到暴走

係痛嘅,日本有網民發享咗段慘痛嘅片段,練習玩滑板嘅佢練習跳起反轉塊板,不過失敗咗,臨尾嗰下仲‥‥‥睇片都覺得極痛,另一段片睇見佢痛到走到好遠好遠,入嚟有回帶,仲有其他人嘅失敗事例,小心小心。

Read more ›
【回帶】有片:超叻汪星人 踩滑板識轉彎

【回帶】有片:超叻汪星人 踩滑板識轉彎

Wow,點解可以咁叻架?汪星人踩滑板巡遊,一身醒目狗仔衫固然係亮點,令途人目不轉睛嘅最大原因,係踩板技術異常精湛。唔係齋戙企喺度由得塊滑板自己轆,齋保持平衡難唔到汪星人,佢叻到識得自己用後腿坐跑再跳上板,跟住主人行街街,有幾個Shot,仲好似識得控制塊板轉彎添,唔畀十個叻佢都唔得。

Read more ›

有片:神技!踩板踩上檯!踩膠水馬滑落旋轉樓梯!

呢條片叫《Richie Jackson “Death Skateboards”》,Death?講真誇張咗,根本唔係甚麼玩命活動,不過板仔Richie Jackson話咗畀大家聽,踩板係可以無規則無框框嘅。全條片重點在一個「跣」字,鍾意嘅話,你可以四個轆朝天改用板面跣地下;再唔係,你可以跳上兩個石壆做Balance,轉個圈先跳番落嚟;又或者,你可以踩板同時跨過檯面;又或當膠水馬係滑板,喺旋轉樓梯由上至下滑落嚟;甚至連板都唔用,當鞋底本身就係滑板,樓梯跣住落是也。技術高就梗架嘞,最頂癮係創意澎湃,六分幾鐘,無一秒會悶親人。

Read more ›

有片:手指踩迷你滑板 唔使去Skate Park

此玩意叫「Fingerboard」,即「指板」,即係用手踩滑板,用手?仲要「踩」?嗯,個動詞可能會令人誤會,準確啲講,即係以手指扮用腳玩迷你滑板。呢條片拍得都幾有動感,而迷你滑板亦真係好迷你,應該唔長過三吋,又跳又滑又鏟又撞,唔使真正去Skate park,喺轉盤擺啲障礙物就可以開波玩嘞,Grab、Flip等真正滑板招式亦模仿得似無似樣,想玩得純熟都要下一番苦功。不過我想問,咁樣玩滑板,真係有癮咩?

Read more ›

【新片速報】識嘆喵星人唔落水 坐上狗背睇風景

喵星人真係好識嘆,雖然唔鍾意游水,但係可以騎上狗狗背部當滑水!呢條片由GoPro拍攝,由踩板踩到好紅嘅喵星人Didga做主角,今次騎上同屋住嘅狗狗Ice背部度游乾水。Ice就好似佢嘅跟班一樣喺泳池入面搏命游呀游,而佢就一臉得戚,好寫意。BTW,呢隻喵星人Didga喺YouTube好紅,有自己嘅頻道「CATMANTOO」,入面放咗佢主人訓練佢嘅短片,除咗識踩滑板仲識好多雜技,入面仲有啲簡單訓練貓嘅教學,貓奴可以入去學返幾招。

Read more ›

【有片】滑板高手化老妝撐拐杖 突入玩花式嚇爆o靚仔

呢條橋之前籃球都玩過喇,不過依然好睇。條片係西班牙拍嘅,呢位就係1994年出生、Red Bull西班牙滑板選手「Danny León」,佢化晒個老妝出場,仲要搵埋班真嘅公公婆婆傍住出場,撐住拐杖嘅佢哋同班後生仔講想喺佢哋個場玩滑板……班後生仔都要讚,雖然都有笑吓班老人家,但都有出手扶吓伯伯,乖。當佢哋諗住伯伯都係沿地滑行一陣就走嘅時候,阿伯突然衝上跳台,嚇到佢哋淨係識得拍手同歡呼咋!

Read more ›

【很想要】《回到未來》懸浮滑板 迷你平價版$39.99有交易

電影《回到未來》入面,除咗對識自動縛鞋帶嘅Nike波鞋之外,塊懸浮滑板都令人很想要,踩住佢凌空浮起喎,勁型!之前有公司Hendo Hoverboard喺Kickstarter成功集資,製作真嘅懸浮滑板,可惜要美金1萬蚊1塊,那有錢?好彩仲有Think Geek網站呢個買得起嘅迷你版,一樣都係玩磁浮,不過唔踩得只可以擺喺枱面做裝飾。塊滑板會不停前後飄浮移動,最重要係只賣美金$39.99,《回到未來》fans點都要買返個傍身啦。

Read more ›

【有片】滑板貓又出擊 Go-Pro跳車玩花式

呢隻澳洲滑板貓Didga,之前都睇過佢喺條街度玩滑板啦,今次就去到滑板場挑機喇,都係繼續幫Go-Pro賣廣告,不過今次就玩多咗少少花式……同埋睇嚟佢好受歡迎,大家都係板仔嘛。

Read more ›

網圖分享:滑板做雕塑,骷髏頭九彩咁多色!

木雕,唔係新鮮事,但用滑板木做雕塑,相信只日本人Haroshi一家,佢本身係滑板迷,鍾意踩板、儲板同收集人家唔要嘅滑板,拆咗四個轆做原材料,製作色彩豐富嘅雕塑品。

Read more ›

新片速報 輪騎變滑板 鐵騎士跌低再嚟過

呢條片我睇得好開心,邊個話殘障人士唔型得唔飛得? 呢個外國男士Aaron ‘Wheelz’ Fotheringham用輪騎表演freestyle,滑板變輪騎,大量翻身動作單手一樣做倒,360度旋轉、後空翻一樣得,好勁!當然,佢間中都有失手,不過跌低之後咪起身再嚟過囉,成日郁啲嗌放棄嘅老中青要學吓喇。

Read more ›

新片速報 日本初中生畢業滑板遠征 青春熱血全記錄

話遠其實唔係好遠,80km左右,但幾個初中生帶住幾套衫加睡袋再加5,000円出發,嗰份青春同熱血嘅感覺,同你Full gear踩住架幾皮嘢單車入石澳係兩回事。呢班初中畢業生用咗3日2夜由神奈川去到箱根再兜個圈,食就食快餐便利店,夜晚就露宿瞓睡袋,其中一個話:「我哋知道上到高中讀書考試會好辛苦,於是計劃呢個旅程,我都一早講咗,到畢業,我哋就正式實行,因為我哋都同對方有承諾。」嗚!青春呀!汗水呀!唔得,我立刻熄咗個冷氣打開個窗大嗌先!咦?我間房冇窗o架喎。

Read more ›