頭箍當湯汁 麵條飛躍美

食碗麵啫,使唔使咁複雜呀?就係要咁複雜,日本ARuFa不嬲多古靈精怪念頭,今次佢誓要拍攝一輯最有動感嘅食麵相,預期效果就好似漫畫定格咁,麵條可以對抗地心吸力,凌空打橫打斜兜圈甚至亂咁飛而不墮。結果,呢個咁奇妙嘅諗法係成功嘅,不過事前當然要做足準備工夫──先煮麵,將煮熟麵條掛上衣架晾三日,麵條收水封乾後會呈現唔同形態,至於湯汁呢,就騎呢咗啲,買個頭箍番嚟,從中折半,用膠水黐喺碗邊,一切準備就緒之後就可以折斷衣架,拎出乾爭爭麵條擺Pose影相,個Mood要幾動感有幾動感,畫面要幾飛躍有幾飛躍,果真創意無限,厲害呀。

Read more ›