Tag: 游水

《蠟筆小新》游水兵團扭蛋    超可愛粉絲必儲

《蠟筆小新》游水兵團扭蛋 超可愛粉絲必儲

《蠟筆小新》嘅扭蛋一向好受歡迎,今次Bandai呢個游水兵團「みずあそび隊」應該好多人想儲,小新戴住泳鏡泳帽坐喺水泡上面好得意,仲有阿呆坐香蕉船、風間拎水槍、妮妮玩沙灘波、正男坐橡皮艇,全部都好可愛,好想儲齊一套,今個月推出,fans記住留意返。

Read more ›

【有片】螃蟹游水原來係咁 雙腳揈揈吓Twitter熱傳

【有片】螃蟹游水原來係咁 雙腳揈揈吓Twitter熱傳

有無人見過蟹游水?日本有網民喺Twitter分享咗段片,原來佢哋游水嘅時候係咁得意,兩隻腳揈揈吓好似同人揮緊手咁,超可愛,入嚟有片睇。BTW我又諗起炸蟹拑喇。

Read more ›
超可愛日本「藍色水怪湯勺」 湯煲內游水Twitter熱傳

超可愛日本「藍色水怪湯勺」 湯煲內游水Twitter熱傳

日本嘅廚俱好精緻,最近熱傳有呢款藍色水怪湯勺,放佢喺煲湯入面,就好似有隻水怪喺入面游緊水,好可愛。樓主分享之後吸引好多人留言,原來唔少人都買咗,入嚟有link,日本amazon都有得買,每支1725円。

Read more ›

【有片】《FF XV》揸車有Bug 主角車內游水Twitter熱傳

《Final Fantasy XV》喺日本同香港都好多人玩緊,今次有得4個hehe一齊揸車周圍去,一定好爽啦。不過有日本網民就發現揸車都有唔少bug喎,其中呢段片就見到主角諾克堤斯王子唔知點解喺車入面打橫咁游水,其餘三位就型爆咁企喺車身前面。有人就質疑點解製成品都會咁差,唔通係「特殊召喚」?

Read more ›

【有片】日本Twitter熱傳刺猬仔游水片 實力懸殊片段被刪

今日寫咗好多動物news,本來唔想再寫,但呢段片實在忍唔住分享吓。段片喺Twitter見到,標題係「刺猬仔都有分識游水同唔識游水嘅」,片中見到右邊嘅刺猬仔一馬當先係咁向前游,難為旁邊嘅刺猬仔,出盡力想跟,但又跟唔到,仲游游吓反肚漂浮。不過專家話刺猬雖然識游水,但係持續時間好短,所以作為主人都要識可而止呀,亦可能因為咁,段片已經喺Twitter被刪,總之作為主人要留意佢哋嘅情況,唔好樂極生悲啦。

Read more ›

日本推出游水專用「過膝襪」 囡囡超人氣泳衣配搭

日本近年好流行水中寫真,水中囡囡著泳衣加過膝襪拍寫真,攝影師古賀学一手帶起呢股熱潮,仲連出三本寫真,三本都好有人氣,我哋之前都有介紹,入嚟有回帶。咁各位想學嘅囡囡,而家可以買呢啲用泳衣物料製造嘅及膝襪嘞,每對3024円,有好多款式揀,係就係貴啲,但配埋泳衣的確幾靚,雖然實用度應該無乜。

Read more ›

新片速報 受虐老虎第一次游水 開心浸水超爽

老虎身為動物界嘅皇者,平日好威風,但係紐嘅Buffalo地區嘅老虎就同人唔同命,長年被困喺又污糟又細嘅籠入面,無論精神同肉體上都係一種虐待。好彩國際動物組織IFAW最近拯救咗其中兩隻老虎,義工Carli同埋Lily仲帶老虎去游生平第一次水,睇片見佢哋喺水入面又潑水又玩水,仲開心到浸喺水入面抖涼hea吓,呢啲先係生活嘛。

Read more ›

豬仔荒島暢泳 養到肥肥白白

我認我孤陋寡聞,豬仔游水我都係第一次見,你睇佢哋個樣幾爽皮?原來呢班豬仔總共有20隻,全部住喺巴哈馬嘅一個無人荒島上,據稱呢班豬係由一班水手暫放喺呢個島上,諗住得閒下次返嚟接返佢哋(嚟食),咁有人玩水上活動時經過呢個小島,見倒呢班豬仔暢泳,於是影咗一輯上放上網。睇完,我覺得心曠神怡,好想星期六去沙灘同陽光玩遊戲,同埋我應承自己今個周末唔食豬。

Read more ›

Sony防水防上癮 游水專用Walkman日本2月發售

Sony最近玩防水玩上癮,旗艦機Xperia Z玩防水,呢部2月16日將會喺日本推出嘅Walkman更加係游水專用!呢部耳機型號NWD-W270,夠輕兼內置4GB記憶體。老實,防水耳機或者MP3都唔係咩新嘢,不過呢個勝在唔駛連住一大抽電線,重29克,可以去到水深2米,而且設計緊貼頸部,聲稱游水大動作都唔會甩。不過同Sony之前出嘅跑步Walkman一樣,最麻煩係要將啲音樂過嚟過去,價錢預計1萬円以內,有黑、白、藍三色,香港暫時未知會唔會返貨。不過我要學咗游水先。

Read more ›