Tag: 湯告魯斯

【外國鮮肉】加拿大新總理 日本網民讚靚仔:「好似湯告魯斯!」

靚仔從政幾時都有著數,之前有台灣嘅馬英九,最近有加拿大呢位鮮肉新總理賈斯廷特魯多(Justin Trudeau),啱啱喺加拿大總選大勝嘅自由黨黨首,好快成為網上熱話,網上仲瘋傳佢之前參加慈善拳擊賽赤裸上身嘅上磅照。早兩日佢舉行宣誓就職,嚟緊將會步佢執政長達15年嘅爸爸Pierre Trudeau後塵擔任加拿大總理。日本2ch網民睇完佢張相都無私咁大讚靚仔。有人話:「好似湯告魯斯!」、「係咪海外電視劇?」、「感覺上要變身蝙蝠俠嘞!」,亦有人突破盲腸:「我諗起《寄生獸》入面嘅政客」。不過最重要都係政績,唔好好似馬英九咁最後比人鬧住走。

Read more ›

新目標出現!湯告魯斯惡搞圖 徒手擒飛機潛力無限

外國人都好鍾意惡搞改圖,之前奧斯卡硬咀Scarlett Johansson嘅John Travolta以至北韓嘅金正恩都係熱門被搞對象,不過最近有勁敵嘞,佢就係新一集《Mission Impossible: Rogue Nation》入面嘅湯告魯斯!戲中凌空徒手擒飛機嗰幕經常出現,仲做埋海報,咁有潛力,唔改真係對唔住自己。於是網上就湧現大量改圖,當然有外國網民最鍾意嘅萬能key尼古拉斯基治啦!BTW,想改埋一份入嚟有PNG下載。

Read more ›

新片速報 眼珠黑定灰? 再玩錯視 湯告魯斯都睇漏眼

自從嗰條藍黑裙之後,大家對錯視(Illusions)又重拾興趣,好似呢張相,兩隻眼珠分別係乜嘢色?左邊藍右邊灰?我都係咁諗,但睇真啲,原來兩隻眼珠係同色嘅!入嚟有片睇,好神奇,另外仲有4個好正嘅錯視範例,由BuzzFeed製作,連湯告魯斯都睇漏眼,係咪我有問題?BTW,最近有無多咗人去驗眼呢?

Read more ›

【有片】《異空戰士》出中文Trailer 五月靚佬開月光寶盒

  呢世人最鍾意睇科幻片, 尤其係打怪獸, 又有好戲上喇! 係嚟緊5月29號IMAX 3D上嘅《異空戰士》, 男主角係湯告魯斯, 哎! 好老! 面部肌肉都見到有啲鬆咗落嚟, 仲要出嚟打怪, 真係好慘情! 仲見到一幕佢揸電單車扮《Top Gun》……你話情可以堪呢! 女主角係《穿Prada的惡魔》嘅艾美莉賓特, 真係Barbie公仔咁索, 不過由於佢要扮女戰神關係, 可能過度操練, 所以……個身栽變成波平如鏡, 真係好可憐; 故事唔錯, 話說不久後嘅地球俾外星人侵襲, 冇實戰經驗嘅威廉基治少校(湯告魯斯飾),突然被調配到前線,執行尤如自殺式任務。基治在戰場上不到幾分鐘已陣亡,但他卻離奇地跌入時空循環中,被迫不斷重生,一次又一次經歷這場殘酷的戰爭,重複搏鬥然後死亡。

Read more ›