Tag: 溫情

【母子情】伽椰子與俊雄的親子日記 IG狂post溫情相

電影《貞子vs伽椰子》6月18日上映,兩大恐怖角色合作,大家都開始落力宣傳,之前伽椰子開咗IG,主打「伽椰子與俊雄的親子日記」,越出越多「生活照」,例如伽椰子幫俊雄度高、兩個人喺櫻花樹下野餐、俊雄喺屋企後花園跳縄,加埋矇矓嘅濾境效果,唔恐怖之餘仲好搞笑,唔通嚟緊想拍溫情片?

Read more ›

新片速報 溫情廣告感動人心YouTube熱播

好耐無試過睇一個廣告令我咁感動。泰國廣告出名資素高,今次呢個廣告主人翁係一個泰國青年,佢心地好好,經常幫助有需要嘅人,不問回報,成條片拍得好生活化好感人,可能係我同你每日都會遇到嘅人同事,分別係有人會向有需要嘅人伸出援手,有人會視而不見。旁白話佢得到嘅唔係金錢可以衡量嘅快樂,好啱每日營營役役嘅香港人睇,睇完個心會好溫暖,亦可以趁呢個機會,反省吓自己每日過得有無義意。片尾有講賣嘅係咩廣告,自己入去發掘啦。

Read more ›

新片速報 Apple廣告賣溫情 低頭族都有愛

智能電話,令到一家人圍埋食飯時各自修行無交流,但亦有人開個家人WhatsApp群組分享趣事,你屬於邊一種?始作蛹者iPhone5s趁聖誕出咗條主打溫情嘅廣告片,片中見倒個o靚仔每分每秒都揸住部電話篤篤篤,十足平時嘅你同我,睇到尾先知佢原來用部電話嚟拍家庭短片,最後梗係用AirPlay駁上電視全家分享啦。有啲Hard Sell,不過首歌幾好聽,同埋提醒咗我冬至同屋企人食飯時要放低部電話。

Read more ›

舊相重做氹阿媽 孝順仔溫情絕技

你嘅櫃筒底有無大堆陳年舊照?定還是90後嘅你從來無相簿只有save喺電腦或者舖咗上facebook嘅photo album?唔好怪我忽然感性,因為睇倒網友olias32為咗氹佢55歲嘅媽咪開心,同佢細佬翻箱倒篋搵返細過啲相,然後再去返相同地點擺返相同甫士再影一次。我唔知伯母睇完有無笑出聲或者感動到喊,但係呢份心意的確好值得嘉許呀!不孝子,今晚返屋企陪阿媽食飯啦。

Read more ›

新片速報 泰國電訊廣告 百萬點擊賣溫情

泰國廣告一向水準高有笑點,今次電訊商TrueMove H嘅新廣告改賣溫情,叫TrueMove H: Giving,講施比受更有福,三分鐘短片,講小食檔檔主一個善舉,令佢臨老病危時得到回報,好似睇電影咁有完整故事有感動位,雖然睇到最後都唔覺同呢間電訊商有乜關係‥‥‥睇完我諗起良心飯店北河燒臘。BTW,我上Google翻譯咗Youtube嗰段泰文簡介,意思原來係,「溝通是最好的,即使不說一句話。」噢,明晒!

Read more ›

父女溫情相集 迫囡跳水切手指

今時今日,十個阿爸九個有部單反傍身,不過有時影靚相未必一定單靠靚機,創意加執相都好重要,外國攝影爹哋Dave Engledow有個好得意嘅囡囡,為咗幫囡囡影多啲靚相留念,佢創作咗一系列得意父女照,每張都經過精心設計,有晒故事構圖,例如囡囡扮奧運選手跳水,爹哋扮比囡囡開罐頭切斷手指‥‥‥要讚佢後期加工功力都好強,每張相都好有紀念價值,雖然爹哋演哋略嫌浮誇咗啲,但相信囡囡大過睇返一定好冧。

Read more ›

靚爆溫情囡囡相 精心佈局父愛滿瀉

星期六係我一星期入面心情最好嘅一日,晨早起身就睇倒呢輯溫情相,心情靚晒!攝師師Jason Lee有兩個囡囡Ktristin同埋Kayla,為咗幫佢哋留倩影,Jason爸爸開咗個blog同埋facebook,將囡囡靚相定時上載,吸引好多網友狂Like,因為每張相片都經過精心設計佈局,再加埋後期效果同無限父愛,睇得人賞心悅目。自問成日想同屋企人影輯靚相,但又唔知從何入手,可以去佢哋個網參考吓,一定會攞倒好多靈感。

Read more ›